Николаев, Виктор Леонидович
| Виктор Леонидович Николаев | |
|---|---|
 | |
| Шочмо кече | 9 теле 1952 (73 ий) |
| Шочмо вер | |
| Эл | |
Ви́ктор Леони́дович Никола́ев (шоч. 9 теле 1952, Ӱлыл Шеҥше, Марий Автоном Совет Социализм Республик) — российысе тӱвыра пашаеҥ, административ вуйлатыше, мер пашаеҥ. «Российысе кугыжаныш академический камерный «Вивальди-оркестр» федерал тӱвыра тӧнежын директоржо (2012 ий гыч)[1].
Илыш корныжо
1952 ий 9 декабрьыште Марий АССР-ысе Морко район Ӱлыл Шеҥше ялеш шочын[2].
Тунеммаш
1971 ийыште Марий республикысе тӱвыра-сотемдарыше училищым, кызыт И. С. Палантай лӱмеш Марий республикысе тӱвыра да сымыктыш колледжым, тунем лектын[2].
Кӱшыл шинчымашым 1975 ийыште Н. К. Крупская лӱмеш кугыжаныш тӱвыра институтышто (кызыт — Санкт-Петербургысо кугыжаныш тӱвыра институт) налын[2].
1981 ийыште Марий совхоз-техникумым, кызыт — Марий кугыжаныш университетын Марий аграрный колледжшым заочнын тунем лектын[2].
1985 ий — Горький область кокласе кӱшыл партий школым, кызыт — Угарманысе виктарыме институтым тунем лектын[2].
Паша корныжо
1975 ий гыч Марий АССР Килемар районышто пашам ыштен: оркестр вуйлатыше, районысо ВЛКСМ комитетын секретарьже, районысо КПСС комитетын пӧлка вуйлатышыже, районысо КПСС комитетын секретарьже[2].
1985 ий гыч — Марий АССР-ысе КПСС комитетын (КПСС обком) пашаеҥже[3].
1987 ий гыч — Марий АССР-ысе тӱвыра министрын икымше алмаштышыже[3].
1992 гыч 1997 ий марте — Марий Эл Республикын тӱвыра министрже.
1997 гыч 2002 ий марте — М. Шкетан лӱмеш Марий калыкле драме театрын директоржо.
2003 ий гыч Москош куснен да Тула областьыште кугу ялозанлык фирмым вуйлаташ тӱҥалын[2].
2012 ий гыч — "Российысе кугыжаныш академический камерный «Вивальди-оркестр» федерал тӱвыра тӧнежын директоржо[3][1].
Мер да политике паша
1993 ийыште РСФСР Кӱшыл Каҥашын депутатшылан сайлалтын[2].
2000 гыч 2004 ий марте — Оньыжа, Марий Мер Каҥашын Председательже, 2002 ийыште марий калыкын 6-шо черетдыме Погынжым чумырен да эртарен[3].
2002—2003 ийлаште — «Россий Федерацийын калыкле-патырлык вийже-влак» политике партийын Марий Элысе пӧлкажым вуйлатышыже[2].
Палемдымаш
Литератур
- Мочаев В. А. Николаев Виктор Леонидович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 307. — 606 с. — 1500 экз. — ISBN 978-5-905314-35-3.
- Теле тылзын 9 кечынже шочшо-влак
- 1952 ийыште шочшо-влак
- Морко районышто шочшо-влак
- Алфавит почеш персоналий-влак
- И. С. Палантай лӱмеш тӱвыра да сымыктыш колледжым тунем лекше-влак
- Санкт-Петербургысо тӱвыра институтым тунем лекше-влак
- Угарманысе виктем институтым тунем лекше-влак
- РСФСР Кӱшыл Каҥашын депутат-влакше