Врублевский, Чеслав Иосифович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Врублевский.
Чеслав Иосифович Врублевский
Врублевский, Чеслав Иосифович.jpg
Флаг
Марий АССР обкомын 1-ше секретарьже
1935 ий 10 январь — 1937 ий ноябрь
Ончычсо пашаеҥ Али Гейдар Ибиш оглы Ширвани (Мустафабеков)
Алмаштыше Зиновий Яковлевич Жаднов
ВКП(б) Кокшар окружкомын муткучышо секретарьже
май — 1930 ий август
Шочын 7 шыжа 1900(1900-10-07)
Рига Россий империй
Колен ага 1986 (85 ий)
Харьков СССР
Партий ВКП(б) 1920 ий гыч

Чеслав Иосифович Врублевский (24 сентябрь [7 октябрь] 1900, Рига, Россий империй — 1986 ий май, Харьков, СССР) — ВКП(б) пашаеҥ, Марий АССР обкомын 1-ше секретарьже. СССР НКВД посна тройкыштыжо шоген.

Илыш корныжо

Чеслав Иосифович Врублевский 1900 ий 7 октябрьыште Ригыште шочын, поляк калык гыч лекше. Граждан сарын участникше. 1918 ий гыч РККА-ште служитла, тыште 1920 ийыште РКП(б)-ш пурен. Умбакыже кӱртньыгорнысо политике пӧлкан секретарьже да вуйлатышыже лийын, а вара угыч 1922 ий марте, Армийыште служиен. Умбакыже илышыже партий, совет да озанлык кышкарысе паша дене кылдалтын.

  • 1922—1929 ийлаште — «Каучук» заводышто РКП(б) ячейкын секретарьже (Моско), Песковысе заводышто РКП(б) ячейкын секретарьже, Омутнинысе укомын ВКП(б) агитаций-пропаганде пӧлкажым вуйлатыше, муткучышо секретарьже (Виче губерний).
  • 1929—1930 ийлаште — ялозанлык пӧлкам вуйлатыше, ВКП(б) Кокшар (Котельнич) окружкомын муткучышо секретарьже.
  • 1930—1934 ийлаште — Кокшар (Котельнич) райком ВКП(б) муткучышо секретарьже (Угарман край), Угарман кундемысе ялозанлык управленийын начальникше, Угарман пайдаланыше общество Ушемын председательже.
  • 1935—1937 ийлаште — Марий автоном областьын ВКП(б) обкомын 1-ше секретарьже, Марий обкомын ВКП(б) 1-ше секретарьже. Тиде жапысе илышыже СССР НКВД посна ыштыме тройко кышкарыште шогымыжо, СССР НКВД 30.07.1937 ийысе 00447 №-ан кӱштыкше дене ыштыме посна тройкышто улмыжо[1] да сталин репрессийыште кумылын тыршымыже дене палемдалтын[2].
  • 1937—1938 ийлаште — «Красная застава» пуда-проволкым, кӱртньӧ кӱмыж-совлам лукшо заводын директорже (Сталинград).

Пытартыш этап

1938 ий 24 июньышто арестоваеныт. 1939 ий 1 сентябрьыште Посна Совещаний дене 8 ийлан Паша дене тӧрлымӧ лагерьыш (ИТЛ-ыш) колтымо. РСФСР УК-ын 58-7, 58-8, 58-11 статья-влак дене титаклыме[3]. Палемдыме жапым шинчымеке, 1946 ий 31 июльышто эрыкыш лектын.

1946—1948 ийлаште Александровск районысо ялозанлык пӧлкан Долгопол участкысе зоотехникше (Владимир кундем).

1948 ий 11 декабрьыште кокымшо гана арестоватлыме. 1949 ий 16 февральыште Посна совещаний дене Красноярск кундемысе ссылкыш колташ пунчалме[4]. 1955 ий июньышто реабилитироватлыме. 1986 ий майыште Харьковышто колен.

Палемдымаш

  1. ↑ Составы троек в 1937−1938 годах // Сайт Nkvd.memo.ru. Тергыме кече: 17 пеледыш 2022. Архивлыме 1 ӱярня 2022 ий.
  2. ↑ Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева Архивысе копий 13 сорла 2017 гыч.
  3. ↑ Чеслав Врублевский // Сайт Nekropole.info Архивысе копий 24 вӱдшор 2017 гыч.
  4. ↑ Врублевский Чеслав Иосифович // Сайт Ru.openlist Архивысе копий 24 вӱдшор 2017 гыч

Литератур

  • Сануков К. Н., Мочаев В. А., Опарина Т. Т., Скоркин К. В., Кутюков В. Г. Врублевский Чеслав Иосифович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 90—91. — 606 с. — 1500 экз. — ISBN 978-5-905314-35-3.
  • Врублевский Чеслав Иосифович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 293. — 872 с. — 3505 экз. — ISBN 978-5-94950-049-1.
  • Политические лидеры Вятского края: биографический справочник / сост. В. С. Жаравин, Е. Н. Чудиновских; под ред. Е. Н. Чудиновских. — Киров: ООО «Лобань», 2009. — 730 с.

Кылвер-влак

"https://mhr.ruwiki.ru/w/index.php?title=Врублевский,_Чеслав_Иосифович&oldid=1195659" гыч налме