Еремеев, Алексей Семёнович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Еремеев.
Алексей Семёнович Еремеев
Еремеев, Алексей Семёнович.jpg
Шочмо кече 1923 ий 25 сорла(1923-08-25)
Шочмо вер Чыкма, Марий автоном область, СССР
Колымо кече 2003 ий 19 пургыж(2003-02-19) (79 ий)
Колымо вер Подольск, Моско область, Россий
Пурымаш  СССР →  Россий
Войскан родшо артиллерий
Службо жап 1941—1999
Званий
Генерал-майор
Командоватлен 85-ше гвардий лӱйкалыше дивизийын 1688-ше артиллерий полк батарей; 377-ше лӱйкалыше дивизийын 933-шо артиллерий полк штаб
Награде да премий
СССР-ысе кугыжаныш премий — 1978
Чуваш Республик Ядрин олан чапланыше гражданинже (1996)
Моско область Подольск олан чапланыше гражданинже (2001)

Алексей Семёнович Еремеев (25 сорла 1923, Чыкма, Марий автоном область, РСФСР[d], СССР — 19 пургыж 2003, Подольск, Моско область, Россий) ― совет сарзе да аралтыш йӧнозанлык пашаеҥ. Кугу Ачамланде сар ийлаште ― 85-ше гвардий лӱйкалыше дивизийын 1688-ше артиллерий полк батарейын командирже, 377-ше лӱйкалыше дивизийын 933-шо артиллерий полк штабын начальникше. Моско область Подольск электромеханике заводын директоржо, тӱҥ директоржо (1966―1999), генерал-майор-инженер (1973). СССР Кугыжаныш премийын лауреатше (1978). Чуваш Республикысе Ядрин олан чапланыше гражданинже (1996), Моско область Подольск олан чапланыше гражданинже (2001). 1943 ий гыч ВКП(б)-н йыжъеҥже.

Илыш корно

1923 ий сорла тылзын 25-ше кечынже Марий автоном областьын Чыкма олаште шочын. Школым тунем пытарымеке, Озаҥ финанс-экономике институтыш  (руш.) (мар. пурен, но сарлан кӧра тунеммым чарнен[1][2].

1941 ий кылме тылзын Йошкар Армийыш налыныт. Кугу Ачамланде сарын салтакше: 1942 ийыште Пенза артиллерий училищым тунем пытарен, 85-ше гвардий лӱйкалыше дивизийын 1688-ше артиллерий полк батарейын командирже, 377-ше лӱйкалыше дивизийын 933-шо артиллерий полкын штаб начальникше, капитан. 1943 ийыште ВКП(б)-ш пуртеныт. Кугу Ачамланде сарын фронтлаштыже патырлык да лӱддымылыклан Йошкар Тисте (1944), Йошкар Шӱдыр (1944, кум гана) орден-влак, шуко сӧй медаль дене палемдалтын. 1985 ийыште тудлан I степенян Ачамланде сар орденым кучыктымо[2][3][4][5].

Сар деч вара сарзе службеш кодын, 1947 ий шыжа тылзын 20-шо кечынже армий радам гыч демобилизоватлалтын. 1952 ийыште Харьков артиллерий радиотехнике академийым тунем пытарен. 1952 ий гыч Подольск электромеханике заводышто  (руш.) (мар.: Обороно министерствын ӱшанъеҥже, 1966 ий гыч ― директор, 1994―1999 ийлаште ― тӱҥ директор. Завод сар кӱлешлыкан тӱрлӧ техникым ыштен луктын, а 1972 ий гыч — калыкланат сатум ыштен; элыште вияш эфирым эртараш манын «Орбита» системым йӧнештарен шогалтен. Чуваш АССР Ядрин оласе заводын филиалжым почмаште чолган тыршен, тидлан 1996 ийыште ты олан чапланыше гражданинже лийын. 1973 ийыште тудлан генерал-майор-инженер званим пуымо, а 1978 ийыште тудо СССР Кугыжаныш премийын лауреатше лийын. 1976 ийыште Октябрь Революций орден дене палемдыме. Моско область Подольск олан чапланыше гражданинже (2001)[1][2][5].

Подольск оласе Каҥашын депутатшылан шуко гана сайлалтын.

2008 ийыште «Подольск электромеханике. Ийла вошт ончалтыш» («Подольский электромеханический. Взгляд сквозь годы») шарнымаш книган авторжо лийын[1][5][6].

2002 ий пургыж тылзын 19-ше кечынже Моско область Подольск олаште нелын черланен колен, верысе шӱгарлаште тоеныт[2][5].

Шарнымаш

  • 2011 ийыште тудын лӱмжым Моско воктенысе Подольск площадьлан пуымо[2][5].
  • Тыгак Подольск электромеханике заводлан генерал Еремеев площадьыште шарнымаш стелам ышташ темлыме[5].
  • Подольск олан чапланыше гражданинже, генерал А. С. Еремеевым шарныме лӱмеш Кугу Серпухов уремын 42 №-ан пӧртешыже мемориал оҥам вераҥдыме[5].

Чаплӱм да суаптар

Палемдымаш

  1. ↑ 1 2 3 4 5 Энциклопедия | Еремеев Алексей. web.archive.org. Тергыме кече: 4 пургыж 2026.
  2. ↑ 1 2 3 4 5 Илья Митюков. Площадь Генерала Еремеева | Администрация Городского округа Подольск (руш.). Тергыме кече: 4 пургыж 2026.
  3. ↑ Еремеев Алексей Семенович :: Память народа. pamyat-naroda.ru. Тергыме кече: 4 пургыж 2026. Архивлыме 15 ӱярня 2022 ий.
  4. ↑ Еремеев Алексей Семёнович (руш.). Музейный комплекс «Дорога Памяти». Тергыме кече: 4 пургыж 2026.
  5. ↑ 1 2 3 4 5 6 7 8 9 10 :: Космический мемориал :: А.С. Еремеев :: sm.evg-rumjantsev.ru. Тергыме кече: 4 пургыж 2026. Архивлыме 15 ӱярня 2022 ий.
  6. ↑ Алексей Еремеев. Взгляд сквозь годы: к 90-летию предприятия. — Подольск: Информация, 2008. — 287 с. — ISBN 978-5-903676-07-1. Архивысе копий 15 ӱярня 2022 гыч
  7. ↑ Еремеев Алексей Семенович :: Память народа. pamyat-naroda.ru. Тергыме кече: 4 пургыж 2026. Архивлыме 15 ӱярня 2022 ий.
  8. ↑ Подвиг народа. podvignaroda.ru. Тергыме кече: 4 пургыж 2026. Архивлыме 14 вӱдшор 2010 ий.

Литератур

  • Чемеков И. Гори костёр неугасаемый. ― Воронеж, 1970. ― С.99.
  • Шамиев Б. Генерал из Козьмодемьянска // Ленинский путь. ― 1976. ― 11 ноября.
  • Еремеев Алексей Семёнович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 122. — 2032 экз. — ISBN 5-87898-357-0.
  • Еремеев Алексей Семёнович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 354. — 872 с. — 3505 экз. — ISBN 978-5-94950-049-1.
  • Муравьёв Арн. В., Мочаев В. А. Еремеев Алексей Семёнович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 140. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Еремеев,_Алексей_Семёнович&oldid=1234120" гыч налме