Зайцев, Юрий Викторович

Юрий Викторович Зайцев
Юрий Викторович Зайцев
Марий Эл Республикын вуйлатышыже
	2022 ий 23 сентябрь гыч; (2022 ий 10 май — 23 сентябрь врио)
Президент	Владимир Путин
Ончычсо пашаеҥ	Александр Евстифеев
Калмык Республикысе виктер председатель
	2019 ий 14 октябрь — 2022 ий 10 май
Ончычсо пашаеҥ	Игорь Зотов
Алмаштыше	Очир Шургучеев (врио); Гиляна Босхомджиева
Шочын	1970 ий 16 теле (54 ий); Монино, Моско область, РСФСР, СССР
Икшыве-влак	эргыже: Андрей
Партий	Икоян Россий
Образований	СССР Аралтыш министерствын Сар институтшо
Шанче степень	экономике шанче кандидат
Профессий	кусарыше-референт
Паша	кугыжаныш пашаеҥ
Сайт	mari-el.gov.ru
	Медиафайлы на РУВИКИ.Медиа

Юрий Викторович Зайцев (шоч. 1970 ий 16 декабрь, Монино, Моско кундем) — российысе кугыжаныш пашаеҥ да вуйлатыше. 2022 ий 23 сентябрь гыч (2022 ий 10 май — 23 сентябрь сомылым жаплан шуктышо) Марий Эл Республикын вуйлатышыже да виктерын председательже.

2024 ий 25 апрель гыч «Икоян Россий» партийын Марий кундемысе пӧлка секретарьын пашажым шуктышо^[1].

Ондак, 2019 ий 14 октябрь гыч 2022 ий 10 май марте, Калмык Республикысе виктерын председательже^[2].

Илыш корныжо

Юрий Зайцев 1970 ий 16 декабрьыште Моско кундем Монино олаште шочын.

СССР Аралтыш министерствын Сар институтшым «Йот йылме» специальностьын «кусарыше-референт, информаций-аналитике шотышто специалист» квалификацийже дене тунем пытарен. Итальян да француз йылме-влакым сайын пала. Экономике шанче кандидат. 2011 ийыште академик И. Г. Петровский лӱмеш Брянскысе кугыжаныш университетыште «Кундемым инновационно тӱзатымашке йотэл инвестицийым кондымо организационно-экономический механизмым саемдымаш: Калуго областьысе материал негызеш» теме почеш диссертацийым арален^[2].

Зайцев вуйлатыше-влакын шапаш радамыштым вияҥдыме программе почеш Россий Федерацийын президент пеленысе Россий калык озанлык да кугыжаныш службо академийын Кугыжаныш виктарымашын кӱшыл школжым (губернатор-влакын школышт), РФ президент пелен Российысе калык озанлык да кугыжаныш службо академийым, Россий Федерацийын Саргуралан вийжын Тӱҥ штабысе Сар академийыште да моло кӱшыл тунемме верлаште шинчымашым налын^[2].

1996 ий гыч 2011 ий марте Зайцев Россий Федерацийын металлургий комплексын коммерций кышкарыштыже пашам ыштен^[2].

2011—2013 ийлаште — «Метгрупп» ООО-н Тӱҥ директоржо (Моско). 2014 ий февраль гыч август марте Зайцев «Йӱдвел Кавказысе МРСК» ОАО-н Тӱҥ директоржын ойпуышыжо, а вара икымше алмаштышыже лийын. Вара вич ий жапыште компанийыште Тӱҥ директорын олмыштыжо лийын^[2].

2019 ийыште Зайцевым Калмык Республикысе виктерын председательжылан шогалтеныт, ты олмым 2022 ий май марте айлен^[3].

Марий Эл Республикын вуйлатышыже

2022 ий 10 майыште кундемын ончычсо вуйлатышыже Александр Евстифеевын паша гыч кораҥмыжлан кӧра, Российын президентше Владимир Путин Зайцевым Марий Эл вуйлатышын пашажым жаплан шукташ шогалтен^[4].

12 июньышто Зайцев кундемысе вуйлатышым сайлымаште шкевуя кандидат семын сайлалташ манын, сайлыме комиссийыш кагаз-влакым пуэн^[5]. Сайлымаште сайлыше-влак деч 82,44 % йӱкым поген. 2022 ий 23 сентябрьыште Зайцев Марий Эл Республикым вуйлатышын олмышкыжо шогалын^[6].

2022 ий 11 августышто президент Путин Зайцев дене вашлиймаште тудын тӱткышыжым Российыште корным чоҥымо пашаш кугу оксам колтымашке виктарен да эн ончычак республикыште илыше еҥ-влаклан ты паша верым пуаш темлен, молан манаш гын, ты пашам шукташлан корным чоҥышо пашаеҥ-влак деч профессийлан келгын ямдылалтмым (кӱшыл квалификациян инженер-влак деч посна) ок йод. Марий Элыште корно кылын йӧндымылыкшым палемдышыла, президент кундемысе корно чоҥымашым федерал планыш пурташ ойлен, тиде аланысе программе-влак пеш кугу улыт да тидлан келшыше окса полыш палемдалтын манын каласен. Путин Зайцевлан республикыште пашадымылыкын кӱкшӧ улмыж нерген каласен, кокла шот дене ончаш гын, пӱтынь российысе деч изиш кӱшнырак, садлан республикын калыкшым паша дене улаҥдыме шотышто йӧным ышташ темлен^[7].

Ешыже

Ешан, эргыже уло^[8].

Санкций-влак

2023 ий 24 февральыште США Госдеп Зайцевым санкций радамыш пуртен.

Суаптар-влак

Россий Федераций Федерал Погынысо Кугыжаныш Думо Председательын Таумутшо (2015)
«Суаплан» орден (2015)
«Утарыме верч келшымашлан» медаль (2015, Россий МЧС)
«Чечня Республик ончылно суаплан» медаль (2015)
РСО-Аланийын Чапкагазше (2015)
Кабардин-Балкар Республикын Чапкагазше (2015)
Карачаев-Черкес Республикын Чапкагазше (2015)^[9]^[10]
Россий Федераций Президент Администрацийын Таумутан серышыже (2015, 2016)
Россий МЧС-ын «Россий МЧС-лан XXV ий» медальже (2016)
«Дербент олан пагалыме гражданинже» медаль (2016)
«Россети» ПАО-н Таумутшо (2016, 2017)
Дагестан Республикын Чапкагазше (2016, 2018)
Россий Федерацийысе энергетике министерствын Таумутшо (2017)
Россий Федерацийын Президентше Владимир Путинын Таумутшо (2018)
Дагестан Республикысе Калык погынын Чапкагазше (2018)
Калмык Республик Вуйлатышын Таумутшо (2019)
Калмык Республикын Чапкагазше (2020)
Калмык Республикын Чапланыше гражданинже^[11]
«Сар службышто ойыртемалтмылан» 3 степенян медаль

Палемдымаш

↑ Глава Республики Марий Эл Юрий Зайцев назначен исполняющим полномочия секретаря реготделения «Единой России» (рус.). Партия «Единая Россия» (25 вӱдшор 2024).
↑ ¹ ² ³ ⁴ ⁵ Энциклопедия ТАСС, 2024. Зайцев, Юрий Викторович. Глава Республики Марий Эл
↑ Председатель правительства Калмыкии стал врио главы Марий Эл (рус.). РБК. Дата обращения: 11 ага 2022. Архивировано 12 ага 2022 года.
↑ Путин назначил врио главы Республики Марий Эл (рус.). Газета.ru. Дата обращения: 11 ага 2022. Архивировано 12 ага 2022 года.
↑ редакция «Кидшер». Зайцев подал документы для участия в выборах главы Марий Эл как самовыдвиженец (рус.). Йошкар-Ола, Марий Эл — свежие, достоверные и актуальные новости, интервью, комментарии экспертов (12 пеледыш 2022). Дата обращения: 19 сӱрем 2022. Архивировано 19 сӱрем 2022 года.
↑ Избранный глава Марий Эл Юрий Зайцев вступил в должность (рус.). ТАСС (23 идым 2022). Дата обращения: 24 идым 2022. Архивировано 24 идым 2022 года.
↑ ТАСС, 11 августа 2022. Путин призвал привлекать к дорожному строительству прежде всего местных жителей
↑ Врио главы Марий Эл Юрий Зайцев. Досье (рус.). Аргументы и Факты. Дата обращения: 11 ага 2022. Архивировано 11 ага 2022 года.
↑ Биография Юрия Зайцева (рус.). РИА Новости. Дата обращения: 11 ага 2022. Архивировано 10 ага 2022 года.
↑ Зайцев Юрий Викторович (рус.). Правительство Республики Калмыкия. Дата обращения: 11 ага 2022. Архивировано 15 кылме 2021 года.
↑ Глава Калмыкии Бату Хасиков: «Карьерный рост членов команды — это знак доверия руководства страны к нам» (неопр.). glava.region08.ru. Дата обращения: 21 ага 2022.

Кылвер-влак

Энциклопедия ТАСС, 2024. Зайцев, Юрий Викторович. Глава Республики Марий Эл

[1] Глава Республики Марий Эл Юрий Зайцев назначен исполняющим полномочия секретаря реготделения «Единой России» (рус.). Партия «Единая Россия» (25 вӱдшор 2024).

[ЭнцТАСС-2] ¹ ² ³ ⁴ ⁵ Энциклопедия ТАСС, 2024. Зайцев, Юрий Викторович. Глава Республики Марий Эл

[3] Председатель правительства Калмыкии стал врио главы Марий Эл (рус.). РБК. Дата обращения: 11 ага 2022. Архивировано 12 ага 2022 года.

[4] Путин назначил врио главы Республики Марий Эл (рус.). Газета.ru. Дата обращения: 11 ага 2022. Архивировано 12 ага 2022 года.

[5] редакция «Кидшер». Зайцев подал документы для участия в выборах главы Марий Эл как самовыдвиженец (рус.). Йошкар-Ола, Марий Эл — свежие, достоверные и актуальные новости, интервью, комментарии экспертов (12 пеледыш 2022). Дата обращения: 19 сӱрем 2022. Архивировано 19 сӱрем 2022 года.

[6] Избранный глава Марий Эл Юрий Зайцев вступил в должность (рус.). ТАСС (23 идым 2022). Дата обращения: 24 идым 2022. Архивировано 24 идым 2022 года.

[7] ТАСС, 11 августа 2022. Путин призвал привлекать к дорожному строительству прежде всего местных жителей

[8] Врио главы Марий Эл Юрий Зайцев. Досье (рус.). Аргументы и Факты. Дата обращения: 11 ага 2022. Архивировано 11 ага 2022 года.

[9] Биография Юрия Зайцева (рус.). РИА Новости. Дата обращения: 11 ага 2022. Архивировано 10 ага 2022 года.

[10] Зайцев Юрий Викторович (рус.). Правительство Республики Калмыкия. Дата обращения: 11 ага 2022. Архивировано 15 кылме 2021 года.

[11] Глава Калмыкии Бату Хасиков: «Карьерный рост членов команды — это знак доверия руководства страны к нам» (неопр.). glava.region08.ru. Дата обращения: 21 ага 2022.

[1]

[2]

[3]

[4]

[5]

[6]

[7]

[8]

[9]

[10]

[11]

Социал вотлаште	ВКонтакте
Тематик сайтла	Internet Movie Database