Тихонов, Алексей Алексеевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Тихонов.
Алексей Алексеевич Тихонов
Tikhonov-Lugovoi AA.jpg
Шолыплӱм-влак Луговой
Шочмо кече 19 пургыж 1853(1853-02-19)[1]
Шочмо вер
Колымо кече 25 шыжа 1914(1914-10-25)[2] (61 ий)
Колымо вер
Гражданстве (подданстве)
Паша сомыл
писатель, редактор, поэт
Произведений йылме руш йылме
Дебют «Юмо судитлен огыл» («Не судил Бог») (1886)
Награде

Алексей Алексеевич Тихонов (19 пургыж 1853, Варнавино[d], Кострома губерний[d] — 25 шыжа 1914, Санкт-Петербург)[3] — руш амалкалче, редактор, Луговой шоя лӱм дене палыме беллетрист-писатель да поэт[4]; «Кугарня» («Пятница») литератур кружокын йыжъеҥже. Петербургысо Императорлык Шанче академийын Пушкин премийжын лауреатше.

Илыш корно

1853 ий 19 февральыште Кострома губернийысе Варнавино олаште кресаньык тукым гыч лекше купеч ешеш шочын[5]. Руш серызе, драматург, актёр В. А. Тихоновын изаже. Йоча пагытшым Чарлаште эртарен[6]. Йот элысе гувернёр-влакын виктарымышт почеш немыч, француз да англичан йылме-влакым сайын тунемын; варажым икмыняр жап Озаҥ оласе гимназийыште тунемын. 1873 ийыште Псковышто выпускной экзаменым кучымеке, Санкт-Петербургысо технологий институтыш  (руш.) (мар. пурен, но вашке тудым коден каен, молан манаш гын ачажын черланымыжлан кӧра тудлан кумда еш сатулымо предприятий-влакым вуйлаташ логалын[7][8].

Ачажын фирмыжын, а варажым — моло фирме-влакынат пашашт почеш Тихоновлан Россий мучко да йот эллашке шуко кошташ да У Тӱняштат  (руш.) (мар. лияш логалын. 1870-ше ийла мучаште А. А. Тихонов шкегыч киндым да йытыным йот элыш колтымаш дене шогылташ тӱҥалын. Тӱҥалтыште тудын бизнесше сайын каен, туге гынат 1881 ийыште, 1 мартысе событий  (руш.) (мар. деч вара, тудын йот элысе партнёржо-влак, анархийын кумдаҥмыжым вучен, кредит пуаш тореш лийыныт. 1883 ийыште А. А. Тихоновлан панкрутыш лекмыж нерген увертараш логалын[9]. Тудо ийынак «Йӱксавыш» («Эхо») газетыште лӱмжӧ деч посна «Поянын погыжо» («Наследство богача») икымше статьяже савыкталтын. Тыге тудын сылнымут пашаже тӱҥалын, тиде сомыллан тудо уло кумылын пижаш шонен пыштен[7].

1886 ийыште тудын икымше «Юмо судитлен огыл» («Не судил Бог») повестьше («Вестник Европы» журналыште) лектын, тудын деч вара тудо икмыняр повесть, ойлымаш, роман, драме произведений («Шӧртньӧ руно почеш» («За золотым руном»), «Озым» («Озимь») ден почеламут-влакым «Вестник Европы»  (руш.) (мар., «Северный вестник»  (руш.) (мар., «Русская мысль»  (руш.) (мар. да моло периодике савыктышлаште печатлен[7][10].

1895 ий июнь гыч «Нива» журналын редакторжо лийын[7].

1895—1900 ийлаште Алексей Алексеевич Тихонов чыла возымо пашажым 4 томан «Шкевозышыш» («Сочинения») поген. Икымше 3 томым автор Императорлык Шанче академийыш Пушкин премийым налаш пуэн да К. К. Арсеньевын рецензийже почеш почётный отзывым налын[11][7].

1897 ий тӱҥалтыште усталык пашалан шукырак жап лийже манын «Нива» журналыште должностьшо деч кораҥын[9].

1914 ий 25 октябрьыште Петроград олаште колен[12][13].

Тудын Владимир шольыжо тыгак илышыжым литературлан пӧлеклен да ик произведенийжылан Грибоедов премий  (руш.) (мар. дене суапландаралтын[14][15].

Усталык

Тихоновын усталыкше, С. А. Венгеровын аклымыже почеш, тӱҥ шотышто виян улеш. Тудо сӧраллыклан шӱман да сылнын каласымым йӧрата; тудын произведенийже-влакын вуймутшат чӱчкыдынак «нӧлталтше» улыт: «Кок вудака идеал коклаште» («Между двух смутных идеалов»), «Police verso», «Nocturne», «Алльмирор!», «Пӧртылмаш. Вашталтше кумылан роман» («Возврат. Роман колеблющихся настроений») да молат)[7].

«Кузе ӱшанем кушкын» («Как росла моя вера») автобиографий повестьыштыже (1909) тудо, шке палемдымыже почеш, «улак верысе» Чарлан илыш-йӱлажым да койыш-шоктышыжым сӱретлен ончыктен[16].

Эн кугу сеҥымашым 1891 ийыште лукмо «Pollice verso» («Пытаре тудым» («Добей его») произведенийже налын (немычла «Universal Bibliothek»). Тиде оҥайын шонен лукмо «параллель-влак», калык тӱшкан психологийжым сӱретлыше ныл «панно»[7][17].

Произведений-влак

Поэзий

  • «Бор»
  • «Taedium vitae»
  • «Л. И. А-й»
  • да молат.

Прозо

  • «Швейцар» (1887)
  • «Не сулил Бог!» (1886)
  • «Швейцар» (1887)
  • «Счастливец» (1890)
  • «Несколько поцелуев» (1890)
  • «Теплом повеяло» (1890)
  • «Pollice verso» (1891)
  • «Грани жизни» (роман, 1891)
  • «Тенета» (роман, 1895—1900)
  • «Взятка» (повесть) 1898
  • «Возврат. Роман колеблющихся настроений» (роман, 1898)
  • «Девичье поле» (1909)
  • «В ночи бессонные» (1910)
  • да молат.

Шарнымаш

Йошкар-Олаште ик уремым А. А. Тихонов лӱмеш лӱмдымӧ[18].

Палемдымаш

  1. ↑ Краткая литературная энциклопедия (руш.) — М.: Советская энциклопедия, 1962.
  2. ↑ Литературная энциклопедия (руш.) — Коммунистическая академия, Большая российская энциклопедия, Художественная литература, 1929.
  3. ↑ Литературная энциклопедия (1929—1939)
  4. ↑ Луговой // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  5. ↑ Краткая литературная энциклопедия
  6. ↑ Марийская биографическая энциклопедия-2, 2017, с. 259.
  7. ↑ 1 2 3 4 5 6 7 Венгеров С. А. Тихонов, Алексей Алексеевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  8. ↑ Автобиография А. А. Тихонова. «Вестник Европы», 1909, III, VI, IX, XI—XII («Как росла моя вера»).
  9. ↑ 1 2 Алексей Алексеевич Тихонов (Луговой): новые книги на КулЛиб, <https://coollib.cc/a/239544-aleksey-alekseevich-tihonov-lugovoy>. Тергыме: 7 вӱдшор 2026. 
  10. ↑ Фидлер Ф. Ф. Первые литературные шаги, М., 1911;
  11. ↑ «11-ое присуждение премий имени А. С. Пушкина», СПб., 1896.
  12. ↑ Ляцкий Е. Памяти А. А. Лугового, «Голос минувшего», 1914, XII.
  13. ↑ Владиславлев И. В. Русские писатели, издание 4-е, Гиз, М. — Л., 1924.
  14. ↑ С. В. Тихонов, Владимир Алексеевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  15. ↑ Луговой А. А. Тергыме кече: 7 вӱдшор 2026. Архивлыме 23 пургыж 2017 ий.
  16. ↑ Марийская биографическая энциклопедия-2, 2017, с. 260.
  17. ↑ А. Измайлов; А. А. Луговой (Литературная характеристика).
  18. ↑ Братья Тихоновы, Алексей Алексеевич (печатавшийся под псевдонимом Луговой) и Владимир Алексеевич — известные русские писатели чеховской эпохи (руш.). Некоммерческий информационный историко-просветительский проект. Тергыме кече: 7 вӱдшор 2026.

Литератур

  • Розенфельд П. А. Луговой, «Образование», 1909, III.
  • Словарь членов Общества любителей российской словесности, М., 1911.
  • Айплатов Г. Н. Луговой (Тихонов) Алексей Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 259-260. — 2032 экз. — ISBN 5-87898-357-0.
  • Тихонов-Луговой Алексей Алексеевич // История Марийского края в лицах (XIV — начало XX веков). — Йошкар-Ола: МарНИИЯЛИ, 2012. — С. 246—249. — 392 с. — 1000 экз. — ISBN 978-5-94950-060-6.
  • Айплатов Г. Н. Луговой (Тихонов) Алексей Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 259—260. — 606 с. — 1500 экз. — ISBN 978-5-905314-35-3.
  • Статья основана на материалах Литературной энциклопедии 1929—1939.
  • Стариков, С. В. Русские писатели Алексей Луговой и Владимир Тихонов : историко-литературные очерки о знаменитых царевококшайцах. — Йошкар-Ола: СТРИНГ, 2022. — 404 с.
"https://mhr.ruwiki.ru/w/index.php?title=Тихонов,_Алексей_Алексеевич&oldid=1225809" гыч налме