Флорентьев, Леонид Яковлевич

Леонид Яковлевич Флорентьев
Леонид Яковлевич Флорентьев
7 РСФСР ялозанлык министр
	1965 ий 19 ноябрь — 1983 ий 28 январь
Виктер вуйлатыше	Геннадий Иванович Воронов; Михаил Сергеевич Соломенцев
Ончычсо пашаеҥ	Александр Васильевич Басов
Алмаштыше	Виктор Петрович Никонов
6 Кострома кундемысе КПСС комитетын икымше секретарьже
	1956 ий январь — 1965 ий 13 декабрь
Ончычсо пашаеҥ	Дмитрий Лаврентьевич Сумцов
Алмаштыше	Игорь Петрович Скулков
	1963—1964 ийла — Кострома ял кундемысе КПСС комитетын икымше секретарьже
4 Ульяновск кундемысе исполкомын председательже
	1947 ий август — 1949 ий 5 январь
Ончычсо пашаеҥ	Николай Васильевич Семикин
Алмаштыше	Михаил Александрович Чернышев
Шочын	24 теле 1911; Угарман, Россий империй
Колен	8 пургыж 2003 (91 ий); Моско, Россий Федераций
Тойымо вер	Кунцево шӱгарла[d];
Партий	Совет Ушем Коммунист партий[d];
Шинчымаш	Угарман ялозанлык институт
Шанче степень	экономике шанче кандидат

Леонид Яковлевич Флорентьев (24 теле 1911, Угарман — 8 пургыж 2003, Моско) — совет кугыжаныш да партий пашаеҥ, РСФСР ялозанлыкын министрже (1965—1983).

Еш да шинчымаш

Пашазын ешыштыже шочын. 1931 ийыште Угарман ялозанлык институтын (руш.) (мар. агрономий факультетшым тунем пытарен. Экономике шанче доктор, доцент.

Шанче-туныктымо да вуйлатыме паша

1931—1939 ийлаште — машина-трактор станцийын (руш.) (мар. (МТС) агрономжо, ялозанлык техникумын туныктышыжо, доцент, Угарман да Марий кӱшыл ялозанлык коммунист школлласе кафедрын вуйлатышыже.

1939 ий гыч ВКП(б) йыжъеҥ.

1939—1943 ийлаште — Марий АССР-ын мланде паша шотышто калык комиссарын алмаштышыже, калык комиссар,
1943—1944 ийлаште — ВКП(б)-н Марий кундемысе комитетын секретарьже,
1944—1946 ийлаште — Куйбышев кундемысе мланде пӧлкан начальникше, Куйбышев кундемысе Каҥашын исполнитель комитет председательын икымше алмаштышыже,
1946—1947 ийлаште — Ульяновск кундемысе Каҥашын исполнитель комитет председательын алмаштышыже,
1947—1948 ийлаште — Ульяновск кундемысе исполкомын председательже. Тиде жапыште кундемысе колхозник-влак икымше гана кугыжанышлан шурным, пареҥгым пуымо планым ончылгоч шуктеныт. Сталин лӱмеш автомобиль заводышто (кызыт УАЗ) автомашина-влакым погаш тӱҥалыныт. Мӱндыр ялла гыч йоча-влакым тунемме верыш коштыкташ тӱҥалыныт,
1948—1949 ийлаште — СССР Министр-влак Каҥаш пеленсе Пасу аралыше чодырам куштымо шотышто Тӱҥ виктем начальникын алмаштышыже,
1949—1954 ийлаште — Пӱтынь ушемысе ӱяҥдыш, агротехнике да рокым шымлыше шанче-шымлыше институтын (ВНИИ) кугурак шанче пашаеҥже да экономике пӧлкам вуйлатышыже,
1954—1955 ийлаште — Алтай крайысе ялозанлык виктемын начальникше (ты кундемыш сӧреман да яра мландым нӧлталаш колтымо), Алтай кундемысе Каҥаш пелен исполнитель комитет председательын икымше алмаштышыже,
1955—1956 ийлаште — Алтай крайысе КПСС комитетын кокымшо секретарьже,
1956—1965 ийлаште — Кострома кундемысе КПСС комитетын икымше секретарьже (1963—1964 ийлаште — Кострома ял кундемысе КПСС комитетын). Тиде олмышто улмыж годым Никита Сергеевич Хрущёвын шукияш шудым куштымо нурым куралаш да курал-ӱдымӧ шурным ӱдаш кӱштымыжлан тореш лийын.

КПСС РК йыжъеҥже (1966—1986), КПСС РК йыжъеҥже кандидат (1956—1966). СССР Кӱшыл Каҥашын (руш.) (мар. 5—10 созывласе депутатше.

Министр

1965—1983 ийлаште — РСФСР ялозанлыкын (руш.) (мар. министрже. Хрущёвын ялозанлык йодышым тӧрлымаште (политикыжын) уда лектышыж деч кораҥаш тыршен: мутлан, кукурузым ӱдымӧ кумдыкым кугемдыме, сурт пеленсе озанлыкым пытарыме, кресаньыкын садшым да виноград пакчам руымо ваштареш лийын. Флорентьевын министерствым вуйлатыме жапыште Россий ялозанлыкыште идалыкысе сатум ыштен лукмаш 1,9 пачаш кушкын, тунамак шурно лектыш 1,6 пачаш, шыл — 1,9 пачаш, шӧр — 1,8 пачаш, муно — 5 пачаш, емыж да саска — 2 пачаш кушкын. Колхоз пашалан окса дене тӱлаш тӱҥалыныт. Тудын чолган тыршымыж дене мландым ӱяҥдыме пашам у семын нӧлтал колтымо, ялозанлык ыштыквер-влаклан кугу окса полшым ойыраш тӱҥалме.

1983 ий гыч — ушем ыҥан посна палемдыме пенсионер. Москосо Кунцево шӱгарлаште (руш.) (мар. тоеныт^[1].

Россий серызе-влак ушемын йыжъеҥже лийын. Москосо Кострома землячествын пашаштыже тыршен.

Суаптар да чаплӱм-влак

Кум Ленин орден, Октябрь Революций, кок Пашан Йошкар Тистыже, «Чап Тамга» да Калык-влак Келшымаш орден-влак дене, «1941—1945 ийласе Кугу Ачамланде сарыште чолга пашалан», «Сӧреман мландым савырымылан» да моло медаль-влак дене суапландарыме. Кострома кундемын чапланыше гражданинже (1999).

Шнуй Сергий Радонежскийын медальже (Руш Православный Черке) (2001).

Палемдымаш

↑ Могила Л. Я. Флорентьева (неопр.). Тергыме кече: 5 шорыкйол 2026.

Литератур

Флорентьев Леонид Яковлевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 379. — 2032 экз. — ISBN 5-87898-357-0.
Флорентьев Леонид Яковлевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 787. — 872 с. — 3505 экз. — ISBN 978-5-94950-049-1.

Кылвер-влак

"Советская Россия" - независимая народная газета (неопр.). web.archive.org. Тергыме кече: 20 шорыкйол 2026.
Портал государственных органов Костромской области: Флорентьев Леонид Яковлевич (руш.). web.archive.org. Тергыме кече: 20 шорыкйол 2026.
Человек, который пытался изменить нашу область
Флорентьев Леонид Яковлевич // Справочник по истории Коммунистической партии и Советского Союза 1898—1991

[1] Могила Л. Я. Флорентьева (неопр.). Тергыме кече: 5 шорыкйол 2026.

[1]