Пасынков, Иван Иванович
| Иван Иванович Пасынков | ||||
|---|---|---|---|---|
 | ||||
| Шочын |
16 пеледыш 1907 |
|||
| Колен |
30 ага 1982 (74 ий)
|
|||
| Партий | ВКП(б) | |||
| Профессий | чодырам руышо, чодыра пунктын бригадирже | |||
| Награде |
|
|||
Ивáн Ивáнович Пáсынков (16 пеледыш 1907, Ведаснур, Вӱрзым уезд, Виче губерний, Россий империй — 30 ага 1982, Тягун[d], Заринск район[d], Алтай край, РСФСР[d], СССР) — совет кугыжаныш да озанлык пашаеҥ. СССР Кӱшыл Каҥашын 3-шо созывысе депутатше (1950—1954). Кугу Ачамланде сарын салтакше. 1944 ий гыч ВКП(б)-н йыжыҥъеҥже.
Илыш корныжо
1907 ий 16 июньышто кызытсе Марий Элын Шернур районысо Ведаснур ялысе кресаньык ешеш шочын[1][2].
Единоличный кресаньык. 1918 ийыште тӱҥалтыш школым тунем пытарен[1].
1933 ий гыч — колхоз счетовод, 1940 ий гыч — Марий АССР Провой кундем Сӱзлэҥер чодыра озанлыкын мастерже[1].
1941 ийыште РККА-ш налме. Кугу Ачамланде сарын салтакше: бронепоездын 55-ше посна дивизионын взвод командиржын полышкалышыже, тидын дене пырля — 1-ше Белорус фронтын парторгшо, старший сержант. 1944 ийыште ВКП(б)-ш налме. 1944 ийыште армий гыч демобилизоватлалтын. Медаль-влак дене суапландаралтын[1].
Сар деч вара Марий АССР-ысе Провой кундем Сӱзлэҥер чодыра озанлыкыш пӧртылын: чодырам руышо, 1946 ий гыч — Выльыпсола чодыра пунктын бригадирже. Пашаште сомылым ик кышкарыште кӱрылтде ыштыме йӧным шыҥдарен, бригадын пашажым шагат еда виктарен колтен, тыге 3 ий жапыште бригаде 5 ияш нормым шуктен. Шке паша опытшым 1952 ийыште Йошкар-Олаште савыктыме «Кок ий поточно-комплексный линийыште паша: Сӱзлэҥер леспромхоз» брошюрышто[3], да 1953 ийыште савыктыме «Чодыра конвейер» брошюрышто (Моско) иктешлен[4]. Паша Йошкар Тисте орден дене палемдалтын[1][5][6].
1950—1954 ийлаште СССР Кӱшыл Каҥашын 3-шо созывысе депутатшылан сайлалтын[7].
1957 ийыште Алтайыш каен, туштат чодыра озанлыкын пашаеҥже лийын[1].
1982 ий 30 майыште Алтай крайысе Заринск район Тягун посёлкышто колен[1].
Суаптар-влак
- Паша Йошкар Тисте орден (1951)[1];
- «Лӱддымылыклан» медаль (СССР) (1945 ий 19 июнь)[1][5];
- «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970).
Палемдымаш
- ↑ 1 2 3 4 5 6 7 8 9 Мочаев, 2017, с. 331.
- ↑ Ведоснур | Родная Вятка (руш.). rodnaya-vyatka.ru. Тергыме кече: 27 шорыкйол 2026.
- ↑ Два года работы на поточной линии : Суслонгер. леспромхоз - Пасынков И.И.. — 1952.
- ↑ Пасынков, Иван Иванович - Лесной конвейер [Текст] - Search RSL (руш.). search.rsl.ru. Тергыме кече: 27 шорыкйол 2026.
- ↑ 1 2 Старые новости. «Достойно и честно мы прожили год!..» | Национальная библиотека имени С.Г. Чавайна Республики Марий Эл (руш.). nbmariel.ru. Тергыме кече: 27 шорыкйол 2026.
- ↑ Лес идет, <https://smena-online.ru/stories/les-idet>. Тергыме: 27 шорыкйол 2026.
- ↑ Мочаев, 2017, с. 279.
Литератур
- Гарибян Г., Монастырский Б. Лес идёт // Смена. — 1951. — № 577.
- Колесников А. Ю., Краснов П. В. Пасынков Иван Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 274. — 2032 экз. — ISBN 5-87898-357-0.
- Мочаев В. А., Колесников А. Ю. Пасынков Иван Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 331. — 606 с. — 1500 экз. — ISBN 978-5-905314-35-3.
- Пеледыш тылзын 16 кечынже шочшо-влак
- 1907 ийыште шочшо-влак
- Уржум уездыште шочшо-влак
- Ага тылзын 30 кечынже колышо-влак
- 1982 ийыште колышо-влак
- Алтай крайыште колышо-влак
- Паша Йошкар Тисте орден дене суапландаралтше-влак
- «Лӱддымылыклан» медаль дене суапландаралтше-влак (СССР)
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- Алфавит почеш персоналий-влак
- Чодырам руышо-влак
- 3-шо созывысе Калык-влак Каҥашын депутатше-влак
- Кугу Ачамланде сарын политпашаеҥже-влак
- Кугу Ачамланде сарын сарзе кӱртньыгорно пашаеҥже-влак
- Кугурак сержант-влак (СССР)
- СССР-ысе пашазе-влак
- Стахановец-влак