Зотин, Владислав Максимович

РУВИКИ — эрыкан энциклопедий гыч материал
Владислав Максимович Зотин
Зотин, Владислав Максимович.jpg
Флаг
Марий Эл Республикын Вуйлатышыже
Флаг
1991 ий 24 декабрь — 1997 ий 14 январь
Президент Борис Ельцин
Ончычсо пашаеҥ должностьым ыштыме
Алмаштыше Вячеслав Кислицын
Флаг
Марий АССР Кӱшыл Каҥашын председательже
Флаг
1990 ий 22 август — 1991 ий 24 декабрь
Ончычсо пашаеҥ Григорий Посибеев
Алмаштыше Юрий Минаков
Шочын 22 ага 1942(1942-05-22) (84 ий)
Партий КПСС
Шинчымаш 1. Москосо ялозанлык производство инженер институт
2. КПСС ЦК пелен кӱшыл партий школ
Профессий инженер-механик
Логотип РУВИКИ.Медиа РУВИКИ.Медиаште медиафайл-влак

Владисла́в Макси́мович Зо́тин (шоч. 22 ага 1942, Килемар, Марий Автоном Совет Социализм Республик) — совет да российысе кугыжаныш да политике пашаеҥ. 1990 ий 22 август гыч 1991 ий 24 декабрь марте Марий АССР Кӱшыл Каҥашын председательже. 1991 ий 24 декабрь гыч 1997 ий 14 январь марте Марий Эл Республикын президентше.

Илыш корныжо

Марий АССР-ысе Килемар селаште шочын. Калык шот дене курыкмарий[1][2][3]. Ачаже Максим Петрович Килемар вел газетын редакторжылан пашам ыштен, 1943 ий шыжым Белоруссий фронтышто колен. Аваже Зоя Ивановна — ялысе школын туныктышыжо. Йоча пагытше Курыкмарий вел Нырйӓл ялыште эртен.

Шинчымаш

1959 ийыште Йоласал кыдалаш школым тунем пытарен. 1965 ийыште Москосо ялозанлык производство институтым да КПСС РК пеленысе Кӱшыл партий школым тунем пытарен.

Паша корныжо

Паша корныжым 1959 ийыште Марий АССР-ысе Йоласал вел Горький лӱмеш колхозышто прицепщиклан тӱҥалын. 1965—1967 ийлаште, институтым тунем пытарымеке, Марий АССР-ысе Параньга вел ялозанлык производсто виктемын тӱҥ инженержылан пашам ыштен.

Политике паша

Комсомол райкомын икымше секретарьже, райисполком председательын алмаштышыже да председательже, ВЛКСМ Марий обкомын секретарьже, Марий АССР Кӱшыл Каҥаш председательын алмаштышыже, 1991 ий июнь гыч декабрь марте председательже лийын.

1991 ий гыч 1997 ий январь марте — Марий ССР-ын Президентше — Виктер Вуйлатыше (1993 ий 12 январь гыч — Марий Эл Республикын). Президентлан шогалме пайремле инаугурацийже годым Марий калыкле театр полатыште тудым Озаҥ да Марий Епископ Анастасий саламлен юмылтеныт, а марий юмыйӱлам кучышо-влакын йодмышт почеш, «Ошмарий-Чимарий» ушемын Кӱшыл картше Александр Юзыкайн сугыньлен. 1996 ий гыч шке должностьшо дене Федераций Каҥашын еҥже, Лӱдыкшыдымылык да обороно йодыш-влак шотышто комитетын еҥже лийын.

1995 ийыште Марий Эл Республик Президент пелен Кугыжаныш службо институтым почаш темлен. Тудым тыгай шонымаш дене ыштыме: вуйлатыше пашаеҥым ямдылымаш да уэштарен шинчымашым нӧлтымаш. Тыште республикын тӱрлӧ кучем да ыштыквер кышкарлаштыже пашам ыштыше ятыр самырык пашаеҥ институтын заочный пӧлкаштыже уэштарен ямдылалтмашым эртен. Пашам коден тунемме пӧлкаште 1995 ийыште икымше студент тӱшка (30 еҥ, пурымо экзамен гоч ойырен налме) чумыралтын, нуным Марий Эл Республикысе рӱдӧ олаште пашам ыштыше вузшын эн сай туныктышыжо-влак туныктеныт. Тыгак институтын очный пӧлкашкыже 1996 да 1997 ийыште студент-влакым тунемаш налме. 1997 тунемме ий мучаште, кунам МЭР-ын президентшылан В. А. Кислицын шогалын, тудо Кугыжаныш службо да виктарымаш институтым петыраш пунчалым луктын; студент-влакым Марий кугыжаныш техник университетыш «Кугыжаныш муниципал виктарымаш» специальность дене келшыше курсыш кусарыме.

1996 ийыште В. Зотин кучемыште кодашлан сайлымашым кӱрлаш тӧчен. Тудын тӱҥ оппонентше Вячеслав Кислицын ваштареш уголовный пашам почмо, Кислицын шкеже Медведево вел вуйлатыше должность гыч кораҥдалтын. Но суд вашке шке пашажым чарен.

Варарак президент Маркеловым да Кислицыным сайлымаш гыч кораҥдаш тӧчен, тидын годым нунын республикысе кугыжаныш йылмым палыдымыштым ситыдымашлан шотлен. Но верысе рӱдӧ сайлыше комитет тидым сайлымаш гыч кораҥдаш ситыше негызлан шотлен огыл.

1996 ий 20 декабрьыште телеэфирыште президент сайлымашым раш огыл жаплан кусараш кӱлмӧ нерген кӱштыкым увертарен. Верысе рӱдӧ сайлымаш комитет шке пунчалжым луктын, тудын почеш Зотинын кӱштыкшым сайлымашым кӱрлаш тыршыме семын умылтарыме.

Сайлымашым кӱрлаш тыршымылан кӧра, 1996 ий 31 декабрьыште ӱшаныме пашам утыжден тыршен шуктымылан да граждан-влакын сайлыме праваштым шукташ чаракым ыштымылан, президент ваштареш уголовный пашам почаш амал лийын. Но 1997 ий 14 майыште Зотинын начар тазалыкшылан кӧра да тудын пашаж деч «азап лийдымылан» титаклыме пашам чареныт[4].

2017 ий 4 июльышто Марий Эл вуйлатышын сомылжым жаплан шуктышо Александр Евстифеев шке кӱштыкшӧ дене Владислав Зотиным Марий Эл Республикысе Мер палатын еҥжылан пеҥгыдемден. 2017 ий 10 июльышто Марий Эл Республикысе Мер палатын председательжылан сайлалтын[5].

Еш

Ватан, кок эргыже уло.

Палемдымаш

  1. ↑ Зотин Владислав Максимович. web.archive.org. Тергыме кече: 6 кылме 2025.
  2. ↑ Выборы президента Республики Марий Эл. Тергыме кече: 6 кылме 2025. Архивлыме 17 идым 2018 ий.
  3. ↑ Зотин Владислав Максимович. Тергыме кече: 6 кылме 2025. Архивлыме 25 сӱрем 2018 ий.
  4. ↑ Назначен новый член Общественной палаты Марий Эл (руш.). Кидшер (5 сӱрем 2017). Тергыме кече: 6 кылме 2025. Архивлыме 4 пургыж 2022 ий.
  5. ↑ Общественную палату Республики Марий Эл возглавил первый президент РМЭ Владислав Зотин (руш.). Марийская правда (12 сӱрем 2017). Тергыме кече: 6 кылме 2025. Архивлыме 16 сӱрем 2017 ий.

Литератур

  • Зотин Владислав Максимович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 208. — 2000 экз. — ISBN 5-87898-197-1.
  • Зотин Владислав Максимович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 137. — 2032 экз. — ISBN 5-87898-357-0.
  • Зотин Владислав Максимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 387. — 872 с. — 3505 экз. — ISBN 978-5-94950-049-1.

Кылвер-влак

"https://mhr.ruwiki.ru/w/index.php?title=Зотин,_Владислав_Максимович&oldid=1233994" гыч налме