8 пургыж

←
→
Пургыж
← →Пургыж
	2026 ий

8 пургыж (8 февраль) — григориан кечышот почеш идалыкын 39-ше кечыже. Идалык пытыме марте 326 (кужемдыме ийлаште — 327) кече кодеш.

Йошкар-Олаште ☀️ Кече 7 шагатат 18 минутлан лектеш, 16 шагатат 18 минутлан шинчеш. Кечын кужытшо 🕒 9 шагатат 0 минут.
🌖 Катыкем толшо тылзе (20.55 тылзе кече).

Пайрем да шарныктарыше кече-влак

Тугак ончо: Категорий:Пургыж тылзын 8 кечысе пайрем-влак

ООН — Фашизм ваштареш кучедалше самырык талешкын кечыже (руш. День памяти юного героя-антифашиста).
Россий — Россий шанче кече (руш. День российской науки).
Россий — РФ Сарзе вийын сарзе полиций кече (руш. День военной полиции Вооруженных сил РФ).
Россий — Сарзе топографын кечыже (руш. День военного топографа).
Риэлторын кечыже (руш. День риэлтора).
Аэрофлот кече (руш. День Аэрофлота) — пургыж тылзын 2-шо рушарнян палемдалтеш.

Лӱмгече

Католик лӱм-влак: Джером, Джузеппина, Менгольд, Стефан, Ювенций.
Православий лӱм-влак: Аммон, Ананий, Аркадий, Давид, Климент, Ксенофонт, Мария, Павла, Пётр, Симеон, Фёдор.

Эртынчык-влак

Тугак ончо: Категорий:Пургыж тылзын 8 кечысе событий-влак

1816 — Полицийын пашаштыже икымше гана пийым кучылтыныт.
1837 — Александр Пушкин ден Жорж Дантес коклаште дуэль лийын.
1838 — Семюэль Морзе икымше гана электромагнит телеграфым ончыктен.
1929 — Вертолётым ыштеныт. Инженер Николай Камов икымше совет вертолётым чоҥен. Тудын лÿмжö «Каскр-1» лийын.

Шочыныт

Тугак ончо: Категорий:Пургыж тылзын 8 кечынже шочшо-влак

1919 — Кузьма Васильевич Новосёлов, совет лётчик-ас, подполковник. Кугу Ачамланде сарын участникше. Совет Ушемын Талешкыже (27.06.1945).
1936 — Виталий Павлович Белоусов, ял озанлык пашаеҥ, Марий Эл республикын сулло агрономжо, Россий Федераций ял озанлыкын сулло пашаеҥже. Шкеже Киров вел гыч. 8 ий ял озанлык опыт станцийыште тӱҥ агрономлан тыршен. Вара паша корныжо ял озанлык министерствышке конден. Тыштат тудо тӱҥ агрономлан, министрын алмаштышыжлан пашам ыштен. 50 наре шанче пашан авторжо.
1948 — Александр Сергеевич Депресов, совет лётчик. Полковник. Совет Ушемын Талешкыже.
1963 — Нонна Петровна (Падерина) Швед, концертмейстер да туныктыш пашаеҥ. Шкеже тудо Свердловск вел гыч. Уралысе консерваторийым тунем пытарымек, вигак Йошкар-Оласе Палантай лӱмеш училищыш фортепиано дене туныктышылан пашам ышташ толын.
1957 — Серафима Сергеевна Сибатрова, курыкмарий шанчызе, йылмызе, туныктышо, филологий шанче кандидат (1988), доцент (1996), Марий Эл Республикысе шанчын сулло пашаеҥже (2010), Марий Эл Республикысе М.Н. Янтемир лӱмеш Кугыжаныш премийын лауреатше (2011).

Коленыт

Тугак ончо: Категорий:Пургыж тылзын 8 кечынже колышо-влак

1831 — Василий Сергеевич Шереметев, генерал-майор, Шереметевмыт тукымын титулдымо укшыж гыч Изяслав (Волынский) губернийын вуйлатышыже. Юрино посёлкысо усадьбын озаже.
1953 — Илья Васильевич Гребенщиков, руш да совет химик да технолог, профессор (1922), СССР шанче Академийын академикше (1932).
1978 — Дмитрий Ильич Никеев, совет партий пашаеҥ, шанчызе-агроном да ялозанлык пашам виктарыше. Марий АССР Кӱшыл Каҥашын депутатше (1947—1963). РСФСР-ын сулло агрономжо (1968). Социалистический Паша Герой (1971).
2003 — Леонид Яковлевич Флорентьев, совет кугыжаныш да партий пашаеҥ, РСФСР ялозанлыкын министрже (1965—1983).

Калык пале

Кечан да мардеждыме игече шога гын, шошо леве лийшаш да эр толшаш.
Фёдорын кечыже. Тиде кечын шочшо еҥ-влак пурса пучымышым кочкыныт, нунылан тиде ешартыш вийым пуэн. Ожно тыгай йÿлам шуктеныт: лишыл еҥыштын шÿгарÿмбакышт миен, шÿчым урен коденыт – тиде нунын чоныштым лыпландараш полша, манын ÿшаненыт.