Романов, Виталий Иосифович

РУВИКИ-ште тыгай тукымлӱм дене вес еҥ нерген статьям лудаш лиеш: Романов.

Виталий Иосифович Романов
7 Марий АССР-ысе Кӱшыл Каҥаш Президиумын председательже
1979 ий 17 декабрь — 1990 ий 26 апрель
Ончычсо пашаеҥ	Пётр Афанасьевич Алмакаев
Алмаштыше	должностьым ыштыме
Шочын	1931 ий 15 ага(1931-05-15) Кӱшыл Солаволкы, Курыкмарий район, Марий АССР
Колен	1995 ий 27 кылме(1995-11-27) (64 ий) Йошкар-Ола
Партий	КПСС
Награде

Виталий Иосифович Романов (1931 ий 15 май, Курыкмарий кундем, Марий АССР — 1995 ий 27 ноябрь, Йошкар-Ола) — совет озанлык, кугыжаныш да политике пашаеҥ.

Илыш корныжо

1931 ийыште Кӱшыл Солаволкы ялыште шочын. 1958 ий гыч КПСС йыжыҥъеҥ.

1946 ий гыч — озанлык, мер да политике пашаште. 1969 ийыште Чуваш ялозанлык институтым заочно тунем пытарен. 1946—1990 ийлаште — Чыкмасе ялозанлык техникумышто апшат, «Аврора» колхозышто, РККА-ште, Курыкмарий райком ВЛКСМ-ын икымше секретарьже (1957—1959), «Аврора» да «Дружба» колхозлан председательже (1959—1968), Курыкмарий районысо ялозанлык производство управлений вуйлатыше (1968—1970), Курыкмарий райком КПСС-ын икымше секретарьже (1970—1979), Марий АССР-ысе Кӱшыл Каҥаш Президиумын председательже (1979—1990).

РСФСР Кӱшыл Каҥашын 10-шо да 11-ше созыласе депутатшылан сайлалтын. Марий АССР Кӱшыл Каҥашын 6 созывын депутатше (1963—1990).

1979 ийыште Чыкмаште кава йымалсе этнографий тоштерым чоҥымаште тӱҥалтышым ыштен, тудым 1983 ийыште чоҥен шуктымо.

1995 ийыште Йошкар-Олаште колен. Шочмо мландыштыже тойымо.

Еш

Изаже: Валерий Иосифович Романов — юрист, совет да российысе административный паша шотышто специалист.

Шарнымаш

• 2001 ий гыч тудын лӱмжым Чыкмасе кава йымал этнографий тоштер нумалеш.
• Шарнымаш оҥа-влак: Йошкар-Ола, Первомайский урем, 166; Чыкма ола, Юбилейный урем, 11.

Чаплӱм да суаптар-влак

• Ленин орден (1973);
• Паша Йошкар Тисте орден (кок гана);
• Калык-влак Келшымаш орден (1981);
• «Почёт Пале» орден;
• ВДНХ-ан ший медальже (1970);
• Марий АССР Кӱшыл Каҥаш Президиумын Чапкагазше (1981);
• Чыкма олан почётан гражданинже (1983).

Палемдымаш

Литератур

• Деревня Верхние Шелаболки (Кушыл Солаволкы) // Горномарийский район. — Йошкар-Ола, 2006. — С. 276. — 648 с. — (История сёл и деревень Республики Марий Эл). — 750 экз. — ISBN 5-87898-320-6.
• Мочаев В. А. Романов Виталий Иосифович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 304. — 2032 экз. — ISBN 5-87898-357-0.
• Романов Виталий Иосифович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 680. — 872 с. — 3505 экз. — ISBN 978-5-94950-049-1.
• Мочаев В. А. Романов Виталий Иосифович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 367. — 606 с. — 1500 экз. — ISBN 978-5-905314-35-3.

Кылвер-влак

• Виталий Иосифович Романов