Палыдыме салтакын кечыже
| Палыдыме салтакын кечыже | |
|---|---|
 Александровский садыште Палыдыме салтакын шӱгарлаж дене курымашлык тул | |
| Официал | Палыдыме салтакын кечыже |
| Ыҥ | Сарзе действийлаште колышо российысе да совет сарзыеҥ-влакым, кӧн лӱмжӧ палыдыме кодын, шарнымаш |
| Ышталтын | 2014 ий 4 ноябрьыште лекше 340-ФЗ №-ан федерал тӧртык почеш 1966 ий 3 декабрьыште Кремлёвский пырдыж воктене палыдыме салтакым йӱлалтыме ломыжшым тойымым шарныме лӱмеш |
| Ыштыше | Россий Федерацийын кугыжаныш думыжо |
| Палемдат |
 Россий |
| Кече | 3 теле |
| Пайремлымаш | Сарзе мемориал воктеке пеледыш ден аршашым пыштымаш, патырлык урок, шарнымаш акций-влак |
| Йӱла | Ик минутлан шып лиймаш |
| Кылдалтын | Моско верч кредалмаш дене |
Палыдыме салтакын кечыже — Российыште шарныме кече. 2014 ий 3 декабрь гыч палемдалтеш. Ты кечым эл кумдыкышто але тудын деч ӧрдыжтӧ сар кредалмашеш колышо россий ден совет салтак-влакым шарныме лӱмеш тӧнежлыме[1].
Историй
3 декабрьым ойырымо кече 1966 ийысе кече дене кылдалтын: тунам, Моско воктене немыч фашист-влакым кырен шалатымылан 25 ий темме годым, Ленинград шоссен 41-меҥгыштыже улшо (Зеленоград олаш пурымаште) палыдыме салтакын капшым Моско Кремльын пырдыж ончылан, Александровский саде, пайремлын уэш тоеныт[1].
«Сарзе чап кече да Российын шарныктыш кечыж нерген» федерал законын 1.1 лончышкыжо вашталтышым пуртымо нерген тӧртык 2014 ий 24 октябрьыште лектын. Тиде шонымашым чыла парламент фракций деч депутат тӱшка темлен, ондак ты ой дене Россий Президентын администрацийжым вуйлатыше Сергей Иванов келшен[2]. 2014 ий 5 ноябрьыште Россий Федерацийын президентше Владимир Путин шке кидпалыжым пыштен[1][3][4].
Палыдыме салтакым шарныме кечын тӱрлӧ мероприятий эртаралтеш. Иза-шольо шӱгар ӱмбаке, колышо-влакым шарныктыше чапкӱ деке венок-влакым пыштат, туныктымо верлаште патырлык урок эртаралтеш[1].
Палемдымаш
- ↑ 1 2 3 4 День Неизвестного солдата в России (руш.). Справка. РИА Новости (3 теле 2015). Тергыме кече: 3 сӱрем 2016. Архивлыме 18 идым 2016 ий.
- ↑ Госдума объявила 3 декабря Днем Неизвестного солдата (руш.). ТАСС (24 шыжа 2014). Тергыме кече: 3 сӱрем 2016. Архивлыме 15 сорла 2016 ий.
- ↑ Федеральный закон от 04.11.2014 г. № 340-ФЗ «О внесении изменений в статью 1-1 Федерального закона „О днях воинской славы и памятных датах России“» (руш.). Сайт Президента России. Тергыме кече: 3 сӱрем 2016. Архивлыме 17 сорла 2016 ий.
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России» (руш.). Kremlin.ru. Тергыме кече: 9 пургыж 2022. Архивлыме 26 кылме 2021 ий.
