Чернышенко, Дмитрий Николаевич

РУВИКИ — эрыкан энциклопедий гыч материал
Дмитрий Николаевич Чернышенко
Dmitry Chernyshenko official portrait (government.ru).jpg
Флаг
Россий Федераций правительстве председательын алмаштышыже
Флаг
21 января 2020
(с. ш. 7—13 мая 2024)
Виктер вуйлатыше Михаил Мишустин
Андрей Белоусов (с. ш.)
Михаил Мишустин
Президент Владимир Путин
Шочын 20 идым 1968(1968-09-20) (57 ий)
Шинчымаш
Награде
Сайт government.ru
Логотип РУВИКИ.Медиа РУВИКИ.Медиаште медиафайл-влак

Дмитрий Николаевич Чернышенко (шоч. 20 идым 1968, Саратов) — Российысе кугыжаныш деятель, 2020 ий 21 январь гыч Россий Федераций правительстве председательын цифран экономике да инноваций, кыл, СМИ, тыгак культур, туризм да спорт шотышто алмаштышыже[1][2]. 2021 ий 19 июль гыч Юлкундем федерал округышто куратор[3].

2007-2014 ийлаште — Сочиште XXII телымсе Олимпиаде модмашын да 2014 ийысе XI теле Паралимпий модмашын Организационный комитетыштын президентше. 2014 ий 28 ноябрь гыч — президент, Континентысе хоккей лигын президентше, правлений председательже. «Газпром-медиа Холдингын» генеральный директоржо да правлений председательже. 2018 ий 20 октябрь гыч тыгак «ГПМ Модыктарыше ТВ» субхолдингым вуйлата[4][5].

2019 ийыште Чернышенко кокымшо гана почела Variety500-ыш — Variety американ савыктышын ямдылыме тӱнясе эн ӱнар шӱкалтышан 500 медиаперсоно спискыш — пурен[6].

Биографий

МОК-ын 119-ше сессийжым почмо церемонийыште. Россий президент деч шола велне В. А. Фетисов, пурла велне — И. К. Роднина да Д. Н. Чернышенко
Гватемал, 2007 ий 3 июль
Дмитрий Чернышенко Мӱндыр Эрвелыш паша дене коштмыжо годым, 2021 ий

Дмитрий Чернышенко 1968 ий 20 сентябрьыште Саратовышто шочын. Майкопышто да Сочиште кушкын[5][7].

«Станкин» Моско кугыжаныш технологий университетым «автоматизироватлыман проектироватлыме системе» (САПР) специальность дене тунем пытарен, инженер-системотехник квалификацийым налын. «Станиныште» тунемме жапыште МММ-ын рекламе роликшылан ыштыме графикым сӱретлен, тудлан 1500 доллар кугытан шкенжын икымше гонораржым налын[8][5].

1989—1991 ийлаште Чернышенко Copris&M Co («Коприс-энд-м ко») пырля улшо телекоммуникаций компанийыште программистлан пашам ыштен.

1989 ийыште «Станкин» МГТУ гыч ик курсышто тунемше-влак дене пырля Чернышенко «Информатике Маркетинг Сервис» (ИМС) компанийым — СССР-ыште компьютер графикан икымше студий-влак кокла гыч иктыжым — почын. 1991—1992 ийлаште ИМС компанийын генеральный директоржын алмаштышыже должностьышто лийын.

1992 гыч 1994 ий йотке — СФТ рекламе агентствын директоржо (ИМС изи предприятий СФТ («СФТ-Рекламе») рекламе агентстве марте шарлен.

1993 ийыште Чернышенко Media Arts рекламе агентствын пырля почшыжо лийын, тудым ИМС негызеш ыштыме, вашке тудо Media Arts Group рекламе холдинг статусым налын. 1994 ийыште Media Arts Group-ын творческий директоржо, 1996 ийыште вице-президент должностьым айлен[8].

1998—2002 ийлаште Чернышенко «ДТВ-МА» телевизионный производственный студийын генеральный директоржо лийын, тудыжо Media Arts Group холдингын рекламе ролик-влакым войзымо пашам шуктышо D’Arсy TV («Д’Арси ТелеВижн») компанийым налмыже дене шочын. «ДТВ-МА»-н клиентше-влак вӱдышӧ тӱнямбал бренд ден рекламе агентстве-влак лийыныт. Студийын сеҥымашыштыже Российысе да тӱнямбал фестиваль-влакын 30 утла наградышт лийын[9].

2002 ийыште Чернышенко Media Arts Group-ын кугурак вице-президентше лийын да холдинг кӧргыштӧ спорт маркетинг сферысе пашам шукташ ыштыме Sportima компанийым вуйлатен[8].

2005 ий ноябрьыште Чернышенко «Сочи-2014» йодмашым пуышо комитетын генеральный директоржо лийын да Сочиште Олимпий ден Паралимпий модмашым эртараш праваж верч кампанийым вуйлаташ тӱҥалын[10].

2007 гыч 2014 ий йотке Сочиште XXII телымсе Олимпиаде модмашын да 2014 ийысе XI теле Паралимпий модмашын Организационный комитетыштын президентше лийын[11][5].

2007 ий 26 сентябрь гыч Чернышенко — Россий Федераций президент пелен капкультур ден спортым, кӱшыл сеҥымашан спортым вияҥдыме, Сочи олаште 2014 ийысе XXII теле Олимпий модмашым да XI Паралимпий модмашым ямдылыме да эртарыме шотышто Каҥаш президиумын членже[12]. Член улмыжо годым икымше ийынже (2007 ий 26 сентябрь гыч 2008 ий 5 сентябрь йотке) Каҥаш секретарьын постшым айлен[5].

2007 ий 12 ноябрь гыч — «Олимпчоҥымаш» ГК-н эскерыше каҥаш председательын алмаштышыже[13].

2014 ий октябрь гыч декабрь йотке Чернышенко амалколче Геннадий Тимченкон активше-влакым виктарыше Volga Group инвестиций компанийым вуйлатен[14].

2014 ий 28 ноябрь гыч Чернышенко — Континентысе хоккей лигын президентше да правлений председательже[15].

2014 ий 23 декабрь гыч — Российысе Хоккей федерацийын каҥаш членже.

2015 ий 13 январь гыч Чернышенко — «Газпром-Медиа Холдингын» генеральный директоржо да правлений председательже[16][5].

2016 ий гыч — Калыкле рекламе алянсын директоржо-влак каҥашын председательже[17]. «Российысе кӱртньыгорно» ОАО-н директоржо-влак каҥашын членже[18].

2020 ий 21 январь гыч Чернышенком Россий Федераций правительстве председательын цифран экономике да инноваций, кыл да СМИ, тыгак культур, туризм да спорт шотышто йодышла дене алмаштышыжлан шогалтыме[19]. «Цифран экономике», «Культур», тыгак «Демографий» нацпроектын «Спорт — илыш нормо» федерал проектым илышыш шыҥдарыме йодышлам эскера. Тыгак тудын вӱдымаштыже СМИ ден инноваций паша сферыште геополитик, кыл сферыште акым (тарифым) кугыжаныш могырым тӧрлен шогымо да IT ден кыл аланыште кугыжаныш программым шыҥдарыме йодыш-влак улыт. Тылеч посна, Чернышенко посна кӱлешан спорт мероприятийлам эртарымылан да религий организаций-влак дене кылым кучымылан вуйын шога[1].

2024 ий 11 майыште Михаил Мишустин Кугыжаныш думылан ончашыже правительствын у составшым пуэн, Чернышенкон кандидатуржым вице-премьер должностьыш темлен[20]. 13 майыште Кугыжаныш думо тудым тиде постыш пеҥгыдемден[21]. 14 майыште РФ президент пашаш шогалтыме нерген указеш кидпалым пыштен[22][5].

Чернышенко тыгай пашалан вуйын шога: тӱшка да кыдалаш профессионал тунеммаш, самырык-влак шотышто политике. Тудо умбакыже эскерен шога: инноваций пашам, искусственный интеллект аланыште шанче шымлымашлан полшымым. Чернышенко тыгай калыкле проект-влакым ямдылымаште, илышыш пуртымаште да терген шогымаште пашам ышта: «Науко ден университет-влак», «Туныктымаш», «Туризм да унам вашлиймаш». Тыгай министерстве ден ведомство-влакым эскерен шога:

  • Минобрнауко;
  • Минпросвещений;
  • Минспорт;
  • Мичоҥымаш («Туризм да унам вашлийме индустрий» калыкле проектын мероприятийже-влак);
  • Минэкономвияҥмаш (туризм аланыште кугыжаныш политикым шуктымаш);
  • Минцифр (тӱшка коммуникаций да тӱшка увер йӧн-влак аланыште кугыжаныш политикым шуктымаш);
  • Самырык-влакын пашашт шотышто федерал агентстве;
  • Калык-влакын пашашт шотышто федерал агентстве (религий организаций-влак дене кылым кучымо йодыш-влак ужашыште);
  • Туныктымаш да шанче аланыште эскерыме шотышто федерал службо[23].

2024 ий 23 сентябрьыште Чернышенком «Интернетым вияҥдыме институт» АНО-н эскерыше каҥашыште Россий Федерацийын ӱшанъеҥжылан шогалта[24].

2025 ий 11 февральыште РФ виктер Чернышенком «Физический культур да спортым вияҥдымаш» кугыжаныш программым илышыш пуртымо шотышто комиссийын председательжылан пеҥгыдемден[25].

2025 ий 15 майыште РФ президентын указше почеш Россий шанче академийын попечительский каҥашышкыже пуртымо[26].

Чернышенко англичан йылмым пала[5].

Еш

Дмитрий Чернышенко ватан, кок ӱдыржӧ уло. Курык ече да сӧйлык сымыктышлан шӱман[5].

Санкций-влак

Украиныште сар паша тӱҥалме деч вара Чернышенко Евроушемын, Великобританийын, США-н, Швейцарийын, У Зеландийын санкцийышт йымалне улеш.

Награде да сеҥымаш-влак

«Ачамланде ончылно суаплан» II степенян орден дене суапландарымаш. 2014 ий 24 март
  • «Ачамланде ончылно суаплан» II степенян орден (2014 ий 24 март) — Сочиште 2014 ийысе XXII Олимпий ден XI Парлимпий теле модмашым ямдылыме да эртарыме пашам вораҥдарымашке кугу надырлан Российын сборный командыже-влакын сайын выступатлашышт йӧным ыштымылан[27];
  • Почёт орден (2007 ий 6 август) — 2014 ийыште XXII теле Олимпий ден XI Паралимпий модмашым эртараш правалан Сочи олан йодмашыжлан сеҥашыже йӧным ыштымие шотышто пашаште чолган тыршымылан[28];
  • Келшымаш орден (2019 ий 23 май)[29];
  • Россий Федераций президентын таумутшо (2018 ий 30 май) — Россий обществын мер-политике илышыштыже чолган тыршымылан[30];
  • «Российын спорт шӱдыр-влак» калыкле премийын лауреатше (2008 ий)[31].
конфессий-влакын
  • II степенян Шнуй благоверный князь Александр Невский орден (2021 ий 6 декабрь) — благоверный князь Александр Невскийын шочмыжлан 800 ий темме кечым палемдыме шотышто лӱмгечылык пайрмым эртарыме полыш ден пашалан тӱткыш дене[32];
  • II степенян преподобный Сергий Радонежский орден (2014 ий 28 август) — Руш Православий черкылан полыш дек тӱткыш дене[33];
  • III степенян преподобный Сергий Радонежский орден (2006 ий 30 январь)[34].
спортлык-влак
  • Шӧртньӧ Олимпий орден (2014 ий)[35].

Примечания

  1. ↑ 1 2 Мишустин распределил обязанности между своими заместителями (руш.). РИА Новости (28 шорыкйол 2020). Тергыме кече: 21 идым 2025. Архивлыме 30 ӱярня 2020 ий.
  2. ↑ Правительство России переходит в статус и.о. до назначения нового состава (руш.). TACC. Тергыме кече: 21 идым 2025.
  3. ↑ Михаил Мишустин назначил кураторов федеральных округов. Тергыме кече: 21 идым 2025. Архивлыме 19 сӱрем 2021 ий.
  4. ↑ «Газпром-медиа» сменил руководство развлекательного субхолдинга // Коммерсантъ. Архивлыме 11 шыжа 2018 ий.
  5. ↑ 1 2 3 4 5 6 7 8 9 Чернышенко, Дмитрий Николаевич, <https://tass.ru/encyclopedia/person/chernyshenko-dmitriy-nikolaevich>. Тергыме: 21 идым 2025. 
  6. ↑ viapiuser. Dmitry Chernyshenko (англ.). Variety (28 сорла 2018). Тергыме кече: 21 идым 2025. Архивлыме 13 сорла 2019 ий.
  7. ↑ Как сбывались мечты главы "Газпром-Медиа" Дмитрия Чернышенко | Собеседник.ру (руш.). web.archive.org. Тергыме кече: 21 идым 2025.
  8. ↑ 1 2 3 Ведомости. «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru (25 шыжа 2007). Тергыме кече: 21 идым 2025.
  9. ↑ Визитка компании DTV-MA - Sostav.ru. www.sostav.ru. Тергыме кече: 21 идым 2025.
  10. ↑ Ярослав Коробатов | Сайт «Комсомольской правды». Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет (руш.). KP.RU - сайт «Комсомольской правды» (10 идым 2007). Тергыме кече: 21 идым 2025.
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. Тергыме кече: 21 идым 2025.
  12. ↑ Указ Президента Российской Федерации от 05.09.2008 г. № 1311 (руш.). Президент России. Тергыме кече: 21 идым 2025.
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru. Тергыме кече: 21 идым 2025. Архивировано из оригинала 23 пургыж 2014 ий.
  14. ↑ Кирилл Мельников, Анна Афанасьева. Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ (6 шыжа 2014).
  15. ↑ Совет Директоров КХЛ избрал Дмитрия Чернышенко новым Президентом лиги: Новости, <http://www.khl.ru/news/2014/11/28/230906.html>. Тергыме: 21 идым 2025. 
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг» (руш.). www.gazprom.ru. Тергыме кече: 21 идым 2025.
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. Тергыме кече: 21 идым 2025.
  18. ↑ Структура | Компания (руш.). web.archive.org. Тергыме кече: 21 идым 2025.
  19. ↑ Дмитрий Николаевич Чернышенко - Правительство России. government.ru. Тергыме кече: 21 идым 2025.
  20. ↑ О чем говорит новая конфигурация российского правительства. РБК (11 ага 2024). Тергыме кече: 21 идым 2025.
  21. ↑ Госдума утвердила Чернышенко заместителем председателя правительства. РИА Новости (13 ага 2023). Тергыме кече: 21 идым 2025.
  22. ↑ Президент подписал указы о назначении членов Правительства Российской Федерации и директоров служб. kremlin.ru (14 ага 2024). Тергыме кече: 21 идым 2025.
  23. ↑ Михаил Мишустин утвердил распределение обязанностей между вице-премьерами. government.ru (17 ага 2024). Тергыме кече: 21 идым 2025.
  24. ↑ Чернышенко назначили представителем РФ в набсовете Института развития интернета, 2024-09-23, <https://tass.ru/obschestvo/21936721>. Тергыме: 21 идым 2025. 
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов (руш.). publication.pravo.gov.ru. Тергыме кече: 21 идым 2025.
  26. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Тергыме кече: 21 идым 2025.
  27. ↑ Награждённые государственными наградами Российской Федерации, <http://news.kremlin.ru/ref_notes/1624>. Тергыме: 21 идым 2025. 
  28. ↑ Фонд поддержки олимпийцев России. www.olympians.ru. Тергыме кече: 21 идым 2025.
  29. ↑ Алексей Прокин. Владимир Путин вручил государственные награды в Кремле (руш.). НТВ. Тергыме кече: 21 идым 2025.
  30. ↑ Распоряжение Президента Российской Федерации от 30.05.2018 № 131-рп ∙ Официальное опубликование правовых актов (руш.). publication.pravo.gov.ru. Тергыме кече: 21 идым 2025.
  31. ↑ В Сочи прошло вручение премии «Спортивные звезды России» (руш.). Газета.Ru. Тергыме кече: 21 идым 2025.
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве. Патриархия.ru (6 теле 2021). Тергыме кече: 21 идым 2025.
  33. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля. Патриархия.ru (28 сорла 2014). Тергыме кече: 21 идым 2025.
  34. ↑ Биография Дмитрия Чернышенко, 20.09.2023, <https://ria.ru/20230920/chernyshenko-1896957530.html>. Тергыме: 21 идым 2025. 
  35. ↑ IOC President says Thank You to Sochi, 2022-02-28, <https://web.archive.org/web/20220228160837/https://www.olympics.com/ioc/news/ioc-president-says-thank-you-to-sochi/226246>. Тергыме: 21 идым 2025. 

Ссылки

"https://mhr.ruwiki.ru/w/index.php?title=Чернышенко,_Дмитрий_Николаевич&oldid=1231294" гыч налме