Балюк, Александр Трофимович

Александр Трофимович Балюк
Александр Трофимович Балюк
Шочмо кече	30 ага 1935
Шочмо вер	Лягушье[d], Купино район[d], Касвел-Сибирь кундем[d], РСФСР[d], СССР;
Колымо кече	26 кылме 2021 (86 ий)
Колымо вер	Йошкар-Ола, Россий;
Эл	СССР; Россий;
Паша сомыл	автотранспорт пашаеҥ

Алекса́ндр Трофи́мович Балю́к (30 ага 1935, Лягушье^[d], Касвел-Сибирь кундем^[d] — 26 кылме 2021, Йошкар-Ола) — совет да российысе автомобиль транспорт пашаеҥ. Йошкар-Оласе 1-ше №-ан пассажир автотранспорт предприятийын директоржо (1977—1980), «Марийскавтотранс» ОАО-н генеральный директоржо (1983—2002). Россий Федерацийысе транспортын сулло пашаеҥже (1994), РСФСР-ын чапланыше автотранспортникше. КПСС йыжыҥъеҥ^[1].

Илыш корныжо

1935 ий 30 майыште Новосибирск область Купино районысо Лягушье селаште шочын^[1]^[2].

1960 ийыште Йошкар-Олаш илаш куснен, тушто автомобиль транспорт предприятийлаште пашам ышташ тӱҥалын. 1972 ийыште М. Горький лӱмеш Марий политехник институтым тунем пытарен^[1]^[2].

Ты аланыште паша корныжым Йошкар-Оласе автотранспорт комбинатыште диспетчер семын тӱҥалын. 1971 ий гыч Йошкар-Оласе грузовой автотранспорт производство ушемын генеральный директоржын икымше алмаштышыже лийын. 1977 ийыште Йошкар-Оласе 1-ше №-ан пассажир автотранспорт предприятийын (ПАТП-1) директоржлан шогалтеныт. 1980 ий гыч Марий транспорт виктем вуйлатышын алмаштышыжлан тыршен. 1983 ийыште «Марийскавтотранс» территориальный производство ушемым вуйлаташ тӱҥалын, а 1993 гыч 2002 ий марте «Марийскавтотранс» почмо акционер ушемын генеральный директоржо лийын^[1]^[2].

Йошкар-Оласе ола каҥашын (1980—1988) да Марий АССР Кӱшыл Каҥашын (руш.) (мар. (1990—1993) депутатшылан сайлалтын. Российысе автомобилист-влак партийын Марий республикысе пӧлкажым вуйлатен^[1]^[2].

2021 ий 26 ноябрьыште Йошкар-Олаште колен^[3].

Чаплӱм ден суаптар-влак

Почёт пале" орден (1986)^[2];
«Пашаште чолгалыклан» медаль^[2];
«Паша ветеран» медаль^[2];
Россий Федерацийысе транспортын сулло пашаеҥже (руш.) (мар. (1994 ий 9 январь)^[1];
«РСФСР-ын чапланыше автотранспортникше» оҥпале^[2];
Марий АССР Кӱшыл Каҥаш Президиумын Чаптаныкше (1985, 1990)^[2];
Марий Эл Республик Виктерын Чаптаныкше.

Палемдымаш

↑ ¹ ² ³ ⁴ ⁵ ⁶ Двинянинов, Мочаев, 2017, с. 43.
↑ ¹ ² ³ ⁴ ⁵ ⁶ ⁷ ⁸ ⁹ Энциклопедия Республики Марий Эл, 2009, с. 577.
↑ Балюк Александр Трофимович, <https://marihistory.ru/2011-01-01-20-15-52/32026-balyuk-aleksandr-trofimovich>. Тергыме: 4 ӱярня 2026.

Литератур

Двинянинов А. В., Мочаев В. А. Балюк Александр Трофимович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 40. — 2032 экз. — ISBN 5-87898-357-0.
Балюк Александр Трофимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 577. — 872 с. — 3505 экз. — ISBN 978-5-94950-049-1.
Двинянинов А. В., Мочаев В. А. Балюк Александр Трофимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 43. — 606 с. — 1500 экз. — ISBN 978-5-905314-35-3.

[_277f0cffe3c3e716-1] ¹ ² ³ ⁴ ⁵ ⁶ Двинянинов, Мочаев, 2017, с. 43.

[_a0e0a3b7b8a88c9b-2] ¹ ² ³ ⁴ ⁵ ⁶ ⁷ ⁸ ⁹ Энциклопедия Республики Марий Эл, 2009, с. 577.

[3] Балюк Александр Трофимович, <https://marihistory.ru/2011-01-01-20-15-52/32026-balyuk-aleksandr-trofimovich>. Тергыме: 4 ӱярня 2026.

[1]

[2]

[3]