Ураев, Пётр Васильевич

РУВИКИ-ште тыгай тукымлӱм дене вес еҥ нерген статьям лудаш лиеш: Ураев.

Пётр Васильевич Ураев
Марий КПСС обкомын икымше секретарьже
1963 ий ноябрь — 1967 ий 22 июль
Алмаштыше	Виктор Петрович Никонов
Шочын	1910 ий 27 пеледыш(1910-06-27) Березина ял, Зубово-Полянский район, Мордовий
Колен	1967 ий 22 сӱрем(1967-07-22) (57 ий) Йошкар-Ола, МАССР
Тойымо вер	Турун шӱгарла[d]
Партий	КПСС
Шинчымаш	КПСС ЦК пеленысе Кӱшыл партий школ[d]
Награде

Пётр Васильевич Ураев (27 пеледыш 1910, Березенка^[d] — 22 сӱрем 1967, Йошкар-Ола) — совет кугыжаныш, партий да мер пашаеҥ. КПСС ЦК-аш кандидат (1966—1967). МАССР, БАССР, СССР Кӱшыл каҥаш-влакын депутатше.

Илыш корныжо

Петр Ураев Угарман губернийыште Березина ял кресаньык ешеш шочын. Руш.

1949 ийыште ВКП(б) ЦК пелен Партийын кӱшыл школжым тунем лектын, 1949—1956 ийлаште КПСС ЦК аппаратыштыже служиен. 1956—1957 ийлаште Татар КПСС обкомын II секретарьже лийын, 1957—1963 ийлаште — Башкир КПСС обкомын II секретарьже. БАССР Кӱшыл Советын 5 ден 6 созывысо депутатшылан сайлалтын.

Марий республикыш, КПСС Марий обкомын I секретарьжылан сайлалтмекыже, 1963 ий ноябрьыште толын. П. В. Ураев жапыште сурткайык ашныме кугу озанлык-влак, емыжым ончен куштышо «Суртовский» совхоз ышталтын.

1965 ийыште Марий АССР-ын Ушемгӧргысӧ соцтаҥасымаште сеҥымашыжлан П. В. Ураевлан КПСС ЦК ден СССР министр-влакын Советыштын куснылшо Йошкар тистым кучыктымо.

П. В. Ураев марий калыкын лӱмжым СССР Кӱшыл советыштыже (1966—1967) арален. Тудо Марий АССР Кӱшыл советшын VI, VII созывыште депутатлан (1964—1967), КПСС-ын ныл съездышкыже делегатлан сайлалтын. КПСС ЦК йыжъеҥжылан кандидат (1966—1967).

1967 ий 22 июльышто колен, Йошкар-Оласе Турново шӱгарлаште тойымо.

Награде

• Ленин орден (1965)
• Пашан Йошкар Тисте орденже
• I степенян Ачамланде сар орден
• «Паша патырлыклан» медаль
• ВДНХ-ан шӧртньӧ медальже (1966)

Шарнымаш

1995 ий гыч Йошкар-Олан ик бульваржылан П. В. Ураевын лӱмжым пуымо.

Палемдымаш

Литератур

• Ураев Пётр Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 773. — 872 с. — 3505 экз. — ISBN 978-5-94950-049-1.
• Мочаев В. А. Ураев Пётр Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 454. — 606 с. — 1500 экз. — ISBN 978-5-905314-35-3.