8 ӱярня

←
→
Ӱярня
← →Ӱярня
	2026 ий

8 ӱярня (8 март) — григориан кечышот почеш идалыкын 67-ше (кужемдыме ийлаште — 68-ше) кечыже. Идалык пытыме марте 298 кече кодеш.

Йошкар-Олаште ☀️ Кече 6 шагатат 12 минутлан лектеш, 17 шагатат 24 минутлан шинчеш. Кечын кужытшо 🕒 11 шагатат 11 минут.
🌖 Катыкем толшо тылзе (19.02 тылзе кече).

Пайрем да шарныктарыше кече-влак

Лӱмгече

Католик лӱм-влак: Джон, Урбан, Филемон.
Православий лӱм-влак: Александр, Алексей, Антиох, Антонин, Дамиан, Зевин, Иван, Михаил, Моисей, Николай, Поликарп, Полихроний, Сергей.

Событий-влак

Тугак ончо: Категорий:Ӱярня тылзын 8 кечысе событий-влак

Шочыныт

Тугак ончо: Категорий:Ӱярня тылзын 8 кечынже шочшо-влак

1891 — Гавриил Яковлевич Киреев, совет сарзе пашаеҥ. Икымше тӱнямбал сарын салтакше. Граждан сар жапыште — 11-ше Петроград лӱйкалыше дивизийын 1-ше куштылго артиллерий дивизион взводын да батарейын командирже. Кок гана Йошкар Тисте орденын (1921, 1922) да Ленин орденын (1952) кавалерже.
1913 — Лидия Ивановна Точилова, совет тазалык аралтыш пашаеҥ, эмлызе-хирург. Хирург, Марий АССР Республикысе эмлымверын вӱр йоктарыме пӧлкан вуйлатышыже (1947—1986). Марий АССР-ын сулло эмлызыже (1957). Кугу Ачамланде сарын салтакше, медицине службын капитанже.
1926 — Михаил Семёнович Басов, совет озанлык, кугыжаныш да политике пашаеҥ. РСФСР-ын сулло машиначоҥышыжо (1980). Ленин орденын кавалерже (1965).
1927 — Христофор Фокеевич Балдаев, зоолог, орнитолог, фенолог, биолог, уста мӱкшызӧ, туныктышо, путешественник, шанчым чапландарыше, шуко статья да шанче пашан авторжо.
1952 — Валерий Данилович Дубников — озанлык вуйлатыше. 1977-ше ийыште Поранча кундемысе торфушемыште инженерлан пашам ышташ тӱҥалын да вуйлатыше мартеат шуын. Экономик академийын академикше. Тыгак тудо Совет Ушем кӱшыл погынын депутатше лийын. А 2004-ше ий гыч Марий Эл кугыжаныш погынын депутатше сомылым шукта.
1954 — Александр Германович Хлебников — туныктыш да спорт пашаеҥ, Марий Эл туныктышын сулло пашаеҥже. 1992-шо ий гычак Козьмодемьянск оласе коррекционный школ-интернатыште физкультурым вӱда.
1955 — Евгений Борисович Мещеряков — спорт пашаеҥ. Мордовий кундемыште шочын-кушкын. 2001-ше ийыште Волжск оласе спорт комитетын вуйлатышыжлан шогалын. Байдарка дене ияш туныктен шога.
1972 — Кадыкова Галина Николаевна — марий шанчызе, историк, туныктышо, историй шанче кандидат (2006), доцент (2010).
1974 — Светлана Талова — журналист. 1996-шо ий гыч тудо «Пульс-радиошто» вӱдышылан тыршаш тӱҥалын. Икмыняр жап гыч «Пульс - радио» акционер ушемын тӱҥ редакторжо лийын. «3-шо канал» радион тӱҥ редакторжо, РЕН ТВ «12 регион» телекомпанийын тӱҥ редакторжо лийын.

Коленыт

Тугак ончо: Категорий:Ӱярня тылзын 8 кечынже колышо-влак

2016 — Илья Караев — марий серызе, почеламутчо, кусарыше, Россий Серызе-влак ушемын йыжъеҥже (2006), Пошкырт Элысе Яныш Ялкайн лӱмеш премийын лауреатше.

Калык пале

Лум лумеш гын, Кугече арня йӱштӧ лийшаш, кукшо шога гын — йӱр лийшаш огыл.