Микеркин, Иван Никонорович

РУВИКИ — эрыкан энциклопедий гыч материал
Иван Никонорович Микеркин
Микеркин, Иван Никонорович.jpg
Шочмо кече ӱярня 1898
Шочмо вер Ӱл Солаволкы, Чыкма уезд, Озаҥ губерний, Россий империй
Колымо кече 1943 ий 1 ӱярня(1943-03-01)
Колымо вер Андреевка, Балаклея район, Харьков область, Украин ССР
Гражданстве  Россий империй →  СССР
Паша колхоз председатель
Партий ВКП(б)-КПСС
Тӱҥ идей коммунизм
Суаптар Марий АССР Кӱшыл Каҥаш Президиумын Чаптаныкше (1941)

Иван Никонорович Микеркин (ӱярня 1898, Ӱлыл Солаволкы, Чыкма уезд, Озаҥ губерний, Россий империй — 1 ӱярня 1943, Андреевка[d], Балаклея район[d], Харьков вел, Украин ССР[d], СССР) — совет кугыжаныш да озанлык пашаеҥ. 1939 ий гыч ВКП(б) йыжъеҥ. СССР Кӱшыл Каҥашын 1-ше созывысе депутатше (1937 ий гыч). Совет-влакын 8-ше Пӱтынь Совет Ушемысе (1936) да 17-ше Пӱтынь Российысе (1937) чрезвычайный погыныштын делегатше. Кугу Ачамланде сарын салтакше.

Илыш корныжо

1898 ийыште кызытсе Марий Эл Курыкмарий район Ӱл Солаволкы ялысе кресаньык ешеш шочын[1][2].

Чыкмасе питомникыште пашам ыштен, армийыште служитлен, 1932 ийыште колхозыш пурен. 1934 ий гыч — Курыкмарий район Ӱл Солаволкы ялысе «Аврора» колхозын председательже[1]. Тудын годым озанлык Марий автоном областьыште ик эн ончыл радамыш лектын[2].

Совет-влакын 3 чрезвычайный погыныштышт делегатлан сайлалтын: 8-ше пӱтынь ушемысе (1936), 17-ше пӱтынь российысе, 11-ше Марий погынышто (1937)[1].

1937 ий гыч СССР Кӱшыл Каҥашын 1-ше созывысе депутатше  (руш.) (мар. лийын. 1936 ийысе СССР Конституцийым ямдылыше редакций комиссийын йыжъеҥже[1].

Фронтыш кайыме марте Марий АССР-ысе Курыкмарий район исполкомын председательже лийын. Марий АССР Кӱшыл Каҥаш Президиумын Чаптаныкше дене суапландаралтын[1].

1942 ий сентябрьыште шке кумылын фронтыш каен. Кугу Ачамланде сарын салтакше: 267-ше лӱйкалыше дивизийын 846-шо лӱйкалыше полкын клат вуйлатышыже, сержант. Ик кредалмаш деч вара сусырген колен. Украин ССР Харьков кундем Балаклея районысо Андреевка ял воктене тойымо[1][3].

Суаптар

  • Марий АССР Кӱшыл Каҥаш Президиумын Чаптаныкше (1941)[1]

Шарнымаш

  • Кугу Ачамланде сарын салтакше И. Н. Микеркинын лӱмжым Украинысе Харьков кундем Балаклея районысо Андреевка ялысе Палыдыме салтак чапкӱын мемориал оҥаштыже курымешлен серен кодымо.
  • 1965 ийыште Марий АССР Курыкмарий район Ӱл Солаволкы ялеш Кугу Ачамланде сарыште колышо родо-влаклан шарнымаш обелискым шогалтыме, тушто верысе «Аврора» колхоз председатель, СССР Кӱшыл Каҥашын депутатше И. Н. Микеркинын лӱмжӧ возалтын[2].

Палемдымаш

  1. ↑ 1 2 3 4 5 6 7 Мочаев, 2017, с. 279.
  2. ↑ 1 2 3 Информационный ресурс Республики Марий Эл "12rus.ru" :: Горномарийский район. www.12rus.ru. Тергыме кече: 22 пургыж 2026.
  3. ↑ Микеркин Иван Никонорович :: Память народа. pamyat-naroda.ru. Тергыме кече: 22 пургыж 2026.

Литератур

  • Они защищали Родину: вспомним их поимённо: Горномарийский район, г. Козьмодемьянск / Республика Марий Эл, Администрация Горномарийского района, Администрация г. Козьмодемьянска; [редкол.: Поздеева Н. А. (рук.) и др.]. ― Чебоксары: ИПК «Чувашия», 2005. ― 607 с., [32] л. ил., портр..; ISBN 5-86765-297-1.
  • Краснов П. В., Смирнов А. Ф. Микеркин Иван Никонорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 234. — 2032 экз. — ISBN 5-87898-357-0.
  • Краснов П. В., Смирнов А. Ф., Юадаров К. Г. Микеркин Иван Никонорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 279. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Микеркин,_Иван_Никонорович&oldid=1211209" гыч налме