30 ага

←
→
Ага
← →Ага
	2026 ий

30 ага (30 май) — григориан кечышот почеш идалыкын 150-ше (кужемдыме ийлаште — 151-ше) кечыже. Идалык пытыме марте 215 кече кодеш.

Йошкар-Олаште ☀️ Кече 3 шагатат 11 минутлан лектеш, 20 шагатат 25 минутлан шинчеш. Кечын кужытшо 🕒 17 шагатат 14 минут.
🌕 Тичмаш тылзе (13.43 тылзе кече).

Пайрем да шарныктарыше кече-влак

Россий — Окрошко кече (руш. День окрошки).
Россий — Сварщикын кечыже (руш. День сварщика).
Астме да аллергий ваштареш кучедалме тӱнямбал кече (руш. Всемирный день борьбы против астмы и аллергии).
Шӱшкышӧ Овдаки (калык пайрем) (руш. Евдокия Свистунья (народный праздник)).
Пеледышыш вӱдым шавыме кече (руш. День поливания цветов).
Мамыкшудо деч нарынчаҥше нерын кечыже (руш. День желтых носов от одуванчиков).
Пареҥгын тӱнямбал кечыже (руш. Международный день картофеля).

Лӱмгече

Православий лӱм-влак: Андроник, Давид, Евдокия, Ефросинья (Ефросиния), Юния.

Событий-влак

Тугак ончо: Категорий:Ага тылзын 30 кечысе событий-влак

1997 ий — Марий Элыште кугыжаныш счётный палатым почмо.

Шочыныт

Тугак ончо: Категорий:Ага тылзын 30 кечынже шочшо-влак

1919 ий — Мария Иосифовна Соколова, туныктыш пашаеҥ, Россий Федерацийысе школын сулло пашаеҥже. Тошто Торъял солаште шочын. Ончыч У Торъялысе школышто тӱҥалтыш класслам туныктен, вара 30 ий утла Тошто Торъялысе школышто пашам ыштен. 11 йочам ончен-куштен – «Мать-Героиня» орден дене палемдалтын.
1935 ий — Александр Трофимович Балюк, совет да российысе автомобиль транспорт пашаеҥ. Йошкар-Оласе 1-ше №-ан пассажир автотранспорт предприятийын директоржо (1977—1980), «Марийскавтотранс» ОАО-н генеральный директоржо (1983—2002). Россий Федерацийысе транспортын сулло пашаеҥже (1994), РСФСР-ын чапланыше автотранспортникше. КПСС йыжыҥъеҥ.
1939 ий — Валерий Алексеевич Морозов, шанче да туныктыш пашаеҥ, Марий республикысе шанчын, Россий Федерацийысе кӱшыл школын сулло пашаеҥже. Кужэҥер посёлкышто шочын. Паша корныжо тӱҥ шотышто Марий кугыжаныш педагогике институт дене кылдалтын: тыште тудо 1963-шо ий гычак туныктышылан пашам ышташ тӱҥалын. Но 9 ий Марий кугыжаныш университетын шанче паша шотышто проректор лийын да уэш институтышко куснен. Историй шанче доктор, профессор.
1963 ий — Людмила Викторовна Иванова, марий мурызо, Марий Элын сулло артисткыже. Маскасола кундем Яныкайсола ялеш шочын. Паша вержым Марий кугыжаныш филармонийыште муын: хор капеллыште мура. «Марий Эл Радион» эфирыштыжат уста мурызын мурыжо-влак чӱчкыдын йоҥгат.

Коленыт

Тугак ончо: Категорий:Ага тылзын 30 кечынже колышо-влак

1982 ий — Иван Иванович Пасынков, совет кугыжаныш да озанлык пашаеҥ. СССР Кӱшыл Каҥашын 3-шо созывысе депутатше (1950—1954). Кугу Ачамланде сарын салтакше. 1944 ий гыч ВКП(б)-н йыжыҥъеҥже.

Калык пале

Кече могай — кеҥежат тугаяк лийшаш.