Глушков, Иннокентий Кузьмич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Глушков.
Иннокентий Кузьмич Глушков
Глушков, Иннокентий Кузьмич.jpg
Шочмо кече 23 шорыкйол 1932(1932-01-23)
Шочмо вер
Колымо кече 25 ӱярня 2001(2001-03-25) (69 ий)
Колымо вер
Гражданлык  СССР →  Россий
Паша сомыл педагог, мер пашаеҥ
Награде да премий

Орден «Знак Почёта»  — 1976 «Пашан ветеранже» медаль  — 1983
Honored School Teacher of the RSFSR.png Отличник народного просвещения РСФСР — 1967

Иннокéнтий Кузьми́ч Глушкóв (23 шорыкйол 1932, Казенный Ваштаршу, Марий автоном область, РСФСР[d], СССР — 25 ӱярня 2001, Оршанке, Марий Эл Республик, Россий) — совет да российысе туныктышо, мер пашаеҥ. Марий АССР-ысе Оршанке педагогике училищын (Марий Эл Республикысе Оршанке педагогике колледжын) туныктымо паша шотышто директорын алмаштышыже, директоржо (1965—1995). РСФСР школын сулло туныктышыжо (1969). РСФСР калык просвещенийын отличникше (1967).

Илыш корныжо

1932 ий 23 январьыште кызытсе Марий Элын Советский районысо Казённый Ваштаршӱ ялыште[1] колхоз председатель-фронтовик ешыште шочын[2][3][4][5].

1951 ийыште Марий АССР-ысе У Торъял педагогике училищым, вара Н. К. Крупская лӱмеш марий педагогике институтын физике-математике факультетшым тунем пытарен (заочнын). Институтым пытарымеке, МАССР-ысе Оршанке район Табашино кандашияш школышто математикым туныктышылан, вара директорлан пашам ыштен[2][3][4][5][6].

1964 ий гыч Марий АССР-ысе Оршанке педагогике училищыште пашам ышташ тӱҥалын: математикым да физикым туныктышо, 1965 ий гыч — туныктымо паша шотышто директорын алмаштышыже, 1983—1995 ийлаште — директор. Уым шыҥдарыше педагог, «Знание» ушемын чолга лекторжо да самырык педагог-влакын наставникше семын палыме лийын. Тудын темлымыж почеш 1967 ийыште тиде училищын у тунемме корпусшым чоҥымо, тудым ужар тӱс дене сӧрастараш тӱҥалме. Педагог шке семынат усталыкым погымо сылнысымыктышыште мурен-куштен, спортсмен лийын[2][3][4][5][6].

Мер пашамат вӱден, Оршанке район Погынын депутатше лийын[7].

Калык шинчымаш аланыште суапшылан да педагогике пашаеҥ-влакым ямдылымаште порылык шӱлышым шарымылан, 1969 ийыште тудлан «РСФСР школын сулло туныктышыжо» чаплӱмым пуымо. Тыгак «Почёт Пале» орден, «Калык просвещенийын отличникше» оҥпале, «Паша ветеран» медаль да РСФСР просвещений министерствын, Марий АССР просвещений министерствын чапкагазышт дене суапландаралтын[4][5][6].

2001 ий 25 мартыште Марий Элысе Оршанке посёлкышто колен, туштак тоеныт[2][3][4][5][6].

Шарнымаш

  • Шуко ий директорлан тыршыше, РСФСР школын сулло туныктышыжо И. К. Глушковын лӱмжым 2001 ий 13 июнь гыч Марий Элысе Оршанке педагогике колледж нумалеш[2][3][4][5][6][8].
  • 2003 ийыште Марий Элысе И. К. Глушков лӱмеш Оршанке педагогике колледж оралте ончылно тудлан чапкӱм шогалтыме[2][3][4][5][6][8].
  • 2001 ий гыч ий еда Марий Элысе И. К. Глушков лӱмеш Оршанке педагогике колледжыште «Глушков лудмаш-влак» калык-влак кокласе шанче-практик конференций эртаралтеш. Тудын пашашкыже Марий Эл Республикын да Юл кундемысе федерал округын туныктышыжо-влак ушнат[2][3][9].

Пагалымаш

Палемдымаш

  1. ↑ Васташуй казенный (Вашташ Тунарень) | Родная Вятка. rodnaya-vyatka.ru. Тергыме кече: 1 пургыж 2026. Архивлыме 29 ага 2022 ий.
  2. ↑ 1 2 3 4 5 6 7 8 9 Мочаев, 2007, с. 90.
  3. ↑ 1 2 3 4 5 6 7 8 9 Энциклопедия Республики Марий Эл, 2009, с. 307.
  4. ↑ 1 2 3 4 5 6 7 8 9 10 11 Глушков Иннокентий Кузьмич (руш.). Марийская история в лицах. Тергыме кече: 1 пургыж 2026. Архивлыме 6 пургыж 2020 ий.
  5. ↑ 1 2 3 4 5 6 7 8 9 Глушков Иннокентий Кузьмич | Музей (руш.). Тергыме кече: 1 пургыж 2026.
  6. ↑ 1 2 3 4 5 6 7 8 9 10 Торжественная линейка памяти Иннокентия Кузьмича Глушкова (руш.). Тергыме кече: 1 пургыж 2026. Архивлыме 29 ага 2022 ий.
  7. ↑ Официальный сайт Госсобрания Республики Марий Эл. old.gsmari.ru. Тергыме кече: 1 пургыж 2026.
  8. ↑ 1 2 В колледже установили памятник учителю (руш.). Учительская газета (9 теле 2003). Тергыме кече: 1 пургыж 2026.
  9. ↑ XX Глушковские чтения «Гуманизация образовательного пространства: опыт, проблемы, перспективы». yoshkarola.bezformata.com. Тергыме кече: 1 пургыж 2026.

Литератур

  • Иннокентий Кузьмич Глушков: Директор и преподаватель математики Табашинской восьмилетней школы. — Йошкар-Ола: Маркнигоиздат, 1964. — 10 с. (Мастера педагогического труда / Марийский институт усовершенствования учителей).
  • 40 лет Оршанскому педагогическому колледжу. — Йошкар-Ола: Педагогическая инициатива, 2003. — С. 8—9.
  • Муравьёв А. В. Учителями жива Россия: Учителя Республики Марий Эл — заслуженные учителя Российской Федерации. — Йошкар-Ола, 2004. — С. 30—31.
  • Глушков Иннокентий Кузьмич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 90. — 2032 экз. — ISBN 5-87898-357-0.
  • Глушков Иннокентий Кузьмич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 307. — 872 с. — 3505 экз. — ISBN 978-5-94950-049-1.
  • Муравьёв Ан. В., Мочаев В. А. Глушков Иннокентий Кузьмич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 101. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Глушков,_Иннокентий_Кузьмич&oldid=1233052" гыч налме