Осокин, Георгий Михайлович

РУВИКИ — эрыкан энциклопедий гыч материал
Георгий Михайлович Осокин
Осокин, Георгий Михайлович.jpg
Шочмо кече 16 ӱярня 1922(1922-03-16)
Шочмо вер Йошкар-Ола, Марий автоном область, РСФСР,
Колымо кече 1992 ий 1 кылме(1992-11-01)
Колымо вер Санкт-Петербург, Россий
Гражданстве  СССР →  Россий
Жанр портрет, монументал живопись, станк графике,
Тунеммаш В. И. Мухина лӱмеш Кӱшыл сылнысӱрет-йӧнозанлык училище
Награде Орден Отечественной войны I степени— 1985 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Чаплӱм Марий АССР сымыктышын сулло пашаеҥже (1972)

Георгий Михайлович Осокин (16 ӱярня 1922, Вараксинсола, Чарла кантон, Марий автоном область, РСФСР ― 1 кылме 1992, Санкт-Петербург, Россий) ― совет да россий живописец, график, Россий сӱретче-влак ушемын йыжъеҥже. В. И. Мухина лӱмеш Кӱшыл сылнысӱрет-йӧнозанлык училищын (1948―1964) да И. Е. Репин лӱмеш Ленинградысе живопись, скульптур да архитектур институтын (1964―1992) туныктышыжо. Марий АССР сымыктышын сулло пашаеҥже (1972). Кугу Ачамланде сарын салтакше.

Илыш корныжо

1922 ий 16 ӱярняште Чарла кантон Марий автоном область Вараксинсола ялеш (кызыт ― Йошкар-Ола Марий Эл) унавече озан шуко йочан ешыштыже шочын[1].

1940 ийыште Б. И. Осиповын вуйлатымыж почеш Йошкар-Олаште 2 ияш изостудийым тунем пытарен[1][2].

1941 ийыште РККА-ш ӱжалтын. Кугу Ачамланде сарын салтакше: 4008-ше стрелок-влак полкын, вара — 1208-ше посна сапёр батальонын йошкарармеецше.

1942 ий февральыште ик кредалмаште кок йолжат минын осколкыж дене нелын сусырген. Госпитальыште 1 ий утла эмлалтын, эмгак, 1943 ий майыште комиссоватлыме. I степенян Ачамланде сар орден да медаль-влак дене палемдалтын[1][3].

1943 ийыште, мӧҥгӧ пӧртылмеке, Йошкар-Оласе «Марий художник» товариществыште сӱретче-пашам шуктышылан тыршен, Марий АССР Чыкма оласе сылнысӱрет тоштерыш миен коштын[2][4].

1948 ийыште Ленинградысе В. И. Мухина лӱмеш кӱшыл сылнысӱрет-йӧнозанлык училищым  (руш.) (мар. «альфрейщик, мастер-исполнитель» специальность дене визытанлан тунем пытарен[1]. Училищым тунем пытарымеке, туштак лаборантлан, кугурак лаборантлан, сатум ыштен лукшым ямдылыше кугурак мастарлан пашам ыштен[2].

1964 ий гыч Ленинградысе И. Е. Репин лӱмеш живопись, скульптур да архитектур институтышто  (руш.) (мар. монументал живопись техникын лабораторийжым вуйлатен[2].

1992 ий 1 кылмыште Санкт-Петербург олаште колен, туштак тойымо[1].

Сылнысӱрет усталык

Кугу Ачамланде сарыште, госпитальыште эмлалтмыж годым, сусыргышо, медсестра, врач, пленыш логалше немыч-влакын портретыштым сӱретлен. Тудын фронтысо зарисовкыжо-влак да фашист-влакым варвар семын ончыктымо «Падаль» сӱретше 1943 ийыште Москошто Рӱдӧ Йошкар Армий Пӧртыштӧ  (руш.) (мар. «Сӱретче-фронтовик-влак» ончерыште ончыкталтыныт. «Фашист танк-влак ваштареш тул» кокымшо кугу сӱретым тыгак сарысе кредалмаш-влакым шарнен сӱретлен.

Живописец да станк графикын мастарже семын палыме лийын. Марий мландын пӱртӱсшӧ, еҥже да эртымгорныж нерген сӱрет-влакын авторжо: «Пугачёвын отрядыштыже марий-влак», «Степан Разин да марий повстанец-влак»[5], «Акпарс»[6], «В. И. Ленин деке коштшо марий-влак» да молат[1][2][7].

Живописьыште шке Пушкинианым ыштен: «А. С. Пушкин ― лицеист» (1960), «А. С. Пушкин Михайловскийыште имне дене» (1960), «Пушкин йоча годымжо» (1961), «Лицей садыште» (А. С. Пушкин лицеист) (1963), «А. С. Пушкин Нева серыште» (1982) да моло сӱрет-влак[1][2][8][9][10][11][12].

10 ий утла, 1960―1970-шо ийлаште, ленинград сӱретче-влак коклаште сӱретым погымо кугу пашам шуктен. Т. Евсеев лӱмеш Калыкле, Республикысе сӱрет сымыктыш[2] да А. В. Григорьев лӱмеш сӱретсымыктыш-эртымгорно тоштерлаште фондым чумыраш чолган полшен, тушто сӱретчын 37 живопись да 1 график пашаже верланеныт[1][4].

1972 ийыште тудлан «Марий АССР сымыктышын сулло пашаеҥже» чаплӱмым пуымо. Медаль-влак да Марий АССР Кӱшыл Каҥаш Президиумын Чаптаныкше дене палемдалтын[1][2].

Чаплӱм да суаптар-влак

Шарнымаш

  • 1993 ийыште Йошкар-Олаште Марий АССР сымыктышын сулло пашаеҥже Г. М. Осокинын ончерже эртен[1].
  • Г. М. Осокинын пашаже-влак Санкт-Петербург олан тоштерлаштыже, Чуваш кугыжаныш сӱретсымыктыш тоштерыште[14], Марий Элын ончыл тоштерлаштыже ― Т. Евсеев лӱмеш калыкле тоштерыште, Республикысе сӱрет сымыктыш тоштерыште[2] да А. В. Григорьев лӱмеш Сӱретсымыктыш-эртымгорно тоштерыште ― аралалтыт да ончыкталтыт[1][4][15].

Палемдымаш

  1. ↑ 1 2 3 4 5 6 7 8 9 10 11 12 13 14 15 Мочаев, 2017, с. 322.
  2. ↑ 1 2 3 4 5 6 7 8 9 10 11 Осокин Георгий Михайлович. Республиканский музей изобразительных искусств. Тергыме кече: 17 кылме 2025.
  3. ↑ Осокин Георгий Михайлович. pamyat-naroda.ru. Тергыме кече: 17 кылме 2025.
  4. ↑ 1 2 3 Последователь Григорьева. kuzmagorod.do.am. Тергыме кече: 17 кылме 2025.
  5. ↑ Степан (Стенька) Разин в живописи. Портреты атамана, сюжеты и картины. yavarda.ru. Тергыме кече: 17 кылме 2025.
  6. ↑ Картина "Акпарс" 1975-1978 (руш.). archivogram.top. Тергыме кече: 17 кылме 2025.
  7. ↑ Осокин Георгий "Примерка платья" 1960-е гг | 油絵 技法, ロシア絵画, 油画 (руш.). Pinterest. Тергыме кече: 17 кылме 2025.
  8. ↑ Картина А. С. Пушкин - лицеист. Художник Осокин Георгий Михайлович (1922-1992). xn----7sbb5adknde1cb0dyd.xn--p1ai. Тергыме кече: 17 кылме 2025.
  9. ↑ Пушкин – «А.С. Пушкин на набережной Невы». pushkin225.rusmuseumpro.ru. Тергыме кече: 17 кылме 2025.
  10. ↑ А. С. Пушкин в Михайловском на прогулке верхом. Осокин Георгий Михайлович, 1960. xn----7sbb5adknde1cb0dyd.xn--p1ai. Тергыме кече: 17 кылме 2025.
  11. ↑ Картина «В садах лицея» — Культурное наследие России (руш.). starina.net. Тергыме кече: 17 кылме 2025.
  12. ↑ Александр Сергеевич Пушкин в живописи. Портреты поэта и картины с Пушкиным. yavarda.ru. Тергыме кече: 17 кылме 2025.
  13. ↑ Осокин Георгий Михайлович. pamyat-naroda.ru. Тергыме кече: 17 кылме 2025.
  14. ↑ Художественный музей. artmuseum.ru. Тергыме кече: 17 кылме 2025.
  15. ↑ Автобиография Осокина Георгия Михайловича, регистрационный номер — 20236669. exponat-online.ru. Тергыме кече: 17 кылме 2025.

Литератур

  • Кудрявцев В. Г. Осокин Георгий Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 267. — 2032 экз. — ISBN 5-87898-357-0.
  • Пономаренко С. П. Учебные мастера ― преподаватели кафедры монументально-декоративной живописи / С. П. Пономаренко, В. Г. Леканов, В. С. Сперанская // Кафедра монументально-декоративной живописи. ― СПб., 2011. ― С. 79―82.
  • Прокушев Г. И. Очерки о художниках Марий Эл / Сост., отв. ред. Чеботкин В. А. — Йошкар-Ола: Марийское книжное издательство, 2016. — 336 с.: ил.
  • Кудрявцев В. Г., Соколов А. В., Фаминская Н. В. Осокин Георгий Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 322. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Осокин,_Георгий_Михайлович&oldid=1232632" гыч налме