1 ӱярня

← → Ӱярня
Шч Кш Вр Из Кг Шм Рш             1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 ий

1 ӱярня (1 март) — григориан кечышот почеш идалыкын 60-шо (кужемдыме ийлаште — 61-ше) кечыже. Идалык пытыме марте 305 кече кодеш.

Йошкар-Олаште ☀️ Кече 6 шагатат 29 минутлан лектеш, 17 шагатат 7 минутлан шинчеш. Кечын кужытшо 🕒 10 шагатат 38 минут.
🌔 Ешаралт толшо тылзе (12.02 тылзе кече).

Пайрем да шарныктарыше кече-влак

•  ООН — Дискриминаций ваштареш кучедалме кече (руш. День борьбы с дискриминацией).
•  ООН — Теҥызысе шудын тӱнямбал кечыже (руш. Всемирный день морских трав).
•  — Мер калыкын аралалтме тӱнямбал кече (руш. Всемирный день гражданской обороны).
•  Россий — Российыште пырыс кече (руш. День кошки в России).
• Ярилинын кечыже (руш. Ярилин день).
• Сӧснан кечыже (руш. День свиньи).
• Шошо пайрем (руш. Праздник весны).

Лӱмгече

• Католик лӱм-влак: Абдекалас, Альбинус, Давид, Монан, Свитберт.
• Православий лӱм-влак: Валент, Даниил, Иеремия, Илья, Исаия, Макарий, Маруф, Никон, Павел, Памфил, Порфирий, Самуил, Селевкий, Феодул, Флавиан, Юлиан.

Эртынчык-влак

Тугак ончо: Категорий:Ӱярня тылзын 1 кечысе событий-влак

• 1862 — Козьмодемьянск олаште ӱдырамаш-влаклан училищым почмо.
• 1932 — Звенигово район «Передовик» газетын икымше номерже лектын.
• 1555 ийыште Нострадамусын предсказанийже дене книгаже лектын.
• 1964 ийыште икымше руш печатный книга лектын.
• 1873 ийыште печатный машинам ышташ тÿҥалыныт.

Шочыныт

Тугак ончо: Категорий:Ӱярня тылзын 1 кечынже шочшо-влак

• 1923 — Василий Сапеев, марий серызе, почеламутчо, туныктышо, педагогике шанче кандидат (1982), СССР Серызе-влак ушемын йыжъеҥже (1971), РСФСР-ын сулло туныктышыжо (1965), 1941–1945 ийласе Кугу Ачамланде сарын участникше.
• 1957 — Антонина Николаевна Шакирова, марий серызе, журналист, Марий Эл Республикын сулло журналистше.
• 1947 — Александр Гурьевич Сергеев, спортсмен. Морко район Нуръял Корамасыште шочын. Кӱшыл шинчымашым Волгоградысе капкультур институтышто налын. Куржталме дене Россий Федерацийын чемпионжо лӱмым сулен. 15 ий Йошкар-Оласе строительный техникумышто туныктышылан пашам ыштен. Тыгак тудо мыланна Совет Ушем спорт мастер семын палыме.
• 1934 — Павел Васильевич Калягин, уста семмастар. Морко район Тумер ялыште шочын. Шанче пашаштат Павел Васильевич кугу надырым пыштен: историй шанче кандидат лийын. Партий пашаштат шуко ий тыршен. Муро тӱняште Павел Калягин «Авамланде», «Ачай-авай», «Морко мланде» мурылан семым возышо семын чапланен. Пелашыже Роза Калягина дене коктын шуко сылне мурым возеныт.

Коленыт

Тугак ончо: Категорий:Ӱярня тылзын 1 кечынже колышо-влак

• 1943 — Иван Никонорович Микеркин, совет кугыжаныш да озанлык пашаеҥ. 1939 ий гыч ВКП(б) йыжъеҥ. СССР Кӱшыл Каҥашын 1-ше созывысе депутатше (1937 ий гыч). Совет-влакын 8-ше пӱтынь ушемысе (1936) да 17-ше пӱтынь российысе (1937) чрезвычайный погыныштын делегатше. Кугу Ачамланде сарын салтакше.
• 1943 — Йылдыр Изерговна Айглова, совет медшӱжар. Кугу Ачамланде сар жапыште — Касвел, 1-ше, 2-шо Белорус фронтлаште Лозовскысо 38 гвардиян Йошкар Тистан стрелок-влак дивизийысе 113 гвардиян стрелок-влак полкысо автоматчик-влак ротын санинструкторжо, эмлыше службын гвардий старшинаже.
• 1995 — Владислав Николаевич Листьев, совет да российысе телевӱдышӧ, журналист, предприниматель. «ОРТ» телеканалын икымше генеральный директоржо. «Взгляд», «Час пик», «Поле чудес» да «Тема» телепередаче-влакын авторжо да икымше вӱдышыжӧ.

Калык пале

• Игече ояр да леве лиеш гын, шошат тугай лийшаш, лум лумеш гын, шурно сай шочеш, леве мардеж — йӱран кеҥежлан, а йӱштӧ мардеж — кеҥеж юалге лийшаш.
• Ярилан кечыже. Тиде кечын кече шке шокшыжым мландÿмбак колта. Мÿшкыран ÿдырамаш-влак шукырак жап яндар южышто лияш тыршеныт: кечын волгыдыжо азалан тазалыкым пуа манын ÿшаненыт. Кресаньык-влак шошо толмылан йывыртен, уремлаште тÿрлö модышым эртареныт.

Палемдымаш