Алмакаев, Пётр Афанасьевич

РУВИКИ-ште тыгай тукымлӱм дене вес еҥ нерген статьям лудаш лиеш: Алмакаев.

Пётр Афанасьевич Алмакаев
6 Марий АССР Кӱшыл Каҥаш Президиумын председательже
1968 ий 15 июль — 1979 ий 17 декабрь
Ончычсо пашаеҥ	Иван Романович Москвичёв
Алмаштыше	Виталий Иосифович Романов
КПСС Марий областной комитетын икымше секретарьжын сомылым шуктышо
1967 ий 22 июль — 1967 ий 4 август
Ончычсо пашаеҥ	Пётр Васильевич Ураев
Алмаштыше	Виктор Петрович Никонов
Шочын	1916 ий 20 сорла(1916-08-20) Кӱвервуй ял
Колен	1998 ий 27 ӱярня(1998-03-27) (81 ий) Йошкар-Ола
Партий	КПСС
Награде

Пётр Афанасьевич Алмакаев (1916 ий 20 август, Кӱвервуй ял, Марий АССР — 1998 ий 27 март, Йошкар-Ола) — совет кугыжаныш да политике пашаеҥ, Марий АССР Кӱшыл Каҥаш Президиумын председательже.

Илыш корныжо

Пётр Афанасьевич Алмакаев 1916 ий 20 августышто кызытсе Марий Элын Медведево кундемыштыже Кӱвервуй ялыште шочын. 1939 ий гыч ВКП(б)-ын йыжыҥъеҥже. Марий кӱшыл коммунист ялозанлык школым (1937), Кӱшыл партий школым (1950) тунем пытарен.

1937 ий гыч — мер да политик пашаште. 1937—1979 ийлаште — Сотнур вел ВКП(б) комитетын пӧлка вуйлатышыже, секретарьже, Марий обкомын ялозанлык шотышто секретарьже, Марий кундемысе КПСС комитетын 2-шо секретарьже, Марий АССР Кӱшыл Каҥаш Президиумын председательже.

РСФСР Кӱшыл Каҥашын 6-шо, 7-ше, 8-ше, 9-ше созывласе депутатлан сайлалтын (1963—1980). КПСС-ын XXII—XXV съезд-влакын делегатше (1961, 1966, 1971, 1976).

«Ий да еҥ-влак: шарнымаш да шонкалымаш» книган авторжо (1998).

Йошкар-Оласе Туруново шӱгарлаште Алмакаев Пётр Афанасьевичын шӱгарже

Йошкар-Олаште 1998 ийыште колен.

Суаптарже

• Йошкар Шӱдыр орден (1946);
• Паша Йошкар Тисте орден (1951, 1965, 1975);
• Октябрь Революций орден (1971);
• Марий АССР Кӱшыл Каҥаш Президиумын Чапкагазше (1946, 1957, 1966, 1986).

Шарнымаш

Йошкар-Оласе Советский уремысе 147-ше пӧрт пырдыжыште Марий АССР Кӱшыл Каҥаш Президиумын председательже П. А. Алмакаевлан мемориал оҥа

Йошкар-Олаште П. А. Алмакаевын илыме пӧрт пырдыжыште (Советский урем, 147) шарнымаш оҥам вераҥдыме. Тушто тыге возымо: «Тиде пӧртыштӧ 1963 гыч 1998 ий марте кумдан палыме кугыжаныш да мер пашаеҥ Пётр Афанасьевич Алмакаев илен».

Палемдымаш

Литератур

• А. В. Маслихин. Человек и картины мира: монография. — Йошкар-Ола: МарГУ, 2002. — С. 211. — 478 с.
• Мочаев В. А., Сануков К. Н. Алмакаев Пётр Афанасьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 23. — 2032 экз. — ISBN 5-87898-357-0.
• Алмакаев Пётр Афанасьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 221. — 872 с. — 3505 экз. — ISBN 978-5-94950-049-1.
• Мочаев В. А., Сануков К. Н. Алмакаев Пётр Афанасьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 23. — 606 с. — 1500 экз. — ISBN 978-5-905314-35-3.

Кылвер-влак

• Алмакаев Пётр Афанасьевич // Справочник по истории Коммунистической партии и Советского Союза 1898—1991 (руш.). Тергыме кече: 26 вӱдшор 2020.
• Высшие органы государственной власти Марийской АССР - ССР - Республики Марий Эл // Справочник по истории Коммунистической партии и Советского Союза 1898—1991 (руш.). Тергыме кече: 26 вӱдшор 2020.