Халюзин, Владимир Анатольевич

РУВИКИ — эрыкан энциклопедий гыч материал
Владимир Анатольевич Халюзин
Халюзин, Владимир Анатольевич.jpg
Флаг
Марий Эл Республикын промышленность, экономике вияҥмаш да ужалымаш шотышто министрже
Флаг
05.12.2024 — кызытсе жап марте
Регионым вуйлатыше Юрий Викторович Зайцев
Шочын 13 идым 1976(1976-09-13) (49 ий)
Шинчымаш

Владимир Анатольевич Халюзин (шоч. 13 идым 1976, Свободный[d], Амур область) — Российысе кугыжаныш пашаеҥ. 2024 ий 14 июнь гыч — министрын пашажым жаплан шуктышо, а 2024 ий 5 декабрь гыч — Марий Эл Республикын промышленность, экономике вияҥмаш да ужалымаш шотышто министрже[1][2][3].

Илышкорно

1976 ий 13 сентябрьыште Амур областьысе Свободный олаште шочын[4].

1994—1996 ийлаште — Россий Федерацийын Сарзе-теҥыз флотыштыжо  (руш.) (мар. срочный службым эртен[5].

Пашам ыштымаш

Пашам ышташ 1997 ийыште кӧргӧ паша органлаште  (руш.) (мар. тӱҥалын[4]. 1997 ий гыч 2002 ий марте Черкесск ола администрацийын Кӧргӧ паша виктемыштыже службым эртен[5].

2002 ий гыч 2006 ий марте «Кавказцемент» ОАО-н юридический пӧлкаштыже юристлан, вара вӱдышӧ юристлан пашам ыштен[4].

2006 ий гыч 2008 ий марте — «Черкесск оласе электрический сеть» ОАО-н генеральный директоржо, 2008 ий гыч 2011 ий 22 март марте — «Шеледылше сетевой компаний» ОАО-н генеральный директоржо[4].

2011 ий 22 март гыч 2013 ий марте — Карачаево-Черкес Республикын Правительствыштыже Карачаево-Черкес Республикын пого да мланде кыл шотышто министрже[4][5].

2013 ий гыч 2014 ий марте — «Электротехнический компаний» ОАО-н генеральный директоржо[5].

2014 ий гыч 2016 ий марте — «Шеледылше сетевой компаний» ОАО-н генеральный директоржо[4].

2016 ий гыч 2020 ий марте — «Йӱдвел Кавказысе МРСК» ПАО-н Карачаево-Черкес филиалжын советникше, директоржо, филиалын директоржо[4][5].

2020 ий гыч 2021 ий марте — «Меркурий» фирме Акционер ушемын генеральный директоржо[5].

2021 ий гыч 2023 ий марте — «ВЕЛЕС» ПКФ ООО-н инвестиций проект-влак шотышто генеральный директоржын алмаштышыже[5].

2023 ий сентябрь гыч 2024 ий июнь марте — «Йошкар-Ола» оласе округ администраций вуйлатышын (ола мэрын) икымше алмаштышыже[5].

2024 ий 14 июнь гыч — министрын пашажым жаплан шуктышо, а 2024 ий 5 декабрь гыч — Марий Эл Республикын йӧнозанлык, экономике вияҥмаш да ужалымаш министрже[6].

Тунеммаш да шанче паша

2003 ийыште Ставропольысо кугыжаныш университетын юридический факультетшым тунем лектын[4].

Ешартыш семын Кугу Британийысе почмо университетын Бизнес школыштыжо «Менеджер да персонал», «Менеджер да организаций» специальность дене МВА курсышто тунемын[4].

2007 ий гыч 2008 ий марте РФ Правительстве пеленсе Финанс академийыште вуйлатыше кадрым ямдылыме Президент программе почеш «финанслык менеджмент» специальность дене да 2019 ийыште Шуко профилян рӱдӧ институтышто (Моско ола) «Электроснабжений» программе дене профессий шотышто уэш ямдылалтмашым эртен[5].

2011 ийыште «Традиционный обществын политике илышыжын каен шогымыжо: Йӱдвел Кавказын примерешыже» темылан политике шанче кандидатлан диссертацийым арален[4][7].

Еш

Пелашан, кок ӱдыржӧ уло[8].

Награде да сеҥымаш-влак

  • Карачаево-Черкес Республикын чоҥымаш, энергетике да ИКХ (илыме-коммунал озанлык) министерствын Чап грамотыжо (2009);
  • «Электропрофсоюз» ВК Президиумын «Келшымашлан» («За содружество») Почётан знакше (2010);
  • Карачаево-Черкес Республик Правительствын Чап грамотыжо;
  • «Россеть-Йӱдвел Кавказ» ПАО-н Чап грамотыжо;
  • РФ Президентын Администрацийжын II степенян Грамотыжо — «Российын лидерже-влак» управленец-влакын I-ше Чумырроссийысе конкурсын пелфиналыштыже участвоватлымылан[5].

Палемдымаш

  1. ↑ Кидшер (2025-06-23), Состав Правительства Республики Марий Эл, <https://kidsher.ru/ru/dossier/23961/>. Тергыме: 7 идым 2025. 
  2. ↑ В Марий Эл назначили руководителя Минэкономразвития региона (руш.). МариМедиа. Тергыме кече: 7 идым 2025.
  3. ↑ Бывшего заместителя мэра Йошкар-Олы сделали министром промышленности, <https://pg12.ru/news/88630>. Тергыме: 7 идым 2025. 
  4. ↑ 1 2 3 4 5 6 7 8 9 10 Исполняющим обязанности директора Карачаево-Черкесского филиала МРСК Северного Кавказа назначен Владимир Халюзин (руш.). Россети. Северный Кавказ.. Тергыме кече: 7 идым 2025.
  5. ↑ 1 2 3 4 5 6 7 8 9 10 Заместители мэра города Йошкар-Олы (руш.). Портал города Йошкар-Ола. Тергыме кече: 7 идым 2025.
  6. ↑ Владимир Халюзин назначен министром промышленности, экономического развития и торговли Марий Эл (руш.). Волжская правда. Тергыме кече: 7 идым 2025.
  7. ↑ Халюзин, Владимир Анатольевич. Динамика политической жизни традиционного общества: на примере Северного Кавказа // disserCat. — 2011.
  8. ↑ Ещё одним первым заместителем мэра Йошкар-Олы назначен Владимир Халюзин (руш.). МариМедиа. Тергыме кече: 7 идым 2025.

Кылвер-влак

Министр промышленности, экономического развития и торговли Республики Марий Эл (руш.). Тергыме кече: 7 идым 2025.

"https://mhr.ruwiki.ru/w/index.php?title=Халюзин,_Владимир_Анатольевич&oldid=1232125" гыч налме