Терентьев, Исаак Терентьевич

Исаак Терентьевич Терентьев
Шочмо кече	22 ӱярня 1919(1919-03-22)
Шочмо вер	Ӱлыл Аръюнгывуй, Чыкма уезд, Озаҥ губерний, РСФСР
Колымо кече	23 ага 1995(1995-05-23) (76 ий)
Колымо вер	Виловат, Курыкмарий район, Марий Эл Республик, Россий
Гражданлык	Россий империй →  СССР →  Россий
Паша сомыл	агроном
Награде да премий

Исаáк Терéнтьевич Терéнтьев (22 ӱярня 1919, Ӱлыл Аръюнгывуй, Чыкма уезд, Озаҥ губерний, РСФСР — 23 ага 1995, Виловат, Курыкмарий район, Марий Эл Республик, Россий) — курыкмарий совет ялозанлык пашаеҥ, агроном. Марий АССР Курыкмарий районысо «Сила» совхозын кугурак тӱҥ агрономжо (1958—1980). РСФСР-ын сулло агрономжо (1960). Кугу Ачамланде сарын салтакше. ВКП(б)-ын йыжыҥъеҥже.

Илыш корныжо

1919 ий 22 мартыште кызытсе Марий Элын Курыкмарий районысо Ӱлыл Аръюнгывуй ялысе кресаньык ешеш шочын.

1937 ий гыч — Марий АССР Курыкмарий районысо Йоласал ялыште агроном.

1940 ий октябрьыште РККА-ш налме. Кугу Ачамланде сарын салтакше: 1942 ийыште сарзе училищым тунем пытарен, Москосо НКВД войскан аралыше взводын командирже, Моском аралымаште кредалын; 1944 ий гыч — Ленинград сар йырвелыште, лейтенант. 1947 ий март тылзын армий гыч демобилизоватлалтын. II степенян Ачамланде сар орден да медаль-влак дене суапландаралтын.

1956 ийыште Чуваш ялозанлык институтым тунем пытарен. 1958 ий гыч — Марий АССР Курыкмарий районысо «Сила» совхозын кугурак агорономжо, 1970—1980 ийлаште — тӱҥ агрономжо.

1963—1971 ийлаште Марий АССР Кӱшыл Каҥашын VI—VII созывысе депутатшылан сайлалтын. Тыгак шочмо районысо ялсоветын депутатше лийын.

Ялозанлыкым вияҥдымашке надырлан 1960 ийыште «РСФСР-ын сулло агрономжо» чаплӱмым пуымо. «Почёт Пале» орден, медаль-влак дене, нунын коклаште кок гана — ВДНХ-н шӧртньӧ медальже дене, тыгак Марий АССР Кӱшыл Каҥаш Президиумын Чаптаныкше дене суапландаралтын.

1995 ий 23 майыште Марий Элын Курыкмарий районысо Виловат ялыште колен.

Чаплӱм ден суаптар-влак

Пашалан

• РСФСР-ын сулло агрономжо (1960);
• Марий АССР-ын сулло агрономжо;
• «Почёт пале» орден (1965);
• ВДНХ-н шӧртньӧ медальже (1966, 1969);
• ВДНХ-н той медальже (1974);
• «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970);
• Марий АССР Кӱшыл Каҥаш Президиумын Чаптаныкше (1979).

Сарзе пашалан

• II степенян Ачамланде сар орден (1985 ий 23 декабрь);
• «Моском аралымылан» медаль;
• «1941—1945 ийласе Кугу Ачамланде сарыште Германийым сеҥымылан» медаль.

Палемдымаш

Литератур

• Захаров С. И. Люди земли // У горы Алам-Нер. — Йошкар-Ола, 1968. — С.51.
• Опарина Т. Т. Терентьев Исаак Терентьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 358. — 2032 экз. — ISBN 5-87898-357-0.
• Терентьев Исаак Терентьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 751. — 872 с. — 3505 экз. — ISBN 978-5-94950-049-1.
• Опарина Т. Т. Терентьев Исаак Терентьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 436. — 606 с. — 1500 экз. — ISBN 978-5-905314-35-3.

Кылвер-влак

• Марийская история в лицах. Терентьев Исаак Терентьевич.