Чистополов, Владимир Иванович
| Владимир Иванович Чистополов | |
|---|---|
 | |
| Шочмо кече | 1953 ий 28 ага (73 ий) |
| Шочмо вер | РСФСР, Марий АССР, Йошкар-Ола |
| Гражданлык |
 СССР Россий |
| Паша сомыл | серызе, почеламутчо, журналист |
| Награде да премий |
Марий Эл Республикын сулло журналистше (2002), Медведево район администрацийын Чапкагазше (1997), Марий Эл Республик Виктерын Чапкагазше (2002), Марий Эл Республикын Кугыжаныш Погынын Таумутшо |
Владимир Иванович Чистополов (шоч. 28 ага 1953, Йошкар-Ола) — руш серызе, почеламутчо, журналист, Марий Эл Республикын сулло журналистше (2002), Россий серызе-влак ушемын йыжъеҥже (2003)[1].
Илыш корныжо
Владимир Чистополов 1953 ийын ага тылзын 28-ше кечынже Марий АССР Йошкар-Олаште служащий ешеш шочын. 1970 ийыште 4 №-ан кыдалаш школым тунем пытарен. Кӱшыл шинчымашым Марий кугыжаныш университетыште налын (1980). Туныктышылан, МАССР-ысе Кугыжаныш телерадиошто изирак редакторлан, МВД-н пашаеҥжылан, шуко тиражан газетын корреспондентшылан, 3 №-ан профтехучилищыште военруклан пашам ыштен. 1986 гыч 1990 ий марте Медведево район «Коммунизм корно» газетыште корреспондентлан, вара муткучышо секретарьлан пашам ыштен. 1990—1991 ийлаште — «Крестьянский газетысе» тӱҥ редакторын алмаштышыже, вара куд ий жапыште уэш Медведево газетын муткучышо секретарьже. 1997 ий гыч «Марийская правда» газет редакцийыште пашам ышта, 2003 ий гыч — муткучышо секретарьлан[2].
Почеламутым эше школыштак возаш тӱҥалын. 1997 ийыште руш. «Я всю жизнь хожу по краю» («Мый ӱмыр мучко мланде тӱрыштӧ коштам») аршашыже «Периодика Марий Эл» савыктышыште лектын. Шуко ий жапыште Владимир Чистополовын почеламутшо-влак «Марийская правда» газетын лаштыклаштыже савыкталтыныт. Посна книга дене руш. «Левые и правые — все колоши плавают» («Шола да пурла — чыла калош иеш») поэме (2000) да «Икмыняр ойлымаш» лӱман прозо (1998) лектыныт. Тудын почеламутшо-влак «Сотовый мёд» тӱшка сборникыш, ойлымашыже-влак — руш. «Короткие встречи» («Кӱчык вашлиймаш-влак») Марий Элысе руш прозын антологийышкыже пурталтыныт[1].
Владимир Чистополов Медведево район администрацийын (1997), МЭР-ысе Виктерын (2002) Чаптаныкышт дене палемдалтын. МЭР Кугыжаныш Погынын Тауштыман серышыже уло. МЭР-ын сулло журналистше (2002). 2003 ий гыч Российысе серызе-влак ушемыште шога[1].
Тӱҥ произведенийже-влак
- Я всю жизнь хожу по краю: стихи. Йошкар-Ола, 1997. 84 с.
- Парочка рассказов: рассказы. Йошкар-Ола, 1998.
- Стихи // Сотовый мед. Йошкар-Ола, 2000. С. 196—209.
- Стихи // Россияне. 2000. № 1. С. 8.
- Левые и правые — все колоши плавают : поэма. Йошкар-Ола, 2000.
- Рыбацкое счастье; В бесклевье; Последний волколак: рассказы // Короткие встречи. Йошкар-Ола, 2001. С. 354—361.
Суаптар
- Марий Эл Республикын сулло журналистше (1993).
- Маскасола кундем администрацийын Чапкагазше (1997).
- Марий Эл Республик Виктерын Чапкагазше (2002).
- Россий Серызе-влак ушемын йыжъеҥже (2003).
- Марий Эл Республикын Кугыжаныш Погынын Таумутшо[1].
Палемдымаш
- ↑ 1 2 3 4 Владимир Чистополов (руш.). mari-lab.ru. Тергыме кече: 11 кылме 2025.
- ↑ Владимир Чистополов, <https://www.marpravda.ru/news/zhiteyskie-istorii-literatura/vladimir-chistopolov/>. Тергыме: 11 кылме 2025.
Литератур
- Краткая биогр. справка // Сотовый мед. Йошкар-Ола, 2000. С. 196.
- Краткая биогр. справка // Короткие встречи. Йошкар-Ола, 2001. С. 354.
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 662—663.