Гибадуллин, Габдулхак Габдуллович

РУВИКИ — эрыкан энциклопедий гыч материал
Габдулхак Габдуллович Гибадуллин
Гибадуллин, Габдулхак Габдуллович.jpg
Шочмо кече 16 ӱярня 1952(1952-03-16)
Шочмо вер
Колымо кече 1 сӱрем 2016(2016-07-01) (64 ий)
Колымо вер
Профессий клоун, дрессировщик, акробат
Гражданстве  СССР →  Россий
Усталык жап 1977—2016
Жанр клоунаде, дрессура, акробатике
Цирк Цветной бульварыште Москосо цирк; Медведево посёлкысо «Чудо-остров» изи зоопарк (Марий Эл)
Номер «Янлык-влак дене модмаш»
Награде-влак Татар АССР-ын сулло артистше (1982)
Марий АССР-ын калык артистше (1987)
Марий АССР Кӱшыл Каҥаш Президиумын чапкагазше (1980)

Габдулха́к Габду́ллович Гибаду́ллин (16 ӱярня 1952, Тат-Китне, Марий Турек район, Марий Автоном Совет Социализм Республик, РСФСР[d], СССР — 1 сӱрем 2016, Медведево, Марий Эл Республик, Россий) — совет да российысе цирк артист (клоун, дрессировщик, акробат). Йошкар-Оласе Янлык театрын художественный вуйлатышыже (1994—1996), Марий Эл Республикын Медведево посёлкысо «Чудо-остров» изи зоопаркым негызлыше да тудын директоржо (2000—2016). Цирк артист-влакын пӱтынь ушемысе конкурсын лауреатше (1988). Марий АССР-ын калык артистше (1987). Татар АССР-ын сулло артистше (1982).

Илыш корныжо

1952 ий 16 мартыште Марий Эл Республикын Марий Турек районысо Тат-Китне ялыште шочын[1][2].

1977 ийыште профессор, РСФСР-ын калык артистше М. С. Местечкинын вуйлатымыж почеш, Цветной бульварыште Москосо цирк пелен цирк клоунадын студийжым тунем пытарен. Тудын туныктышыжо-влак О. К. Попов, М. Н. Румянцев, Дуровмыт тукым лийыныт. 1977 ийыште, Ю. Никулинын вуйлатымыж годым, Цветной бульварысе циркын артистше лийын. 1977—1994 ийлаште «Янлык-влак дене модмаш» номер дене «Росгосцирк» труппышто пашам ыштен, СССР-ыште гына огыл, тыгак Голландийыште, Бельгийыште, Францийыште, Австрийыште, Германийыште да Кубышто лийын[1][2].

1988 ийыште Цирк артист-влакын пӱтынь ушемысе конкурсын лауреатше лийын[1][2].

1994—1996 ийлаште Йошкар-Оласе Янлык театрын художественный вуйлатышыже лийын[1][2]. Утларак Марий Эл Республикын Медведево посёлкысо «Чудо-остров» изи зоопаркым негызлыше да тудын директоржо семын палыме (2000—2016)[3][4].

1982 ийыште тудлан «Татар АССР-ын сулло артистше», 1987 ийыште — «Марий АССР-ын калык артистше» чаплӱмым пуымо. 1980 ийыште Марий АССР Кӱшыл Каҥаш Президиумын Чапкагазше дене суапландаралтын[1][2].

2016 ий 1 июльышто Марий Эл Республикысе Медведево посёлкышто колен[5][6].

Шарнымаш

Г. Г. Гибадуллин лӱмеш «Чудо-остров» Медведево посёлкысо изи зоопарк (Марий Эл, Медведево посёлко)

2016 ийыште циркын артистше, тудым негызлыше Г. Гибадуллинын лӱмжым Марий Эл Республикын Медведево посёлкысо «Чудо-остров» изи зоопарклан пуымо[7][8].

Чаплӱм ден суаптар-влак

Палемдымаш

  1. ↑ 1 2 3 4 5 6 7 8 Мочаев, 2007, с. 99.
  2. ↑ 1 2 3 4 5 6 7 8 Энциклопедия Республики Марий Эл, 2009, с. 303.
  3. ↑ Муниципальное образование (руш.). medvedevo12.ru. Тергыме кече: 1 пургыж 2026.
  4. ↑ Йошкин кот обрел свою родину (руш.). www.mk.ru. Тергыме кече: 1 пургыж 2026. Архивлыме 13 ӱярня 2022 ий.
  5. ↑ Ушёл из жизни Гибадуллин Габдулхак - Скорбим и помним (руш.). Форум - RusCircus.ru. Тергыме кече: 1 пургыж 2026. Архивлыме 8 теле 2016 ий.
  6. ↑ Ушёл из жизни основатель Медведевского зоопарка Габдулхак Гибадуллин (руш.). pg12.ru. Тергыме кече: 1 пургыж 2026. Архивлыме 11 идым 2017 ий.
  7. ↑ Медведевский мини-зоопарк имени Г.Г. Гибадуллина, <https://web.archive.org/web/20220313085440/https://www.culture.ru/collectives/4038/medvedevskii-mini-zoopark-imeni-g-g-gibadullina>. Тергыме: 1 пургыж 2026. 
  8. ↑ Медведевский мини-зоопарк имени Г. Г. Гибадуллина (руш.). МариМедиа. Тергыме кече: 1 пургыж 2026. Архивлыме 2 шорыкйол 2019 ий.

Литератур

  • Татарский энциклопедический словарь. — Казань: Институт Татарской энциклопедии АН РТ, 1998. — 703 с., ил.
  • Мочаев В. А. Гибадуллин Габдулхак Габдуллович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 88. — 2032 экз. — ISBN 5-87898-357-0.
  • Гибадуллин Габдулхак Габдуллович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 303. — 872 с. — 3505 экз. — ISBN 978-5-94950-049-1.
  • Мочаев В. А., Сорокина В. А. Гибадуллин Габдулхак Габдуллович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 99. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Гибадуллин,_Габдулхак_Габдуллович&oldid=1233247" гыч налме