2 ӱярня

←
→
Ӱярня
← →Ӱярня
	2026 ий

2 ӱярня (2 март) — григориан кечышот почеш идалыкын 61-ше (кужемдыме ийлаште — 62-шо) кечыже. Идалык пытыме марте 304 кече кодеш.

Йошкар-Олаште ☀️ Кече 6 шагатат 26 минутлан лектеш, 17 шагатат 9 минутлан шинчеш. Кечын кужытшо 🕒 10 шагатат 42 минут.
🌕 Тичмаш тылзе (13.02 тылзе кече).

Пайрем да шарныктарыше кече-влак

Шырпын тӱнямбал кечыже (руш. Международный день спички).
Ӧпкем кудалтыме рушарня (руш. Прощёное воскресенье).

Лӱмгече

Католик лӱм-влак: Агнесса, Карл, Чад.
Православий лӱм-влак: Авксиний, Варнава, Гермоген, Ермоген, Мариамна (Марианна), Мария, Маркиан, Мина, Михаил, Николай, Павел, Папа, Порфирий, Пульхерия, Роман, Феодосий, Фёдор.

Событий-влак

Тугак ончо: Категорий:Ӱярня тылзын 2 кечысе событий-влак

Шочыныт

Тугак ончо: Категорий:Ӱярня тылзын 2 кечынже шочшо-влак

1752 — Василий Сергеевич Шереметев, генерал-майор, Шереметевмыт тукымын титулдымо укшыж гыч Изяслав (Волынский) губернийын вуйлатышыже. Юрино посёлкысо усадьбын озаже.
1913 — Георгий Николаевич Флёров, совет физик-ядерщик, Дубнасе Ядер шымлымаш ушем институтым негызлыше-влак кокла гыч иктыже, СССР Шанче академийын академикше (1968). Социалист Пашан Талешкыже. Ленин премийын да кок гана Сталин премийын лауреатше.
1920 — Геннадий Николаевич Замятин, совет сарзе пашаеҥ. Кугу Ачамланде сар жапыште — Забайкальский фронтысо 190-шо истребитель авиаций дивизийын 494-ше истребитель авиаций полкын лётчикше (1944—1945). Совет-япон сарын (1945) да Корей сарын (1951—1952) участникше. Подполковник (1960).
1925 — Аркадий Канюшков, курыкмарий серызе, почеламутчо, журналист, кусарыше, СССР Серызе-влак ушемын йыжъеҥже (1957), Марий АССР-ысе тӱвыран сулло пашаеҥже (1990), 1941–1945 ийласе Кугу Ачамланде сарын участникше.
1925 — Аркадий Григорьевич Тютьков, совет шанчызе-экономист, экономике шанче кандидат, доцент. Н. К. Крупская лӱмеш марий кугыжаныш педагогике институтын кугурак преподавательже, доцентше (1965―1991). Кугу Ачамланде сарын участникше. 1949 ий гыч ВКП(б)-ын йыжыҥъеҥже.
1927 — Маргарита Фадеева, руш серызе, Марий Эл Республикысе тӱвыран сулло пашаеҥже (1980).
1959 — Вадим Илларионов (Вадим Васильевич Илларионов), марий серызе, почеламутчо, журналист.

Коленыт

Тугак ончо: Категорий:Ӱярня тылзын 2 кечынже колышо-влак

2009 — Геннадий Николаевич Водоватов, марий совет партий вуйлатыше, меръеҥ. Йошкар-Ола КПСС олакомын икымше секретарьже (1969—1983), Марий АССР Эскерыше калык комитетын председательже (1983—1987). КПСС XXIV—XXVI погын-влакын делегатше. 1946 ий гыч ВКП(б)-н йыжъеҥже. Кугу Ачамланде сарын салтакше.

Калык пале

Кечывалвел гыч кайык-влак пӧртылаш тӱҥалыт гын, эр шошылан.