10 ага

←
→
Ага
← →Ага
	2026 ий

10 ага (10 май) — григориан кечышот почеш идалыкын 130-шо (кужемдыме ийлаште — 131-ше) кечыже. Идалык пытыме марте 235 кече кодеш.

Йошкар-Олаште ☀️ Кече 3 шагатат 46 минутлан лектеш, 19 шагатат 50 минутлан шинчеш. Кечын кужытшо 🕒 16 шагатат 4 минут.
🌗 Пытартыш чырык (22.96 тылзе кече).

Пайрем да шарныктарыше кече-влак

Россий — Российысе книга палатым почмо кече (руш. День основания Российской книжной палаты).
Креветке кече (руш. День креветок).
Мокш ден шоганын кечыже (руш. День печени и лука).
Мӱшкыр куштымашын тӱнямбал кечыже (руш. Всемирный день танца живота) — ага тылзын 2-шо шуматкечын палемдалтеш.
Чын ужалкалымашын тӱнямбал кечыже (руш. Всемирный день справедливой торговли) — ага тылзын 2-шо шуматкечын палемдалтеш.

Лӱмгече

Католик лӱм-влак: Антонина, Антон, Иоанн, Исидор.
Православий лӱм-влак: Анастасия, Иван, Николай, Павел, Пётр, Семён, Сергей, Степан.

Событий-влак

Тугак ончо: Категорий:Ага тылзын 10 кечысе событий-влак

2022 — Россий Президент Владимир Путин Марий Эл Республик Вуйлатыше А.А.Евстифеевын кумылжым шотыш налын, тудым отставкыжым приниматлен да должность деч кораҥден.

Шочыныт

Тугак ончо: Категорий:Ага тылзын 10 кечынже шочшо-влак

1897 — Василий Аникич Аникин, марий совет туныктышо, мер пашаеҥ. Марий АССР Волжск районысо Нурсола школын директоржо, завучшо (1937—1941, 1946—1957). РСФСР школын сулло туныктышыжо (1946). Кугу Ачамланде сарын салтакше. 1925 ий гыч ВКП(б) йыжъеҥ.
1920 — Егор Андрианович Федосеев, совет сарзе пашаеҥ. Кугу Ачамланде сар жапыште — касвел фронтлаште 117-ше лӱйкалыше дивизийын 275-ше лӱйкалыше полкысо лӱйкалыше ротыжын, 1063-шо лӱйкалыше полкысо батальонын да 237-ше гаубичный артиллерий полкын комсоргшо, старший лейтенант; майор. Совет Ушемын Талешкыже лӱмлан темлалтын, но Йошкар Тисте орден дене суапландаралтын (1944). 1943 ий гыч ВКП(б)-ын йыжыҥъеҥже.

Коленыт

Тугак ончо: Категорий:Ага тылзын 10 кечынже колышо-влак

1896 — Пётр Владимирович Алабин, руш дворян, кугыжаныш да мер пашаеҥ, писатель да журналист, чынле статский ойпуышо, Самара олан вуйлатышыже (1885—1891), Виче, Самара да София ола-влакын чапланыше гражданже.
1938 — П.Карпов-Пӱнчерский, марий серызе, туныктышо, кусарыше, артист, литератур критик, мер пашаеҥ, СССР cерызе-влак ушемын йыжъеҥже (1934).
1938 — Владимир Сави (Сави), марий серызе, шанчызе, литературовед, этнолог, мер пашаеҥ, СССР cерызе-влак ушемын йыжъеҥже (1934), Икымше Тӱнямбал сарын участникше.
1938 — Андрей Эшкинин, марий серызе, журналист, мер пашаеҥ.
2006 — Алексей Краснопёров, рушла возышо марий серызе, журналист, Марий Эл Республикын Калык серызыже (2000), Марий АССР-ысе тӱвыран сулло пашаеҥже (1981), Марий Эл Республикысе С.Г. Чавайн лӱмеш Кугыжаныш премийын лауреатше (1995), 1941—1945 ийласе Кугу Ачамланде сар да Совет-япон сар-влакын участникше.
2007 — Геннадий Павлович Дмитриев, марий совет да российысе шанче пашаеҥ, шанчыеҥ-экономист, кӱшыл школын туныктышыжо, партий пашаеҥ. М. Горький лӱмеш Марий политехнике институтын политэкономий кафедрын вуйлатышыже (1981―1985), экономике шанче кандидат (1970). РСФСР тӱвыран сулло пашаеҥже (1988). 1957 ий гыч КПСС йыжыҥъеҥ.

Калык пале

Сад пеледме годым йӱштӧ шога гын, уржа тӱредме жапланат тыгаяк игече лийшаш.
Эрдене шудо кукшо – йӱдлан йӱрым вучыман.