28 пургыж

←
→
Пургыж
← →Пургыж
	2026 ий

28 пургыж (28 февраль) — григориан кечышот почеш идалыкын 59-ше кечыже. Идалык пытыме марте 306 (кужемдыме ийлаште — 307) кече кодеш.

Йошкар-Олаште ☀️ Кече 6 шагатат 31 минутлан лектеш, 17 шагатат 5 минутлан шинчеш. Кечын кужытшо 🕒 10 шагатат 33 минут.
🌔 Ешаралт толшо тылзе (11.02 тылзе кече).

Пайрем да шарныктарыше кече-влак

Финляндий — Калевалан кечыже (руш. День Калевалы).
Пӱй феян кечыже (руш. День зубной феи).

Лӱмгече

Католик лӱм-влак: Аба, Аверкий, Иларий, Роман, Освальд, Хилари.
Православий лӱм-влак: Алексей, Арсений, Афанасий, Евсевий, Евфросиния, Иван, Маиор, Михаил, Николай, Онисим, Пафнутий, Пётр, Симеон, София.

Событий-влак

Тугак ончо: Категорий:Пургыж тылзын 28 кечысе событий-влак

1921 — Российысе образований профсоюзын марий областной организацийже ышталтын.

Шочыныт

Тугак ончо: Категорий:Пургыж тылзын 28 кечынже шочшо-влак

1898 ий — Арсений Дмитриевич Тургенев, совет ялозанлык пашаеҥ, агроном. Марий ялозанлык опыт станцийын директоржо (1945—1947), Марий АССР ялозанлык министерствын шанче шотышто тӱҥ агрономжо (1950—1975). РСФСР-ын сулло агрономжо (1960). КПСС йыжыҥъеҥ.
1914 ий — Ошэл Васлий, марий серызе, почеламутчо.
1929 ий — Александр Ефимович Китиков, марий йылмызе, шанчызе, профессор, фольклорист, филологий шанче доктор (1992), Марий Эл Республикысе шанчын сулло пашаеҥже (1989).
1929 ий — Пластинин, Николай Александрович, йӧнозалык специалист. Марий Эл Республикын сулло рационализаторжо. Россий Федерацийын сулло химикше. «Марбиофарм» витамин заводышто 50 ий утла тӱрлӧ пашам шуктен шоген. Тидым аклен, Йошкар Знамя Паша орден дене палемденыт.
1932 ий — Петухов, Виталий Андреевич, туныктыш пашаеҥ, Марий Элын калык туныктышыжо. 8 ий Оршанкысе педучилищым вуйлатен шоген, а 1977-ше ий гыч Марий Эл республикысе туныктыш министерствыш пашаш куснен. 1996-шо ийыште тиде министерствын увер да аналитик рӱдерын вуйлатышыже лийын.
1951 ий — Шакиртов, Роберт Шарафович, мер пашаеҥ. Калтаса кундемысе погынын депутатше. Пошкырт эл мер толкынышто кугу надырым пыштен. «Мари ушемын» чолга еҥже.
1951 ий — Урал Рамдракович Латыпов, Белоруссийын кугыжаныш да мер-политик пашаеҥже.
1958 ий — Каменщиков, Евгений Анисимович, тӱвыра пашаеҥ. Тудын вуйлатымыж почеш Кужэҥер кундем Йывансола тӱвыра пӧрт пелен кумдан чапланыше «Мурсескем» ансамбль чумырген. Евгений Анисимовичым тиде суапле пашажлан Российын да Марий Эл Республикын сулло тӱвыра пашаеҥже лӱм дене палемденыт.
1959 ий — Александр Токарев, руш серызе, Россий Серызе-влак ушемын йыжъеҥже (2002).
1975 ий — Надежда Никитина (Надежда Геннадьевна Гордеева), марий серызе, почеламутчо.

Коленыт

Тугак ончо: Категорий:Пургыж тылзын 28 кечынже колышо-влак

2018 ий — Сергей Владимирович Большов, совет да российысе шанче пашаеҥ, археолог-шанчызе, тоштер пашаеҥ. Кыдал Юл кундемысе той курым да абашевысе тӱвыра шотышто шанче пашаеҥ.

Калык пале

Тӱрволакыште кугу ийсӱс-шамыч кечат гын, шошо кужу лийшаш.