Павлов, Георгий Сергеевич

Георгий Сергеевич Павлов
15 КПСС ЦК-н управляющийже
1965 ий декабрь — 1983 ий сентябрь
Ончычсо пашаеҥ	Константин Петрович Черняев
Алмаштыше	Николай Ефимович Кручина
8 КПСС Марий обкомын икымше секретарьже
1957 ий 29 декабрь — 1963 ий 28 ноябрь
Ончычсо пашаеҥ	Алексей Михайлович Спиридонов
Алмаштыше	Пётр Васильевич Ураев
Шочын	22 кылме (5 теле) 1910 ий(1910-12-05) Мариуполь, Екатеринослав губерний, Россий империй
Колен	1991 ий 6 шыжа(1991-10-06) (80 ий) Москва, СССР
Тойымо вер	Новодевичий шӱгарла[d]
Партий	ВКПб → КПСС (1939 гыч)
Награде

Георгий Сергеевич Павлов (22 ноябрь [5 декабрь] 1910, Мариуполь, Екатеринослав губерний, Россий империй — 6 октябрь 1991, Моско, СССР) — совет да партий пашаеҥ, КПСС ЦК 15-ше управляющийже (1965–1983). 1939 ий гыч ВКП (б)-ын, КПСС ЦК-ан (1971–1986) йыжъеҥже, 1961 ий гыч кандидат). СССР Кӱшыл Каҥашын Ушем Каҥашыштыже депутат 5–10 созыв (1958–1984), Социалист Пашан Талешкыже (1980).

КПСС ЦК-н Тӱҥ секретарьже Л. И. Брежневын эн лишыл йолташыжлан шотлалтын. Шке илышыжым шке пытарен, Августысо пудыранчык деч вара (шке пачер тӧрза гыч камвозын).

Илыш корныжо

Украиныште, Екатеринослав губернийысе Мариупольышто шочын. Калыклык шот дене руш. 1930-шо ийлаште Днепропетровск кундемысе Днепродзержинскыште металлургий завод пелен ФЗУ школышто туныктен, ты жапыштак верысе металлургий институтышто (Л. И. Брежев деч ик курслан изирак) тунемын, инженер-металлургын дипломжым налын. Сар тӱҥалме деч ик ий ончыч, кунам тудлан але 30 ият темын огыл, Украинын Днепродзержинск оласе КП(б) комитетыш инструкторлан кусареныт, вара туштак металлургий пӧлкам вуйлаташ тӱҥалын. Орскыш эвакуироватлымеке, верысе ола комитетыште пашам ыштен, Днепродзержинскыш кокымшо секретарь пӧртылын.

1947 ий декабрьыште, Днепродзержинск партийын ола комитетын икымше секретарьже олмо гыч (Днепровскысо КП(б)У обкомын икымше секретарьже Л. И. Брежневын шогалмыж деч ик тылзе эртымеке), тудым ВКП(б) ЦК аппаратышкыже ӱжыктен, тушто ЦК-н кадр управленийын инспекторжылан пеҥгыдемденыт, варарак партий ЦК кышкарысе ик эн кӱлешан ужашыжым — партий, профушем, да комсомол орган-влак пӧлкам вуйлатен.

ЦК аппаратыштыже кок ий наре пашам ыштымек, Г. С. Павлов Магнитогорскыш колталтын, туштыжо «йоҥылыш паша йӧн да илыш-кучыш шала улмылан кӧра» ВКП(б)-н кум секретарьже вигак паша олмыштым йомдареныт. ВКП(б) ЦК секретариатын 1949 ий 12 сентябрьысе темлымашыж дене Магнитогорск ола комитетын икымше секретарьжылан пеҥгыдемдалтын. 1950 ий апрель гыч Челябинскысе ВКП(б) обкомын кокымшо секретарьже. 1951 ий февральыште, ВКП(б) ЦК-се шоя модышлан кӧра, Челябинскысе ВКП(б) обкомын кокымшо секретарь олмыжым йомдарен — амалжылан ачажын, Павлов Сергей Ивановичын, сар жапыште, гитлер оккупаций годым, Мариупольысо ик завод вуйлатышылан пашам ыштымыжым налыныт.

1951 ий мартыште Кострома облисполком председательын алмаштышыже лийын. 1954 ий апрель гыч — КПСС Кострома обком секретарь, талукат ок эрте, 1955 ий тӱҥалтыште, партийын Кострома ола комитетшым вуйлатен. 1956 ий январьыште Кострома партий обкомын кокымшо секретарьжылан пеҥгыдемдыме.

1957 ий декабрьыште КПСС Марий обкомын икымше секретарьжылан пеҥгыдемдыме. Ноябрь 1963 — декабрь 1965 — КПСС ЦК-н партий-кугыжаныш контроль комитетысе пӧлкам да СССР Министр-влак Каҥашым вуйлатыше.

Кӱшыл вуйлатыше-влак коклаште утларак вийым погышо Л. И. Брежнев шке кундемысе айдемым шулдыр йымакыже налын. Брежнев КПСС ЦК икымше секретарь лиймекыже, Павловым пеш палдырнышыжак огыл, но кугу муткучышан аппаратысе олмыш, ЦК пашажым виктарышылан налын, Рӱдӧ Комитет кышкарын йыжъеҥжылан темлен. Тиде олмо гычак, Л. И. Брежневын колымекыже, 1983 ийыште, сулен налме канышыш лектын.

1991 ий 6 октябрьыште шке пачер тӧрзаж гыч тӧрштен.

Суаптарже-влак

• Социалист Пашан Талешкыже (1980 4 декабрь)
• Ленин орден (1980 4 декабрь)
• медаль-влак
• СССР Кугыжаныш премийын лауреатше (1980)

Палемдымаш

Литератур

• Павлов Георгий Сергеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 270. — 2032 экз. — ISBN 5-87898-357-0.
• Павлов Георгий Сергеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 607. — 872 с. — 3505 экз. — ISBN 978-5-94950-049-1.
• Сушков А. В., Михалёв Н. А., Баранов Е. Ю. Расплата за соцпроисхождение: «дело» второго секретаря Челябинского обкома ВКП(б) Г. С. Павлова. 1950—1951 годы // Вестник Челябинского государственного университета. 2013. № 6 (297). История. Вып. 54. — С. 57-71.
• Мочаев В. А. Павлов Георгий Сергеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 325. — 606 с. — 1500 экз. — ISBN 978-5-905314-35-3.

Кылвер-влак

• Павлов Георгий Сергеевич // Справочник по истории Коммунистической партии и Советского Союза 1898—1991