Смирнов, Николай Фёдорович

Николай Фёдорович Смирнов
Николай Фёдорович Смирнов
Шочмо кече	20 ага 1923
Шочмо вер	Петриков, Чарла уезд, Озаҥ губерний, Россий империй;
Колымо кече	9 шорыкйол 1977 (53 ий)
Колымо вер	Йошкар-Ола, РСФСР[d], СССР;
Пурымаш	СССР
Войскан родшо	Инженер войска
Службо жап	1939 — 1946
Званий	Гвардий
Кредалмаш/сар	Кугу Ачамланде сар
Награде да премий
Отставкыште	младший лейтенант

Николай Фёдорович Смирнов (20 ага 1923, Петриков, Чарла уезд, Озаҥ губерний, Россий империй — 9 шорыкйол 1977, Йошкар-Ола) — 807-ше стрелок-влак полкын (304-ше стрелковый дивизий, 60-шо армий, 1-ше Украин фронт) сапёр взвод командирын полышкалышыже, старшина^[1].

Илыш корныжо

Николай Фёдорович Смирнов Озаҥ губернийын Царевокошайский уездысе Петриков ялеш (кызыт Марий Эл Республикын Медведево районжо) кресаньык ешеш шочын. 6 классым тунем пытарен, колхозышто бригадирлан пашам ыштен^[1].

1939 ий ноябрьыште Йошкар-Оласе военкомат дене Йошкар Армий радамыш ӱжалтын. 1941 ий сентябрь гыч Кугу Ачамланде сарын фронтлаштыже^[1].

809-ше стрелок-влак полк частьын наступленийже ончылно 1943 ий 11 сентябрьыште Новороссийско-Таманский операций годым сержант Смирнов виян пычал-пулемёт да миномёт-артиллерий тул йымалне тушманын мине пасулаштыже 2 корным ыштен, луктын налаш лийдымылан шотлалтше 36 ППМД-7ц миным кораҥден. Тидын деч посна, тудо ончыч ыштыме корно-влакын состоянийыштым терген да тушманын виян тулжо йымалне Курка эҥер ӱмбалне 400 метр наре (Краснодар крайын Темрюкский районыштыжо канал) кушкен. Тиде сомылым шуктымеке, тудо разграждений тӱшка-влак ден тӱшка командир коклаште кылым кучен. Тудлан тидын годым ик гана веле огыл тушманын виян тулжо йымалне почмо вер-влак дене эрташ логалын. 1943 ий 7 октябрьыште 809-ше стрелок-влак полкын приказше почеш немыч-фашист захватчик-влак дене кредалмаште лӱддымылыклан да геройлыклан тудо «Лӱддымылыклан» медаль дене суапландаралтын^[1].

Отделений командир старшина Смирнов 1944 ий 14 июль йӱдым Золочев ола воктене оборонын ончыл крайже ончылно тушманын мине пасуштыжо корным ыштен. Пехотым да танк-влакым коштен, тудо кредалмаште шке примерже дене моло боец-влакым кумылаҥден. 1944 ий 19 августышто 304-ше стрелок-влак дивизийын приказше почеш тудо III степенян Чап орден дене палемдалтын^[1].

1945 ий январь-мартыште Польшышто кредалме годым старшина Смирнов взвод дене 8 кӱварым чоҥен, 6 бродым разведатлен, кудышт гоч полк эҥгек деч посна вончен, 8 салтакым сапёр пашалан туныктен, 3 кӱварым разминироватлен, 300 кг взрывчаткым кораҥден, Калачице — Гурна корнышто 9 луктын налаш лийдыме KMI-43 г. миным кораҥден. 1945 ий 14 апрельыште 60-шо армийын приказше почеш тудо II степенян Чап орден дене палемдалтын. 1945 ий 14 апрельыште 60-шо армийын приказше почеш тудо II степенян Чап орден дене суапландаралтын^[1].

1945 ий 27 мартыш йӱдым Ращице илем воктене Ратибор (Рацибуж, Польшо) ола деч 5 км йӱдвел-эрвел могырыш старшина Смирнов взвод вуйлатыше семын тушманын тулжо йымалне боец-влак дене 80 наре противопехотный да 100 противотанковый миным обезвредитлен^[1].

1945 ий 19 апрельыш йӱдым Пильтш илем воктене Опава ола деч 6 км йӱдвел могырыш тудо тушманын тулжо йымалне тудын траншейже-влак деке лишыл мине пасулаште стрелок-влак подразделений-влакын наступленийыштлан 2 корным ыштен. СССР Кӱшыл Каҥаш Президиумын (руш.) (мар. 1945 ий 29 июньысо кӱштыкшӧ почеш тудо I степенян Чап орден дене палемдалтын^[1]^[2].

Старшина Смирнов 1946 ий майыште демобилизоватлалтын. Шочмо кундемышкыже пӧртылын, Йошкар-Олаште кирпич заводышто товароведлан пашам ыштен^[1]^[1].

Николай Фёдорович Смирнов 1977 ий 9 январьыште автокатастрофо деч вара Йошкар-Олаште колен^[3]. Медведево районысо Азаново селаште тойымо.

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Марийская биографическая энциклопедия-2, 2017, с. 407.
↑ Персоналии 304-й стрелковой дивизии 2-го формирования (руш.). pomnirod.ru. Тергыме кече: 15 теле 2025.
↑ Смирнов Николай Фёдорович (руш.). vk.com. Тергыме кече: 15 теле 2025.

Литератур

Смирнов Н. Ф., Гребнев А. Н. Через огненные рубежи. Йошкар-Ола, 1972. С. 75—85.
Кавалеры ордена Славы трёх степеней. Биограф.словарь. М.: Воениздат, 2000
Полные кавалеры ордена Славы. Биографический словарь. (в 2 томах) М.: Воениздат, 2010
Гребнев А. П., Мочаев В. А. Смирнов Николай Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 407. — 606 с. — 1500 экз. — ISBN 978-5-905314-35-3.

[_5246b8ecd4557d91-1] ¹ ² ³ ⁴ ⁵ ⁶ ⁷ ⁸ ⁹ ¹⁰ Марийская биографическая энциклопедия-2, 2017, с. 407.

[2] Персоналии 304-й стрелковой дивизии 2-го формирования (руш.). pomnirod.ru. Тергыме кече: 15 теле 2025.

[3] Смирнов Николай Фёдорович (руш.). vk.com. Тергыме кече: 15 теле 2025.

[1]

[2]

[3]