Мамаева, Анастасия Георгиевна

Анастасия Георгиевна Мамаева
Анастасия Георгиевна Мамаева
Шочмо кече	5 пургыж 1916
Шочмо вер	Нурвел, Вӱрзым уезд, Виче губерний, Россий империй;
Колымо кече	17 ӱярня 1994 (78 ий)
Колымо вер	Йошкар-Ола, Марий Эл Республик, Россий;
Гражданлык	Россий империй → СССР → Россий
Паша сомыл	партий пашаеҥ, депутат
Награде да премий

Анастаси́я Геóргиевна Мамáева (5 пургыж 1916, Нурвел, Вӱрзым уезд, Виче губерний, Россий империй — 17 ӱярня 1994, Йошкар-Ола, Марий Эл Республик, Россий) — марий совет партий да кугыжаныш пашаеҥ. Марий АССР Министр-влак Каҥаш Председательын алмаштышыже (1951—1962), Марий АССР просвещений министрын алмаштышыже (1962—1971). ВКП(б)-ын йыжыҥъеҥже.

Илыш корныжо

1916 ий 5 февральыште Виче губернийысе Вӱрзым уездын Нурвел ялыштыже (кызыт — Марий Элысе Шернур посёлко)^[1] кресаньык ешеш шочын^[2].

1934 ийыште Шернур педагогике техникумым, 1936 ийыште — Марий туныктыш институтым тунем пытарен. 1936—1941 ийлаште Марий АССР-ысе Волжский да Косолапово районласе школлаште историй туныктышылан пашам ыштен^[2].

Партий пашаш куснен: 1941—1951 ийлаште — ВКП(б) Косолапово райкомын агитаций пӧлка вуйлатышыже, ВКП(б) Марий обкомын лекторжо. 1950 ийыште ВКП(б) ЦК пеленысе Кӱшыл партий школым тунем пытарен. 1951—1962 ийлаште Марий АССР Министр-влак Каҥаш Председательын алмаштышыже^[3], 1962—1971 ийлаште — МАССР просвещений министрын алмаштышыже лийын. Марий АССР-ысе Ӱдырамаш-влак каҥашын председательже^[2].

1955—1963 ийлаште Марий АССР Кӱшыл Каҥашын (руш.) (мар. IV—V созывысе депутатшылан сайлалтын^[4].

Шуко ияш мер-политике пашаже Паша Йошкар Тисте, «Почёт Пале» орден-влак, медаль, нунын коклаште «Пашаште чолгалыклан» медаль дене, тыгак Марий АССР Кӱшыл Каҥаш Президиумын Чаптаныкше дене (кум гана) палемдалтын^[2].

1994 ий 17 августышто Йошкар-Олаште илыш дене чеверласен, туштак тойымо^[2].

Суаптар-влак

Паша Йошкар Тисте орден (1960)^[2];
«Почёт Пале» орден (1951)^[2];
«Пашаште чолгалыклан» медаль (1946)^[2];
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (руш.) (мар. ^[2];
Марий АССР Кӱшыл Каҥаш Президиумын Чаптаныкше (1946, 1957, 1966)^[2].

Палемдымаш

↑ Информационный ресурс Республики Марий Эл "12rus.ru" :: Сернурский район (неопр.). www.12rus.ru. Тергыме кече: 17 шорыкйол 2026.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2007, с. 226.
↑ Председатели рай- и горисполкомов МАССР - События и люди города, фото Йошкар-Олы и история города (неопр.). olacity.ru. Тергыме кече: 17 шорыкйол 2026.
↑ Официальный сайт Госсобрания Республики Марий Эл (неопр.). old.gsmari.ru. Тергыме кече: 17 шорыкйол 2026.

Литератур

Мамаева Анастасия Георгиевна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 226. — 2032 экз. — ISBN 5-87898-357-0.
Мочаев В. А. Мамаева Анастасия Георгиевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 270. — 606 с. — 1500 экз. — ISBN 978-5-905314-35-3.

[1] Информационный ресурс Республики Марий Эл "12rus.ru" :: Сернурский район (неопр.). www.12rus.ru. Тергыме кече: 17 шорыкйол 2026.

[_594f202b566bd9af-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2007, с. 226.

[3] Председатели рай- и горисполкомов МАССР - События и люди города, фото Йошкар-Олы и история города (неопр.). olacity.ru. Тергыме кече: 17 шорыкйол 2026.

[4] Официальный сайт Госсобрания Республики Марий Эл (неопр.). old.gsmari.ru. Тергыме кече: 17 шорыкйол 2026.

[1]

[2]

[3]

[4]