Водоватов, Геннадий Николаевич

Геннадий Николаевич Водоватов
Геннадий Николаевич Водоватов
Шочмо кече	1926 ий 2 ӱярня
Шочмо вер	Чыкма, Марий автоном область, РСФСР
Колымо кече	2009 ий 2 ӱярня (83 ий)
Колымо вер	Йошкар-Ола, Марий Эл, Россий
Гражданлык	СССР → Россий
Паша сомыл	партий пашаеҥ, депутат
Награде да премий	; Марий АССР Кӱшыл Каҥаш Вуйверын Чаптаныкше (1976)

Геннадий Николаевич Водоватов (2 ӱярня 1926, Чыкма, Марий автоном область, Горький край, РСФСР^[d], СССР — 2 ӱярня 2009, Йошкар-Ола, Марий Эл Республик, Россий) — марий совет партий вуйлатыше, меръеҥ. Йошкар-Ола КПСС олакомын икымше секретарьже (1969—1983), Марий АССР Эскерыше калык комитетын председательже (1983—1987). КПСС XXIV—XXVI погын-влакын делегатше. 1946 ий гыч ВКП(б)-н йыжъеҥже. Кугу Ачамланде сарын салтакше.

Илыш корно

1926 ий ӱярня тылзын 2-шо кечынже Марий автоном кундем Чыкма оласе пашаеҥын ешыштыже шочын. Кыдалаш школын 10 классшым тунем пытарен^[1].

1943 ий кылме тылзын 6-шо кечынже Йошкар Армийыш налме. Кугу Ачамланде сарын салтакше: лӱмыншколым тунем пытарен, Каспий флотилийын суднысо шифроватлыше, 1-ше статьян старшина гыч 3-шо ранган капитан марте сар корным эртен. 1950 ий шыжа тылзын 13-шо кечынже армий гыч демобилизоватлыме^[2]^[3].

1950 ий гыч шочмо верыштыже партий пашам тӱҥалын: инструктор, вара — Курыкмарий КПСС райкомын 2-шо секретарьже. 1956 ийыште Угарман кундемысе партий школым, 1959 ийыште — КПСС РК пелен Кӱшыл партий школым (руш.) (мар. (пашам кодыде) тунем пытарен^[1].

1967 ийыште Йошкар-Оласе партий пашаш кусарыме: 1969 ий марте — КПСС Марий обкомын (руш.) (мар. пӧлкам вуйлатышыже, 1969—1983 ийлаште — Йошкар-Ола КПСС олакомын 1-ше секретарьже^[4]. Тиде жапыште Йошкар-Олаште илыме пӧртым чолган чоҥеныт (9-ше микрорайон, «Сомбатхей» микрорайон), «Овощевод» олапеленсе совхоз ышталтын. 1983—1987 ийлаште Марий АССР Эскерыше калык комитетым (руш.) (мар. вуйлатен^[1].

Тудын шуко ияш лектышан мер-политик пашаже Пашан Йошкар Тистыже орден (1971, 1976), «Пашаште патырлыклан» медаль дене (1970), РСФСР Кӱшыл Каҥаш Вуйверын (1986) да Марий АССР Кӱшыл Каҥаш Вуйверын Чаптаныкше дене (1976) палемдалтын^[1].

2009 ий ӱярня тылзын 2-шо кечынже Йошкар-Олаште колен, Турун шӱгарлаште (руш.) (мар. тоеныт^[1].

Мер-политике паша

1970—1990 ийлаште Марий АССР Кӱшыл Каҥашын (руш.) (мар. депутатше лийын^[1].
КПСС-ын XXIV—XXVI погынлашкыже делегатлан сайлалтын (1971, 1976, 1981)^[1].

Суаптар

Пашан Йошкар Тистыже орден (1971, 1976)^[1]
«Пашаште чолгалыклан» медаль (1970)^[1]
«Пожарыште лӱддымылыклан» медаль (1973)^[1]
РСФСР Кӱшыл Каҥаш Вуйверын Чаптаныкше (1986)^[1]
Марий АССР Кӱшыл Каҥаш Вуйверын Чаптаныкше (1976)^[1]

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Мочаев, 2017, с. 86.
↑ Водоватов Геннадий Николаевич :: Память народа (неопр.). pamyat-naroda.ru. Тергыме кече: 3 пургыж 2026. Архивлыме 24 теле 2021 ий.
↑ Дорога памяти. Водоватов Геннадий/Генадий Николаевич (руш.). Музейный комплекс "Дорога Памяти". Тергыме кече: 3 пургыж 2026.
↑ На улице Грибоедова - Йошкар-Ола 20 века, фото Йошкар-Олы и история города (неопр.). olacity.ru. Тергыме кече: 3 пургыж 2026. Архивлыме 24 теле 2021 ий.

Литератур

Водоватов Геннадий Николаевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 76. — 2032 экз. — ISBN 5-87898-357-0.
Кудрявцева В. В., Мочаев В. А. Водоватов Геннадий Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 86. — 606 с. — 1500 экз. — ISBN 978-5-905314-35-3.

Кылвер-влак

Память народа. Водоватов Геннадий Николаевич Архивысе копий 24 теле 2021 гыч
Дорога памяти. Водоватов Геннадий/Генадий Николаевич (руш.). Музейный комплекс "Дорога Памяти". Тергыме кече: 3 пургыж 2026.

[_8acc064055001522-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Мочаев, 2017, с. 86.

[2] Водоватов Геннадий Николаевич :: Память народа (неопр.). pamyat-naroda.ru. Тергыме кече: 3 пургыж 2026. Архивлыме 24 теле 2021 ий.

[3] Дорога памяти. Водоватов Геннадий/Генадий Николаевич (руш.). Музейный комплекс "Дорога Памяти". Тергыме кече: 3 пургыж 2026.

[4] На улице Грибоедова - Йошкар-Ола 20 века, фото Йошкар-Олы и история города (неопр.). olacity.ru. Тергыме кече: 3 пургыж 2026. Архивлыме 24 теле 2021 ий.

[1]

[2]

[3]

[4]