Киреев, Гавриил Яковлевич

РУВИКИ — эрыкан энциклопедий гыч материал
Гавриил Яковлевич Киреев
Киреев, Гавриил Яковлевич.jpg
Шочмо кече 8 ӱярня 1891(1891-03-08)
Шочмо вер
Колымо кече 25 кылме 1960(1960-11-25) (69 ий)
Колымо вер
Гражданлык  Россий империй →  СССР
Награде да премий

Орден Красного Знамени  — 1921 Орден Красного Знамени  — 1922 Ленин орден — 1952 Орден «Знак Почёта»  — 1945 SU Medal For Valiant Labour in the Great Patriotic War 1941-1945 ribbon.svg

Гаврии́л Я́ковлевич Кирéев (8 ӱярня 1891, Арде, Чыкма уезд, Озаҥ губерний, Россий империй — 25 кылме 1960, Дубовский, Килемар кундем, Марий Автоном Совет Социализм Республик, РСФСР[d], СССР) — совет сарзе пашаеҥ. Икымше тӱнямбал сарын салтакше. Граждан сар жапыште — 11-ше Петроград лӱйкалыше дивизийын 1-ше куштылго артиллерий дивизион взводын да батарейын командирже. Кок гана Йошкар Тисте орденын (1921, 1922) да Ленин орденын (1952) кавалерже.

Илыш корныжо

1891 ий 8 мартыште кызытсе Марий Элын Килемар районысо Арде ялысе йорло кресаньык ешеш шочын[1][2][3].

1912 ийыште Руш император армийыш налме. Икымше тӱнямбал сарын  (руш.) (мар. салтакше, фельдфебель. 1918 ий октябрь тылзын РККА-ш налме. Граждан сарын салтакше: 11-ше Петроград лӱйкалыше дивизийын 1-ше куштылго артиллерий дивизионысе взводын да батарейын командирже. Белоруссий ден Польшо кумдыкласе кредалмашлаште ойыртемалтын. Йошкар Тисте орден дене палемдаш темлымаште возымо[4]: «Ободовцы фольварк воктен лӱйкалыше полкын чакнымыж годым пушкым ончыко луктын да, тушманын пеш виян тулжым ончыде, тудын ваштареш лӱйкалаш тӱҥалын, тидын дене толын шогышо имнешке-влак полклан ончык лекташ полшен. Тыге, тушман шеҥгеке чакнен, кум пушкым коден, 250 еҥым пленыш налме». 1921 ийыште сар службо гыч кораҥын[1][2].

1921 ий гыч Марий автоном областьысе Волжский районышто: леспромхозын лувуйжо, чодырам волтымашын вуйлатышыже. Ленин орден, «Почёт Пале» орден, медаль-влак да кок гана — Марий АССР Кӱшыл Каҥаш Президиумын чаптаныкше дене суапландаралтын[1][2].

1960 ий 25 ноябрьыште Марий АССР Килемар районысо Дубовая станцийыште колен. Килемар районысо Арде ял шӱгарлаште тойымо[1][2].

Суаптар-влак

Шарнымаш

  • Г. Я. Киреевын лӱмжым Марий Элын Килемар районысо Визымъер посёлкысо площадь нумалеш[1][2][5].
  • Тудын лӱмжым Марий Элын Килемар районысо Арде ялысе ик уремлан пуымо[1][2].

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 198.
  2. ↑ 1 2 3 4 5 6 7 8 9 10 Энциклопедия Республики Марий Эл, 2009, с. 427.
  3. ↑ Арда (Церкысола) | Родная Вятка. rodnaya-vyatka.ru. Тергыме кече: 20 шорыкйол 2026. Архивлыме 12 идым 2021 ий.
  4. ↑ 1 2 Списки лиц, награжденных орденом "Красное Знамя Р.С.Ф.С.Р.". kdkv.narod.ru. Тергыме кече: 20 шорыкйол 2026. Архивлыме 26 пеледыш 2012 ий.
  5. ↑ Улица Киреева на карте села Арды Килемарского района в Марий Эл с номерами домов (руш.). mapdata.ru. Тергыме кече: 20 шорыкйол 2026. Архивлыме 5 шыжа 2022 ий.

Литератур

  • Киреев Гавриил Яковлевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 168. — 2032 экз. — ISBN 5-87898-357-0.
  • Киреев Гавриил Яковлевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 427. — 872 с. — 3505 экз. — ISBN 978-5-94950-049-1.
  • Алатайкина Н. И., Колесников А. Ю. Киреев Гавриил Яковлевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 198. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Киреев,_Гавриил_Яковлевич&oldid=1234066" гыч налме