Старовойт, Роман Владимирович

РУВИКИ — эрыкан энциклопедий гыч материал
Роман Владимирович Старовойт
Rv2022.jpg
Флаг
Россий Федерацийын транспорт шотышто министрже
Флаг
2024 ий 14 май — 2025 ий 7 июль
Виктер вуйлатыше Михаил Мишустин
Президент Владимир Путин
Ончычсо пашаеҥ Виталий Савельев
Флаг
Курск кундемын губернаторжо
Флаг
2019 ий 16 сентябрь — 2024 ий 12 май
(врио 2018 ий 11 октябь — 2019 ий 16 сентябрь)
Президент Владимир Путин
Ончычсо пашаеҥ Александр Михайлов
Алмаштыше Алексей Смирнов
Флаг
«Икоян Россий» партийын Курск кундемысе пӧлкажын секретарьже
Флаг
2020 ий 12 ноябрь гыч
Ончычсо пашаеҥ Владимир Иванов
Флаг
Россий Федерацийын транспорт министрын алмаштышыже
Флаг
1 октябрь — 2018 ий 10 октябрь
Флаг
Федерал корно агентствын вуйлатышыже
Флаг
2012 ий 22 ноябрь — 2018 ий 28 сентябрь
Ончычсо пашаеҥ Анатолий Чабунин
Алмаштыше Андрей Костюк
Шочын 1972 ий 20 шорыкйол(1972-01-20)
Курск, Курск область, РСФСР, СССР
Колен 7 сӱрем 2025(2025-07-07) (53 ий)
Партий Икоян Россий
Шанче степень педагогике шанче кандидат
Награде
Лӱмынлык званий але классан чин
Званий Наплечный знак руководителя Росавтодор № (2017).png
Россий Федерацийын 1-ше классан чын кугыжаныш советникше
Логотип РУВИКИ.Медиа РУВИКИ.Медиаште медиафайл-влак

Роман Владимирович Старовойт (20 шорыкйол 1972, Курск — 7 сӱрем 2025, Одинцово, Моско область) — россий кугыжаныш да политике пашаеҥ. 2019 ий 16 сентябрь гыч 2019 ий 12 май марте Курск кундемын губернаторжо (2018, 11 октябрь — 2019, 16 сентябрь марте жаплан сомылым шуктышо)[1]. 2024 ий 14 май гыч 2025 ий 7 июль марте Россий Федерацийын транспорт министрже.

2025 ий 7 июльышто Раздор ял воктене Малевичын паркыштыже шкенжым шке пытарен[2][3].

Илыш корныжо

Роман Старовойт 1972 ий 20 январьыште Курск олаште шочын. Ачаже Владимир Александрович Старовойт Курскысо атом электростанцийыште пашам ыштен[4][5]. 1974 ийыште ачажым Ленинград АЭС-ыш кусареныт, Ленинград кундем Сосновый Бор олаште Романын йоча жапше эртен[6].

Тунеммаш

1995 ийыште Старовойт «Импульсан шокшо машина-влак» специальность дене Балтий кугыжаныш технике университетым тунем пытарен[7].

2008 ийыште «Кугыжаныш да муниципал управлений» специальность дене кугыжаныш службо шотышто Йӱдвел-Касвел академийым тунем пытарен[8].

2012 ийыште РФ МВД Москосо университетыштыже Старовойт «Теле полиатлонышто спортсмен-влакым ямдылыме инноваций методике» теме дене шанче степеньым налаш педагогике шанче кандидат диссертацийым арален[9].

2019 ийыште Старовойт кугыжаныш управленийын (ВШГУ) РАНХиГС-ын Кӱшыл школыштын вуйлатыше кадр шапашым вияҥдыме программе почеш тунем лектын.

Паша корныжо

Бизнесыште

1995 ийыште Старовойт «Кундемласе инвестиций агентстве» директор сомылым шуктызо лийын. 1995—2001 ийлаште — «Промышленный» НПФ актившым виктарыме шотышто компанийын генеральный директоржо. 2002—2005 ийлаште «Стройинвест» чоҥышо компанийын озаже да генеральный директоржо лийын[10].

РФ министерстве да ведомство-влак кышакарыште

2005 ий гыч 2007 ий марте Старовойт Санкт-Петербургысо виктерын инвестиций да стратегий проектше-влак шотышто комитетын инвесторжо-влак дене пашам ыштыме шотышто пӧлкан начальникшын олмыжым айлен. 2007—2010 ийлаште Санкт-Петербург виктерын инвестиций да стратегий проектше-влак шотышто Комитетын председательжын икымше алмаштышыже[6]. 2010 ий гыч 2012 ий марте[1] Россий Федераций правительстве аппаратын Йӧнозанлык да инфракышкар шотышто директорын алмаштышыже лийын.

2012 ий 22 ноябрь гыч Старовойт Федерал корно агентствым (Росавтодорым) вуйлатыше лийын. 2018 ий 1 октябрь гыч Россий Федерацийын транспорт министржын алмаштышыже лийын[10].

Курск кундемым вуйлатыше олмышто

2018 ий 11 октябрьыште, Александр Михайловын ты олмо гыч кораҥмыж деч вара, Старовойт жаплан Курский кундем губернаторын сомылжым жаплан шуктен шоген[11].

2019 ий 4 апрельыште партийдыме Старовойт "Курск кундемыште 2019 ий 8 сентябрьлан кандидатым ойыраш палемдыме шотышто «Икоян Россий» партийын праймеризышкыже документше-влакым пуэн[12]. «Икоян Россий» партийын кундемысе пӧлкаштыже шолып йӱклымашын лектышыж почеш 257 делегат-влак гыч 229 шке йӱкыштым Старовойт верч пуэныт. Июнь тылзыште «Икоян Россий» тудым губернаторыш кандидатлан темлен[13].

2019 ий августышто Российын президентше Владимир Путин Старовойт дене вашлийын да калыкле проект-влакым илышыш шыҥдарыме, автокорным, поликлиникым, школ ден йоча садым чоҥымаште кугыжаныш да частный партнёр манме вашкылым вияҥдыме принцип-влак негызеш инвестиций проект-влакым илышыш шыҥдарыме нерген докладым кучыктен[14].

2019 ий 8 сентябрьыште эртыше сайлымаште Старовойт 41,56 % калык йӱклымаште 81,07 % йӱкым налын да 5 ийлан Курск кундемыште губернаторлан сайлалтын. Полномочий жапше 2024 ийыште пытен[15].

2020 ий 9 ноябрьыште Старовойт «Икоян Россий» партийыш пурен[16].

2020 ий 21 декабрь гыч — Россий Федерацийын Кугыжаныш Советшын президиум йыжъеҥже[17].

2020 ий 12 ноябрь гыч «Единый Россий» партийын Курск кундемысе пӧлкажын секретарьже лийын.

РФ виктерыште

2024 ий 12 майыште Михаил Мишустин Старовойт Романын кандидатуржым транспорт министрын олмышко темлен[18]. Кугыжаныш Думо 14 майыште тудым тиде олмышко пеҥгыдемден[19], тиде кечынак РФ президент кӱштыкеш кидпалым пыштен[20].

2025 ий 7 июльышто Президентын 448 №-ан кӱштыкшӧ дене Старовойтым Россий Федерацийын транспорт министрже должность гыч кораҥдыме[1].

Старовойтым должность гыч кораҥдыме нерген президентын кӱштыкшӧ

Туныктымаште

Губернатор улмо дене пырля Старовойт экономике лӱдыкшыдымылык да налогым тӱлымӧ кафедрын доцентше семын Кечывалвел-Касвел кугыжаныш университетыште лекцийым лудеш[21].

Колымаш

2025 ий 7 июльышто, отставкыш лекме деч вара икмыняр шагат гыч, Раздор ял деч тораште огыл Малевичын паркыштыже шкенжым шке пытарен. СМИ-н увертарымыж почеш, Старовойт ваштареш Алексей Смирнов, тудын ончычсо алмаштышыже[22] показанийым пуэн. Апрельыште Смирновым Украина дене чекыште оборонительный сооруженийым чоҥаш (Старовойтын губернатор лийме жапыштак тӱҥалын) ойырымо оксам шолыштмо дела шотышто арестоватленыт[23].

РФ Минтранс Старовойт колымылан кӧра чаманымашым каласен[24]. Президентын паша виктарымверын 1-ше №-ан Рӱдӧ клинике эмлымверын траур залыштыже эртаралтше чеверласымаш церемонийыш[25] федерал правительствын икмыняр министрже толын, президент В. Путин венокым колтен[26]. 2025 ий 11 сӱремыште Смоленск шӱгарлаште тоялтын[27]. Санкт-Петербургышто колышын ачаже ден изаже илат[28][29].

Класс чинже

  • Россий Федерацийын 1-ше классан действительный кугыжаныш советникше.

Суаптарже

  • «Санкт-Петербурглан 300 ий теммым шарныме лӱмеш» Медаль (2003).
  • Почёт орден (2014)
  • «Пашам сайын шуктымылан да ойыртемалтмылан» II степенян медаль (2015).
  • «Россий агройӧнозанлык комплексым вияҥдымаште надырлан» шӧртньӧ медаль (2015).
  • Александр Невский орден (2017).
  • «Пашам сайын шуктымылан да ойыртемалтмылан» I степенян медаль (2018).
  • Келшымаш орден (2020)[30].
  • Россий Федераций Президентын чапкагазше.
  • «Крымын транспорт системыжым вияҥдымылан» медаль.
  • «Утарыме лӱмеш кылым кучымылан» медаль.
  • «Росгвардийлан полшен шогымылан» медаль.
  • «Сарзе вашкылым пеҥгыдемдымылан» медаль.
  • «Генерал-лейтенант Ковалёв» медаль.
  • «Россий Федерацийын обороныжым пеҥгыдемдымашке надырым пыштымылан» медаль.
  • «Лӱмын эртарыме сар операцийын участникшылан» медаль.
  • Суаптар саргурал — РФ МВД деч 9-мм ПМ (2023 ий 18 октябрь)[31].

Ешыже, шке илышыже

2021 ий гыч Роман Старовойт Светлана ватыже дене ойырлымаште лийын. Мужыран илышыште кок ӱдыр — Ангелина ден Анастасия. Пытартыш илыш ийлаштыже Старовойтын йолташыже Полина Копылова лийын[32][33].

Чонпашаже

Роман Старовойт — ныл Москосо тӱнямбал марафонын участникше лийын. Триатлоным йӧратен, 2018 ий 7 октябрьыште 33 минутышто Iron man (Кӱртньӧ еҥ) лӱман супермарфоным эртен — 3800 м иймаш, 180 уштыш велосипед дене кудалмаш да 42 уштыш куржмаш[34][35].

Тӱнямбалысе санкций-влак

2022 ий июль гыч Старовойт Великобританийын санкцийыштыже улеш[36], август гыч — Канадын[37], октябрь гыч — Украинын, декабрь гыч — США-н[38].

Палемдымаш

  1. ↑ 1 2 3 Путин уволил Старовойта с поста главы Минтранса, 07.07.2025, <https://www.rbc.ru/politics/07/07/2025/686b667c9a79476596c4f53b>. Тергыме: 23 идым 2025. 
  2. ↑ Тело Старовойта увезли с места самоубийства, 2025-07-07, <https://www.rbc.ru/rbcfreenews/686be2b69a79474ccb110f91?>. Тергыме: 23 идым 2025. 
  3. ↑ «Известия» показали кадры с места обнаружения тела Старовойта, 2025-07-07, <https://iz.ru/1917076/2025-07-07/izvestiia-pokazali-kadry-s-mesta-obnaruzheniia-tela-starovoita>. Тергыме: 23 идым 2025. 
  4. ↑ Старовойт Роман биография, личная жизнь, образование, политика (руш.). web.archive.org. Тергыме кече: 23 идым 2025.
  5. ↑ Роману Старовойту на Курской атомной станции подарили трудовое дело его отца (руш.). Рамблер/новости. Тергыме кече: 23 идым 2025. Архивлыме 11 ага 2019 ий.
  6. ↑ 1 2 Старовойт, Роман Владимирович, <http://tass.ru/encyclopedia/person/%D0%A1/starovoyt-roman-vladimirovich>. Тергыме: 23 идым 2025. 
  7. ↑ Биография Романа Старовойта, 20250707T1023, <https://ria.ru/spravka/20181011/1530494304.html>. Тергыме: 23 идым 2025. 
  8. ↑ Роман Старовойт: «Железный человек» для Курской области, 2018-10-16, <https://web.archive.org/web/20181026182606/https://moe-kursk.ru/news/control/1022635>. Тергыме: 23 идым 2025. 
  9. ↑ Роман Владимирович Старовойт. Инновационная методика подготовки спортсменов в зимнем полиатлоне. — 2012. Архивлыме 2 ӱярня 2022 ий.
  10. ↑ 1 2 Старовойт Роман Владимирович — Министерство транспорта — Биография, 2018-10-08, <https://www.kommersant.ru/doc/3670677/w/starovoyt>. Тергыме: 23 идым 2025. 
  11. ↑ Роман Старовойт назначен временно исполняющим обязанности Губернатора Курской области (руш.). Президент России. Тергыме кече: 23 идым 2025. Архивлыме 16 теле 2018 ий.
  12. ↑ Глава Курской области Роман Старовойт заявил о готовности сотрудничать со всеми партиями. 15.04.2019 ТАСС. Тергыме кече: 23 идым 2025. Архивлыме 1 сорла 2021 ий.
  13. ↑ «Единая Россия» выдвинула Старовойта в губернаторы Курской области. 13.06.2019 Коммерсантъ. Тергыме кече: 23 идым 2025. Архивлыме 14 пеледыш 2019 ий.
  14. ↑ Президент РФ Владимир Путин встретился с Романом Старовойтом, <https://chr.rbc.ru/chr/freenews/5d6775999a7947a49b8e12bc>. Тергыме: 23 идым 2025. 
  15. ↑ Старовойт победил на выборах губернатора Курской области с 81,07% голосов (руш.). www.kommersant.ru (9 идым 2019). Тергыме кече: 23 идым 2025. Архивлыме 21 идым 2019 ий.
  16. ↑ Губернатор Курской области Роман Старовойт вступил в «Единую Россию». 9 ноября 2020. Тергыме кече: 23 идым 2025. Архивлыме 15 шорыкйол 2021 ий.
  17. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. web.archive.org. Тергыме кече: 23 идым 2025.
  18. ↑ Мишустин предложил новый состав правительства. РИА Новости (12 ага 2024). Тергыме кече: 23 идым 2025.
  19. ↑ Госдума утвердила Старовойта министром транспорта России. РИА Новости (14 ага 2024). Тергыме кече: 23 идым 2025.
  20. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 23 идым 2025.
  21. ↑ Источник. Тергыме кече: 23 идым 2025. Архивлыме 24 пеледыш 2021 ий.
  22. ↑ В Подмосковье найден мертвым бывший министр Роман Старовойт, 2025-07-07, <https://www.kommersant.ru/doc/7871214?>. Тергыме: 23 идым 2025. 
  23. ↑ Минтранс выразил соболезнования из-за смерти Старовойта, 2025-07-07, <https://www.rbc.ru/rbcfreenews/686bf54b9a794799eda6aefc?>. Тергыме: 23 идым 2025. 
  24. ↑ Уволенный экс-министр транспорта Роман Старовойт совершил самоубийство, 2025-07-07, <https://www.rbc.ru/politics/07/07/2025/686bc88a9a79471bd2d51961?>. Тергыме: 23 идым 2025. 
  25. ↑ В Москве прошла церемония прощания с экс-министром транспорта Романом Старовойтом | Эксперт (руш.). Эксперт. Тергыме кече: 23 идым 2025.
  26. ↑ В ЦКБ прошла церемония прощания со Старовойтом, 2025-07-10, <https://ria.ru/20250710/starovojt-2028273421.html>. Тергыме: 23 идым 2025. 
  27. ↑ Старовойта похоронили на Смоленском кладбище, 2025-07-11, <https://tass.ru/obschestvo/24491669>. Тергыме: 23 идым 2025. 
  28. ↑ ТАСС: Старовойта похоронят в Петербурге 11 июля, 2025-07-09, <https://tass.ru/obschestvo/24471627>. Тергыме: 23 идым 2025. 
  29. ↑ Стало известно возможное место похорон экс-министра Старовойта, 2025-07-08, <https://www.rbc.ru/politics/08/07/2025/686d0e3a9a794723bee64805>. Тергыме: 23 идым 2025. 
  30. ↑ Роман Старовойт удостоен Ордена Дружбы - Общественная палата Курской области, 2020-08-05, <http://new.op46.ru/governance/11339>. Тергыме: 23 идым 2025. 
  31. ↑ Вероника Иванова. Курского губернатора Романа Старовойта наградили оружием (руш.). kursk.kp.ru -. Тергыме кече: 23 идым 2025.
  32. ↑ Дочь Старовойта поблагодарила отца в прощальной речи на его похоронах, 2025-07-11, <https://www.rbc.ru/rbcfreenews/687109ce9a79473d01a24c23>. Тергыме: 23 идым 2025. 
  33. ↑ На похороны Старовойта приехали его подруга и бывшая жена, 2025-07-11, <https://www.rbc.ru/rbcfreenews/6870ca5f9a7947933baf5e0b>. Тергыме: 23 идым 2025. 
  34. ↑ Роман Старовойт: «Железный человек» для Курской области, 2018-10-16, <https://web.archive.org/web/20181026182606/https://moe-kursk.ru/news/control/1022635>. Тергыме: 23 идым 2025. 
  35. ↑ Роман Старовойт - о себе: биография врио губернатора Курской области. web.archive.org. Тергыме кече: 23 идым 2025.
  36. ↑ Губернатор Курской области Роман Старовойт попал в санкционный список Великобритании (руш.). kurskcity.ru. Тергыме кече: 23 идым 2025.
  37. ↑ Канада вводит санкции против 62 физлиц и одной структуры в связи с ситуацией на Украине, 2022-08-23, <https://www.interfax.ru/world/857865>. Тергыме: 23 идым 2025. 
  38. ↑ Russia-related Designations and Designations Updates.
"https://mhr.ruwiki.ru/w/index.php?title=Старовойт,_Роман_Владимирович&oldid=1231456" гыч налме