Аникин, Василий Аникич

РУВИКИ — эрыкан энциклопедий гыч материал
Василий Аникич Аникин
Аникин, Василий Аникич.jpg
Шочмо кече 1897 ий 10 ага(1897-05-10)
Шочмо вер Кӱчыклук, Памар волость, Чебоксар уезд, Озаҥ губерний, Россий империй
Колымо кече 1980 ий 3 идым(1980-09-03) (83 ий)
Колымо вер Кӱчыклук, Волжск район, Марий АССР, РСФСР, СССР
Гражданлык  Россий империй →  СССР
Паша сомыл педагог
Награде да премий

Орден Трудового Красного Знамени — 1949 Орден Красной Звезды  — 1946 Медаль «За победу над Германией в Великой Отечественной войне 1941—1945 гг.» «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Honored School Teacher of the RSFSR.png
Марий АССР Кӱшыл Каҥаш Вуйверын Чаптаныкше (1946)

Василий Аникич Аникин (10 ага 1897, Кӱчыклук, Чебоксар уезд, Озаҥ губерний, Россий империй — 3 идым 1980, Кӱчыклук, Волжск район, Марий Автоном Совет Социализм Республик, РСФСР[d], СССР) — марий совет туныктышо, мер пашаеҥ. Марий АССР Волжск районысо Нурсола школын директоржо, завучшо (1937—1941, 1946—1957). РСФСР школын сулло туныктышыжо (1946). Кугу Ачамланде сарын салтакше. 1925 ий гыч ВКП(б) йыжъеҥ.

Илыш корныжо

1897 ий 10 майыште кызытсе Марий Эл Волжск районысо Кӱчыклук ялеш[1] мӱкш озанлык да мланде паша дене илыше, шуко шочшан, поян кресаньык ешеш шочын[2][3][4].

1916 ийыште Озаҥысе чоншӱлыш семинарийым  (руш.) (мар., 1918 ийыште — Рӱдӧ Черемис школым тунем пытарен, вара Озаҥ губерний Чарла уездысе Сотнур школышто марий сылнымутым негызлыше С. Чавайн дене пырля йоча-влакым туныктен[5]. 1918 ийыште Чарла уезд Сотнур волость Корамас селаште ял обществым чумырен. 1925 ийыште шочмо ялышкыже пӧртылын, ВКП(б) радамыш пурен. Марий автоном кундем Звенигово кантон Обшияр тӱҥалтыш школышто туныктышо, 1937—1941 ийлаште — Марий АССР Волжск район Обшияр школын историй туныктышыжо, директоржо лийын. 1930-шо ийлаште МАССР Звенигово районысо Мушмарий лесотехнике школым вуйлатен[2][3][4].

1942 ийыште РККА-ш налыныт. Кугу Ачамланде сарын салтакше: рядовой, 1943 ийыште Курск дугаште нелын сусырген, 1944 ийыште комиссоватлалтын[2][3][4].

Сар деч вара, 1957 ийыште сулло канышыш лекмеш, угыч Марий АССР Волжск район Обшияр школын историй туныктышыжо, завучшо лийын[2][3][4].

Калык туныктымо аланыште суапшылан 1946 ийыште тудлан «РСФСР школын сулло туныктышыжо» чаплӱмым пуымо. Тыгак тудо Пашан Йошкар Тистыже орден да Йошкар Шӱдыр орден дене суапландаралтын[2][3][4].

1980 ий 3 сентябрьыште илыш дене чеверласен[2][3]. Марий Эл Волжск район Ялчык шӱгарлаште тоеныт[4].

Суаптар да лӱмпале-влак

Палемдымаш

  1. ↑ Информационный ресурс Республики Марий Эл "12rus.ru" :: Волжский район. www.12rus.ru. Тергыме кече: 4 пургыж 2026. Архивлыме 26 пургыж 2020 ий.
  2. ↑ 1 2 3 4 5 6 7 8 9 10 Мочаев, 2007, с. 27.
  3. ↑ 1 2 3 4 5 6 7 8 9 10 Энциклопедия Республики Марий Эл, 2009, с. 226.
  4. ↑ 1 2 3 4 5 6 7 8 9 10 Аникин Василий Аникич (руш.). Марийская история в лицах. Тергыме кече: 4 пургыж 2026. Архивлыме 21 ага 2022 ий.
  5. ↑ Сотнур (Никольское) | Родная Вятка. rodnaya-vyatka.ru. Тергыме кече: 4 пургыж 2026. Архивлыме 9 идым 2021 ий.

Литератур

  • Апаев С. Аникич // Марий коммуна. 09 апреля 1969 г.
  • Муравьёв А. В. Учителями жива Россия: Учителя Республики Марий Эл — заслуженные учителя Российской Федерации. — Йошкар-Ола, 2004. — С. 8—9.
  • Аникин Василий Аникич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 27. — 2032 экз. — ISBN 5-87898-357-0.
  • Аникин Василий Аникич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 226. — 872 с. — 3505 экз. — ISBN 978-5-94950-049-1.
  • Мочаев В. А., Муравьёв Ан. В. Аникин Василий Аникич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 27. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Аникин,_Василий_Аникич&oldid=1232962" гыч налме