Молотов, Иван Николаевич
| Иван Николаевич Молотов | |
|---|---|
 | |
| Тӱҥ увер | |
| Тичмаш лӱм | |
| Шочмо кече | 1940 ий 3 ага |
| Колымо кече | 1972 ий 9 ӱярня (31 ий) |
| Колымо вер | Иваново, Иваново область, РФСР, СССР |
| Эл |
 СССР |
| Профессий | композитор, мурым возышо |
| Ыштыме жап | 1963—1972 |
Молотов, Иван Николаевич (3 ага 1940 ий, Шернур кундем Кӱчыкэҥер ял — 9 ӱярня 1972 ий, Иваново) — талантан марий семлызе, «Элнет» кокымшо марий оперын авторжо.
Илыш корно
Иван Николаевич Молотов шочын йорло ешеш. Сарыште ачаже колмо деч вара аван кидыштыже кодыныт кум икшыве, садлан Йываным Арин йоча пӧртыш кодаш логале. Латныл ияш тудо культпросветшколышко теорий отделенийыш тунемаш пурен, композицийлан Эрик Сапаев деч тунемын. Тыште тудо фортепиано да скрипка дене тӱҥалын шокташ. 1964 ийыште культпросветшколым пытармеке Озаҥ кугыжаныш консерваторийыш профессор Н.Г. Жигановын композиций классыш (ондакрак тунемын профессор А.С. Леманын) тунемаш пурен. Консерваторийым пытарыме деч вара Иван Николаевич культпросветшколыш пӧртылеш, но туныктышо семын. Кеч творческий паша лийын кӱчык, но чолга да лектышан. Тудо шочыктен шуко произведенийым симфонический оркестрлан, камер-семӱзгар да вокал музыкам. Тыгак тудо возен сеемым кок хореографический сӱретлан да латкок спектакльлан. Тӱҥ верым Молотовын творчествыштыже налын опера «Элнет». Тиде кокымшо марий национальный опера Э.Н. Сапаевын «Акпатыр» деч вара. Тудо возалтын С.Г. Чавайнын «Элнет» романже почеш операн премьерыже 26 Ӱярня 1971 ийыште Марий музыкальный театрыште эртен. Талантан марий семлызе Иван Молотов кумло кок ияш годымжо ӱмыр лугыч лийын.