Айглова, Йылдыр Изерговна

РУВИКИ — эрыкан энциклопедий гыч материал
Йылдыр Изерговна Айглова
Айглова, Йылдыр Изерговна.jpg
Шочмо кече 1922 ий 19 теле(1922-12-19)
Шочмо вер Ӱлыл Турек, Марий Турек район, Марий автоном область, РСФСР, СССР
Колымо кече 1946 ий 1 ӱярня(1946-03-01) (23 ий)
Колымо вер Рассказово, Тамбов кундем, РСФСР, СССР
Гражданлык  СССР
Паша сомыл Медшӱжар
Награде да премий

Орден Красного Знамени  — 1944 Орден Красной Звезды  — 1945 Медаль «За отвагу» (СССР) — 1944 Медаль «За победу над Германией в Великой Отечественной войне 1941—1945 гг.»

Йылдыр Изерговна Айглова (19 теле 1922, Ӱлыл Турек, Марий автоном область — 1 ӱярня 1946, Рассказово[d], Тамбов область) — совет медшӱжар. Кугу Ачамланде сар жапыште — Касвел, 1-ше, 2-шо Белорус фронтлаште Лозовскысо 38 гвардиян Йошкар Тистан стрелок-влак дивизийысе 113 гвардиян стрелок-влак полкысо автоматчик-влак ротын санинструкторжо, эмлыше службын гвардий старшинаже. Марий ӱдыр-влак кокла гыч эн ончыч Йошкар Тисте орденым сулен. ВЛКСМ йыжъеҥ.

Илыш корныжо

1922 ий 19 декабрьыште Ӱлыл Турек ялыште, кызыт Марий Элын Марий Турек велже, кресаньык ешеш шочын[1][2].

Кыдалаш шинчымашым налын, 6 классым тунем пытарен. Кугу Ачамланде сар тӱҥалме деч ончыч колхозышто ветеринарлан, Марий Турек нӧшмӧ лабораторийыште учётчиклан тыршен[1][3].

Сар тӱҥалме деч ончыч Марий Турек район эмлымверыште медицине шӱжарже-влакым ямдылыме курсым тунем лектын, ВЛКСМ-ыш пурен. Кугу Ачамланде сарыште лийын: 1942 ийыште шке кумылын фронтыш каен, Белорус фронтыш колталтын. Касвел, 1-ше, 2-шо Белорус фронтлаште Лозовскысо 38 гвардиян Йошкар Тистан стрелок-влак дивизийысе, 113 гвардиян стрелок-влак полкысо автоматчик-влак ротын санинструкторжо, эмлыше службын гвардий старшинаже. Полкышто да сар операцийлаште лиймыж годым 54 сусыр салтак ден офицер-шамычым саргуралышт дене пырля кредалме пасу гыч луктын, нунылан верыштак икымше медицине полышым пуэн, ныл кече жапыште гына 150 утла сусырым пӱтырен кылден. Фронтын эре ончыл верыштыже лийын, ик гана огыл сусырген, контузитлалтын. Сусырлан кӧра, Тамбов кундемысе Рассказово оласе госпитальыште 1946 ий 1 мартыште колен[1][3][4][5][6].

Йошкар Знамя, Йошкар Шӱдыр орден да медаль-влак дене суапландарыме, ты шотыштак «За отвагу» медальже лийын[1][3][4][6].

Суаптарже-влак

  • Йошкар Тисте орден (30.09.1944)[7]
  • Йошкар Шӱдыр орден (31.03.1945)[8]
  • «За отвагу» медаль (27.03.1944)[9]
  • «1941—1945-ше ийласе Кугу Ачамланде сарыште Германийым сеҥымылан» медаль[4]

Шарнымаш

  • 2022 ий 19 декабрьыште Йылдыр Айглован 100 ияш лӱмгечыж вашеш Ӱлыл Турек ялысе шочмо да кушмо пӧрт пырдыжеш мемориал оҥам вераҥдыме[10][11].
  • Тале марий ӱдырлан — санитарке Йылдыр Айгловалан кумдан палыме марий поэт Константин Беляев шке почеламутшым пӧлеклен[12].
  • 2020 ий март тылзыште ӱдырамаш-влакын муниципал форумышт вашеш да Марий Эл Республикылан 100 ий темме лӱмеш «Марий Турек вел эртыкыште легенде ӱдырамаш-влак» икымше сотемдарыше конференций лийын, ты вашлиймашат Кугу Ачамланде сарын талешкыжлан, санитарке Йылдыр Айгловалан пӧлеклалтын[13][14].

Палемдымаш

  1. ↑ 1 2 3 4 Мочаев, 2017, с. 14.
  2. ↑ Информационный ресурс Республики Марий Эл "12rus.ru" :: Мари-Турекский район. www.12rus.ru. Тергыме кече: 16 идым 2022.
  3. ↑ 1 2 3 Мари-Турекский район, Республика Марий Эл, Сайт газеты Знамя, Старшина медицинской службы. moyaokruga.ru. Тергыме кече: 16 идым 2022.
  4. ↑ 1 2 3 #дорогапамяти Участник ВОВ ✩ Айглова Йылдыр Изергевна (руш.). Музейный комплекс "Дорога Памяти". Тергыме кече: 16 идым 2022.
  5. ↑ Республика марий эл они защищали родину вспомним их поименно - Документ - стр. 2. textarchive.ru. Тергыме кече: 16 идым 2022.
  6. ↑ 1 2 Айглова Йылдыр Изергевна :: Память народа. pamyat-naroda.ru. Тергыме кече: 16 идым 2022.
  7. ↑ Айглова Элдер Изергевна :: Память народа. pamyat-naroda.ru. Тергыме кече: 16 идым 2022.
  8. ↑ Айглова Алдер Изергеевна :: Память народа. pamyat-naroda.ru. Тергыме кече: 16 идым 2022.
  9. ↑ Айглова Элдар Изиргеевна :: Память народа. pamyat-naroda.ru. Тергыме кече: 16 идым 2022.
  10. ↑ В Мари-Турекском районе открыли мемориальную доску кавалеру ордена Красного Знамени (руш.). МариМедиа. Тергыме кече: 20 теле 2022.
  11. ↑ Мемориальная доска в честь ветерана Великой.. | МАРИ МОСКВЫ | ВКонтакте (руш.). vk.com. Тергыме кече: 20 теле 2022.
  12. ↑ Илья Стрельников Самое дорогое. lektsia.com. Тергыме кече: 16 идым 2022.
  13. ↑ Мари-Турек: женщины – легенды (руш.). Единая Россия. Тергыме кече: 16 идым 2022.
  14. ↑ Мари-Турек: женщины – легенды. yoshkarola.bezformata.com. Тергыме кече: 16 идым 2022.

Литератур

  • Айглова Йылдыр Изерговна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 16. — 2032 экз. — ISBN 5-87898-357-0.
  • Колесников А. Ю. Айглова Йылдыр Изерговна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 14. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Айглова,_Йылдыр_Изерговна&oldid=1191434" гыч налме