Горинов, Трофим Иосифович

РУВИКИ-ште тыгай тукымлӱм дене вес еҥ нерген статьям лудаш лиеш: Горинов.

Трофим Иосифович Горинов
Шочын	13 сорла 1926(1926-08-13) Лажмучаш, Марий автоном область, РСФСР, СССР
Колен	24 кылме 2004(2004-11-24) (78 ий) Йошкар-Ола, Марий Эл Республик, Россий
Партий	Совет Ушем Коммунист партий[d]
Шинчымаш	КПСС ЦК пеленысе Кӱшыл партий школ[d]
Награде

Трофим Иосифович Горинов (13 сорла 1926, Лажмучаш, Марий автоном область, РСФСР, СССР — 24 кылме 2004, Йошкар-Ола, Марий Эл Республик, Россий) — совет кугыжаныш да партий пашаеҥ.

Илыш корныжо

Марий автоном областьын Куженер районысо Лажмучаш ялыште икмарда кресаньык ешеш шочын.

1933 гыч 1937 ий марте Лажмучаш тӱҥалтыш школышто тунемын, 1941 ийыште Йывансола кыдалаш школышто 7 классым тунем пытарен.

КПСС ЦК пеленысе Кӱшыл партий школым тунем пытарен.

1941—1944 ийлаште колхозышто МТС счетоводлан пашам ыштен, 1944 ий гыч — ялсовет комитетын секретарьже, Марий АССР-ысе райсоветын, районысо каҥаш исполнитель комитет председательын алмаштышыже да район каҥашын исполнитель комитетын председательже.

1946 ийыште ВКП(б)-ш пурен, 1955 ийыште КПСС район комитетын 1-ше секретарьже, КПСС ЦК пеленысе партий школын колыштшыжо лийын, 1963 ийыште КПСС Марий комитетын пӧлкажым вуйлатен. 1963—1964 ийлаште КПСС Марий йырвел комитетын да Марий АССР Министр-влак каҥашын партий-кугыжаныш контроль комитетын председательже, тидын дене пырля Марий кундемысе КПСС комитетын секретарьже да Марий АССР министр-влак каҥаш председательын алмаштышыже лийын, 1964—1976 ийлаште — Марий АССР министр-влак каҥашын председательже, а 1976—1988 ийлаште — Марий АССР социал ситарыме шотышто министр.

МАССР Кӱшыл Каҥашын депутатше (1955—1990) (8 созыв), СССР Кӱшыл Каҥашын (1966—1974), (1989—1991), РСФСР Кӱшыл Каҥашын (1975—1980) депутатше. МАССР ветеран-влак ушемын председательже (1986—1991).

2004 ий 24 ноябрьыште Йошкар-Олаште колен.

Суаптар-влак

• 1941-1945 ийласе «Кугу Ачамланде сарыште чолга пашалан» медаль;
• Ленин орден (1965);
• Октябрь Революций орден (1971);
• Паша Йошкар Тисте орден (1975);
• ВДНХ-н шӧртньӧ медальже (1966);
• Марий АССР Кӱшыл Каҥаш Президиумын Чаптаныкше (1951, 1957, 1976, 1986).

Шарнымаш

Т. И. Горинов лӱмеш Куженер районысо Шорсола кыдалаш школышто 2016 ийыште шарныктыш оҥам почыныт.

Палемдымаш

Литератур

• Горинов Трофим Иосифович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 138—139. — 2000 экз. — ISBN 5-87898-197-1.
• Горинов Трофим Иосифович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 309. — 872 с. — 3505 экз. — ISBN 978-5-94950-049-1.
• Мочаев В. А., Айплатов Г. Н. Горинов Трофим Иосифович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 107. — 606 с. — 1500 экз. — ISBN 978-5-905314-35-3.

Кылвер-влак

• Справочник по истории Коммунистической партии и Советского Союза 1898—1991.