25 ӱярня
|
||||||||||||||||||||||||||||||||||||||||||||||||||
| 2026 ий | ||||||||||||||||||||||||||||||||||||||||||||||||||
25 ӱярня (25 март) — григориан кечышот почеш идалыкын 84-ше (кужемдыме ийлаште — 85-ше) кечыже. Идалык пытыме марте 281 кече кодеш.
Йошкар-Олаште ☀️ Кече 5 шагатат 31 минутлан лектеш, 18 шагатат 5 минутлан шинчеш. Кечын кужытшо 🕒 12 шагатат 33 минут.
🌓 Икымше чырык (6.49 тылзе кече).
Пайрем да шарныктарыше кече-влак
ООН — Кул да трансатлатике култоргайыме пашан жертвыже-влакым шарныме тӱнямбал кече (руш. Международный день памяти жертв рабства и трансатлантической работорговли).
— Почто открыткын шочмо кечыже (руш. День рождения почтовой открытки).
Россий — Россий тӱвыра пашаеҥын кечыже (руш. День работника культуры России).- Феофан кече (руш. Феофанов день).
- Вафльын тӱнямбал кечыже (руш. Международный день вафель).
- Шошым кычкырыме кече (руш. Закликание Весны).
Лӱмгече
- Католик лӱм-влак: Баронтий, Дезидерий, Дисмас, Эльфволд.
- Православий лӱм-влак: Александр, Владимир, Григорий, Дмитрий, Иван, Константин, Симеон, Сергей, Феофан, Финеес.
Событий-влак
Тугак ончо: Категорий:Ӱярня тылзын 25 кечысе событий-влак
- 421 ий — Венеций олалан негызым пыштыме.
- 1997 ий — Эквадор воктенысе теҥыз пундашыште кугу кладым муыныт. 1654-ше ийыште шöртньö да шийым наҥгайыше «Ла капитана» галеон вÿдйымак каен улмаш.
Шочыныт
Тугак ончо: Категорий:Ӱярня тылзын 25 кечынже шочшо-влак
- 1952 ий — Анатолий Васильевич Оборин, юрист. Килемар кундем Юксар селаште шочын. Ончыч Курыкмарий кундемысе прокуратурышто следовательлан тыршен, а 1985-ше ий гыч Козьмодемьянск оласе судын вуйлатышыжлан шогалын. 3 ий Совет Ушем кӱшыл погынын депутатше лийын.
- 1953 ий — Владимир Ильич Иванов, ялозанлык пашаеҥ, Россий Федерацийысе ялозанлыкын сулло пашаеҥже. Юлсер кундем Памашэҥер ял гыч. 1982 ий гыч ты кундемысе «Дружба» совхозым вуйлаташ шогалын.
- 1986 ий — Надежда Эмыкан, марий серызе, почеламутчо.
Коленыт
Тугак ончо: Категорий:Ӱярня тылзын 25 кечынже колышо-влак
- 1949 — Ефим Иванович Пирогов, совет сарзе вуйлатыше. Ныл сарын участникше: Икымше тӱнямбал сар, Граждан сар, совет-финн сар да Кугу Ачамланде сар. Кугу Ачамланде сар жапыште Йӱдвел-Кавказ фронтын 8-ше посна кӱртньыгорно бригадыжын командирже (1941—1943), 47-ше посна кӱртньыгорно бригадын командирже (1944—1945), 3-шо да 2-шо Украин фронт-влакын кӱртньыгорно войскаштын начальникше (1944—1945). Технический войскан генерал-майоржо (1944). Ленин орденын кавалерже (1945).
- 2001 — Иннокентий Кузьмич Глушков, совет да российысе туныктышо, мер пашаеҥ. Марий АССР-ысе Оршанке педагогике училищын (Марий Эл Республикысе Оршанке педагогике колледжын) туныктымо паша шотышто директорын алмаштышыже, директоржо (1965—1995). РСФСР школын сулло туныктышыжо (1969). РСФСР калык просвещенийын отличникше (1967).
Калык пале
- Мотор шошо игече шога гын, кеҥеж лавыртышан лийшаш.
- Феофанын кечыже. Тиде кечын имньым эскереныт: тудо черлана гын, идалык мучко тазалыкше начар лиеш. Тудым шийым пыштыман ате гыч йÿктеныт. Имне вуйжым рÿза гын, уда лийшашлан. Лум тургым пыта. Издер дене кошташ чарненыт. Мланде шулаш тӱҥалеш. Куткышуэ ӱмбалне лум кечывалвел гыч шулаш тӱҥалеш гын кеҥеж кӱчык да йӱштӧ лиеш.