16 ӱярня

←
→
Ӱярня
← →Ӱярня
	2026 ий

16 ӱярня (16 март) — григориан кечышот почеш идалыкын 75-ше (кужемдыме ийлаште — 76-шо) кечыже. Идалык пытыме марте 290 кече кодеш.

Йошкар-Олаште ☀️ Кече 5 шагатат 53 минутлан лектеш, 17 шагатат 43 минутлан шинчеш. Кечын кужытшо 🕒 11 шагатат 49 минут.
🌘 Шоҥго тылзе (27.02 тылзе кече).

Пайрем да шарныктарыше кече-влак

Шоналтыде ыштыме кече (руш. День спонтанности).
Тӱрвым ончымо кече (руш. День ухода за губами).
Тыйын чыла чын ыштыме кечет (руш. День Ты все делаешь правильно).
Тӱрлӧ чиян карандашын кечыже (руш. День цветных карандашей).

Лӱмгече

Католик лӱм-влак: Аббан, Хериберт.
Православий лӱм-влак: Василиск, Евтропий, Зинон, Зоил, Клеоник, Марфа, Михаил, Пиама.

Событий-влак

Тугак ончо: Категорий:Ӱярня тылзын 16 кечысе событий-влак

Шочыныт

Тугак ончо: Категорий:Ӱярня тылзын 16 кечынже шочшо-влак

1920 — Галина Фёдоровна Некрасова, совет комсомол да мер-политике пашаеҥ, туныктышо. Марий АССР Кӱшыл Каҥашын IV созывысе Председательжын алмаштышыже (1955—1959), ВЛКСМ Марий обкомын икымше секретарьже (1949—1955). ВЛКСМ ЦК-н йыжыҥъеҥже, ВЛКСМ-ын XII погынжын делегатше. 1942 ий гыч ВКП(б)-ын йыжыҥъеҥже.
1922 — Осокин, Георгий Михайлович, совет да россий живописец, график, Россий сӱретче-влак ушемын йыжъеҥже. В. И. Мухина лӱмеш Кӱшыл сылнысӱрет-йӧнозанлык училищын (1948―1964) да И. Е. Репин лӱмеш Ленинградысе живопись, скульптур да архитектур институтын (1964―1992) туныктышыжо. Марий АССР сымыктышын сулло пашаеҥже (1972). Кугу Ачамланде сарын салтакше.
1952 — Габдулхак Габдуллович Гибадуллин, совет да российысе цирк артист (клоун, дрессировщик, акробат). Йошкар-Оласе Янлык театрын художественный вуйлатышыже (1994—1996), Марий Эл Республикын Медведево посёлкысо «Чудо-остров» изи зоопаркым негызлыше да тудын директоржо (2000—2016). Цирк артист-влакын пӱтынь ушемысе конкурсын лауреатше (1988). Марий АССР-ын калык артистше (1987). Татар АССР-ын сулло артистше (1982).
1953 — Столлман, Ричард Мэттью, Эрыкан ПВ толкыным шарыше.

Коленыт

Тугак ончо: Категорий:Ӱярня тылзын 16 кечынже колышо-влак

2020 — Патрушев Анатолий Степанович, марий историк, шанчызе, мер пашаеҥ, историй шанче кандидат (1972), доцент, Мер Каҥашын икымше Оньыжаже (1990—1992), Марий Эл Республикысе шанчын сулло пашаеҥже (1994).

Калык пале

Агытан чӱчкыдын кычкыра гын, игече локтылалтшаш.