Депресов, Александр Сергеевич

Александр Сергеевич Депресов
Александр Сергеевич Депресов
Шочмо кече	8 пургыж 1948 (78 ий)
Шочмо вер	Ошламучаш, Марий Турек ола шотан илем[d], Марий Турек район, Марий Автоном Совет Социализм Республик, РСФСР[d], СССР;
Званий	Полковник[d]
Награде да премий	;

Александр Сергеевич Депресов (шоч. 1948, 8 февраль Ошламучаш, Марий АССР) — совет лётчик. Полковник. Совет Ушемын Талешкыже, Йошкар Тисте, Сарысе Йошкар Тисте ден Ленин орден-влакын кавалерже.

Илыш корныжо

1948 ий 8 февральыште Марий АССР Марий Турек вел Ошламучаш ял кресаньык ешеш шочын. Калыклык шот дене мари. Ачаже, Сергей Михайлович, Кугу Ачамланде сарын салтакше лийын, аваже, Мария Ивановна — тылыште пашаче. Александр куд йоча гыч кугуракше лийын. Марий Пыламарий кыдалаш школышто, кандаш классым тунем пытарымек, Нартас ялозанлык техникумыш зоотехниклан пурен. Вара Совет армийыш налалтын. Кечывалвел войска тӱшкан 35670 частьыштыже служитлен^[1]^[2].

1968 ийыште демобилизаций деч вара Депресов лётчик-влакым ямдылыше кӱшыл сарысе авиаций училищыш тунемаш пурен, 1972 ийыште визытан отметке дене тунем лектын. Кугурак лейтенант лӱмпале дене Кечывалвел войска тӱшкасе Чехословакийыш колталтын. Вара Прикарпатысе, Мӱндыр Эрвел да Туркестан сарзе округлаште служитлен. Экипаж командир гыч вертолёт эскадрилийын командирже марте корным эртен^[1].

Ик идалык, 1985 ий гыч 1986 ий марте, Афганистан Демократ Республикыште командировкышто лийын. 1986 ийыште Чернобыльский АЭС-ыште азапын кышажым пытарыше-влак коклаште ик эн ончыч лийын: тудын экипажше тургыж йӱкеш нӧлталтын да вершӧрым шымлаш колталтын. Вара Депресов угыч Афганистаныш колталтын^[1].

Служымо жапыште Александр Депресов Ми-24 вертолет дене 863 сар чоҥештылмаште лийын, тышечын 24 — мландӱмбалсе да десант войскам арален да перен-штурмоватлыме пашам шуктен, колонно-влакым ужатен. Курыклаште десант-штурм тӱшкасе салтак-влаклан материал-технике шотышто йӧным ыштыме амал дене 80 гана чоҥештылын да 14 гана шинчын^[3]^[4].

Афганистан гыч СССР-ыш пӧртылмекыже, вертолёт эскадрилийын командиржылан служиен^[1].

1995 ийыште полковник лӱмпале дене Депресов шапашыш каен^[4]. Украиныште ила.

Суаптар

Палемдыме сӧй пашам сайын шуктымылан Александр Депресов суапландаралтын:
Ленин орден дене
Сарзе Йошкар Тисте орден дене — кок гана
Йошкар Шӱдыр орден дене
«Шӧртньӧ Шӱдыр» медаль да Совет Ушемын Талешкыже кӱшыл лӱмпале
моло награде денат, ты йотэл-влакысе суаптар денат^[1]^[3].

Еш

Александр Депресов ешан. Ончыкылык пелашыже Лидия Анатольевна дене Чехословакийыште служийыме годым палыме лийын^[2]. Кок ӱдырым куштеныт^[1].

Палемдымаш

↑ ¹ ² ³ ⁴ ⁵ ⁶ Депресов Александр Сергеевич (руш.). Общественный проект «Герои Отечества». Тергыме кече: 20 теле 2024.
↑ ¹ ² Лариса Меркушева. Командир эскадрильи (неопр.). Знамя (18 пургыж 2020). Тергыме кече: 20 теле 2024.
↑ ¹ ² Депресов Александр Сергеевич (неопр.). Музей истории города Йошкар-Олы. Тергыме кече: 20 теле 2024.
↑ ¹ ² Тудат марий мландын эргыже, 2019-12-10, <https://xn--80aaajllkisg9bu3m.xn--p1ai/%D1%82%D1%83%D0%B4%D0%B0%D1%82-%D0%BC%D0%B0%D1%80%D0%B8%D0%B9-%D0%BC%D0%BB%D0%B0%D0%BD%D0%B4%D1%8B%D0%BD-%D1%8D%D1%80%D0%B3%D1%8B%D0%B6%D0%B5/?ysclid=m4whi49x79581482420>. Тергыме: 20 теле 2024.

[:0-1] ¹ ² ³ ⁴ ⁵ ⁶ Депресов Александр Сергеевич (руш.). Общественный проект «Герои Отечества». Тергыме кече: 20 теле 2024.

[:1-2] ¹ ² Лариса Меркушева. Командир эскадрильи (неопр.). Знамя (18 пургыж 2020). Тергыме кече: 20 теле 2024.

[:2-3] ¹ ² Депресов Александр Сергеевич (неопр.). Музей истории города Йошкар-Олы. Тергыме кече: 20 теле 2024.

[:3-4] ¹ ² Тудат марий мландын эргыже, 2019-12-10, <https://xn--80aaajllkisg9bu3m.xn--p1ai/%D1%82%D1%83%D0%B4%D0%B0%D1%82-%D0%BC%D0%B0%D1%80%D0%B8%D0%B9-%D0%BC%D0%BB%D0%B0%D0%BD%D0%B4%D1%8B%D0%BD-%D1%8D%D1%80%D0%B3%D1%8B%D0%B6%D0%B5/?ysclid=m4whi49x79581482420>. Тергыме: 20 теле 2024.

[1]

[2]

[3]

[4]