Биологий тӱрлылыкын тӱнямбал кечыже

Файл:Биоразнообразие плакат 2004г.jpg

Плакат (2004 ий)

Биологий тӱрлылыкын тӱнямбал кечыже ( ООН-ын моло официал йылмыла дене: англ. International Day for Biological Diversity, араб. اليوم الدولي للتنوع البيولوجي, ‎исп. Día Internacional de la Diversidad Biológica, кит. 生物多样性国际日, фр. Journée internationale de la diversité biologique ) — 2000 ий гыч ий еда 22 майыште палемдалтеш. Тиде Тӱнямбал кечым ООН-ын генерал Ассамблейже (ГА ООН) 1995 ийыште лӱмын лукмо резолюцийже дене (A/RES/49/119 №) увертарен, тыгодым негызлан 1992 ийыште лекше Биологий тӱрлылык шотышто конференцийын Конвенсийжылан эҥертен. Резолюцийыште Тӱнямбал кечын числажым рашедыме — 29 декабрь — Конвецийын вийым налме кечыже. Но варажым ООН ГА пайремлан 22 майым ойырен — Конвецийеш кидпалым пыштыме кече (A/RES/55/201 номеран резолюций). 2000 ийысе конференцийысе Конвенцийын еҥже-влак числам вашталтымым тыге умылтареныт: тиде мероприятийлан утларак кугу тӱткышым пуа.

ООН-ын генерал секретарьже Биотӱрлылык тӱнямбал кече лӱмеш ий еда посланийым савыкта. 2005 ийысе посланийыште палемдыме: биологийын тӱрлӧ сынже тыгай фактор, кудын валне илышын ӱшанлын вияҥмыже негызлалтын, кудо мер илышым йоҥылыш азап лийме деч арала.

Кечын темыже

2021 ий — «Ме пунчалын ужашыже улына #ForNature»
2020 ий — «Мемнан пунчал-влак пӱртӱслан»
2019 ий — «Мемнан биотӱрлылыкна, кочкышна, тазалыкна»
2018 ий — «Биотӱрлылык аланыште 25 ий пашам ыштыме лӱмеш»
2017 ий — «Биотӱрлылык да ӱшанле туризм»
2016 ий — «Биотӱрлылык йодышым нӧлтымаш, еҥ-влакын илышыштым, илыш йӧныштым саемдымаш»
2015 ий — «Ӱшанлын вияҥмаште да биотӱрлылык»
2014 ий — «Биотӱрлылык отро-влак»
2013 ий — «Биотӱрлылык да вӱд»
2012 ий — «Теҥызысе биотӱрлылык»
2011 ий — «Чодыра биотӱрлылык»
2010 ий — «Нужналык гыч лекмаште биотӱрлылык»
2009 ий — «Сулло тушманле вид-влак»
2008 ий — «Биотӱрлылык да ялозанлык»
2007 ий — «Климат вашталтме да биотӱрлылык»
2006 ий — «Кукшо кундемлаште биотӱрлылыкым аралымаш»
2005 ий — «Биотӱрлылык: вашталтше тӱняште илыш страхований»
2004 ий — «Биотӱрлылык: кочкыш сату, вӱд да чылаштлан тазалыкым пуымаш»
2003 ий — «Биотӱрлылык да нужналык ваштареш кучедалмаш — икшырымын вияҥаш ӱжмаш»
2002 ий — «Чодыран биотӱрлылыкшылан пӱралтше»

Кылвер-влак