Кул да трансатлатике култоргайыме пашан жертвыже-влакым шарныме тӱнямбал кече
| Кул да трансатлатике култоргайыме пашан жертвыже-влакым шарныме тӱнямбал кече | |
|---|---|
| Кече | 25 ӱярня |
Кул да трансатлатике култоргайыме пашан жертвыже-влакым шарныме тӱнямбал кече ( ООН-ын моло официал йылмыла дене: англ. International Day of Remembrance of the Victims of Slavery and the Transatlantic Slave Trade, араб. اليوم الدولي لإحياء ذكرى ضحايا الرق وتجارة الرقيق عبر المحيط الأطلسي, исп. Día Internacional de Rememoración de las Víctimas de la Esclavitud y la Trata Transatlántica de Esclavos, кит. 奴隶制和跨大西洋贩卖奴隶行为受害者国际纪念日, фр. Journee internationale de commemoration des victimes de l'esclavage et de la traite transatlantique des esclaves ) 2008 ий гыч кажне ийын 25 мартыште палемдалтеш.
Историй
ООН-ын тиде Тӱнямбал кечыжым 2007 ийыште Тӱҥ Ассамблей палемден (A/RES/62/122 № пунчал). Ондакше, 2007 ий 25 мартыште, ООН «Трансатлантике кулужалыме пашам чарымылан 200 ий темме тӱнямбал кече» ман увертарен.
Тиде кече, ЮНЕСКО-н ондакак палемдаш тӱҥалме, Култоргайымеш колышо-влакым шарныме да тудым пытарыме кечылан ешартыш семын палемдалтын.
Тӱнямбал кечын ий еда темыже-влак (ӱжыкмутшо)
- 2021 ий — «Куллыкын расе поянлыкшым пытараш: глобал чынлык императив»
- 2020 ий — «Кул ден расизм ваштареш пырля шогаш»
- 2019 ий — «Куллыкым шарналтена: сымыктышын вийже чыныште»
- 2018 ий — «Куллыкым шарналтена: сеҥымаш да эрык ден иктӧрлык верч кучедалмаш»
- 2017 ий — «Айста куллык нерген шарнена: африкысе айдемын поянлык да надыржым шотлаш»
- 2016 ий — «Куллык нерген шарне: африкысе диаспорым, тудын вож поянлыкшым да тӱвыражым чапландарымаш»
- 2015 ий — «Ӱдырамаш ден куллык»
- 2014 ий — «Куллыкым сеҥымаш: Гаити да варасе процесс»
- 2013 ий — «Талешкым, ваштареш шогышым, илен лекшым чеслымаш»
- 2012 ий — «Талешкым, ваштареш шогышым, илен лекшым чеслымаш»
- 2011 ий — «Трансатлантикысе кулым ужалымаш: 30 миллион еҥан палыдыме чонан поянлык»
- 2010 ий — «Эрыкнам тӱвыра гоч почын ончыктымаш»
- 2009 ий — «Шып лийме тӱтырам кушкедаш — тӱмырым пераш»
- 2008 ий — «Шып ит лий – шарне!» Англичан йылме дене
- 2007 ий — «Трагедийым умылымаш — тудын кышажым сеҥыме корно» (Трансатлантикысе култоргайымашым чарымылан 200 ий)