Евстифеев, Александр Александрович

РУВИКИ — эрыкан энциклопедий гыч материал
Александр Александрович Евстифеев
Meeting Vladimir Putin with Alexander Yevstifeyev 2017-04-06 02 cropped.jpg
Флаг
Марий Эл Республикын вуйлатышыже
Флаг
(врио 2017 ий 6 апрель — 21 сентябрь)
21 сентября 2017 ий 21 сентябрь — 2022 ий 10 май
Президент Владимир Путин
Ончычсо пашаеҥ Леонид Маркелов
Алмаштыше Юрий Зайцев
Шочын 14 ага 1958(1958-05-14)[1]
Колен 9 идым 2024(2024-09-09) (66 ий)
Партий
Шинчымаш
Шанче степень юридический шанче доктор[d]
Паша политик[d] да юрист[d]
Награде
Почёт орден (Россий) медаль Анатолия Кони
Россий Федерацийын сулло юристше Россий Федерацийын сулло юристше
Паша вер
Логотип РУВИКИ.Медиа РУВИКИ.Медиаште медиафайл-влак

Александр Александрович Евстифеев (14 ага 1958, Бреды[d], Челябинск область — 9 идым 2024) — российысе кугыжаныш пашаеҥ. 2017 ий 21 сентябрь гыч 2022 ий 10 май марте Марий Эл Республикын Вуйлатышыже[2] (2017 ий 6 апрель гыч 21 сентябрь марте Марий Эл Республик вуйлатышын сомылжым жаплан шуктышо)[3]. Россий Федераций кугыжанышысе 2-шо классан чынле ойпуышо (2001). Россий Федерацийын сулло юристше, юридический шанче доктор (1999).

Илыш корныжо

1958 ий 14 майыште Челябинск кундемысе Бреды посёлкышто шочын, ныл йоча гыч эн изиже лийын[4]. Ачаже СССР Госбанкыште инкассаторлан, аваже — медшӱжарлан пашам ыштен. Школым тунем пытарымеке, Евстифеев ик ий Челябинск кундемысе автомобиль корно виктемыште пашам ыштен, вара Свердловскысо юридический институтыш тунемаш пурен, тудым 1980 ийыште тунем пытарен. 1984 ийыште тудо аспирантурым тунем лектын, «Изобретатель пашасе кыл аланыште авторын праваже» йодыш дене кандидат диссертацийым арален. 1999 ийыште Уралысе кугыжаныш юридический академийыште «Российысе патент праван шочмашыже» теме ден диссертацийым арален да юридический шанчын докторжо лийын[5]. 2004 ийыште РФ виктер пелен Финанс академийым визытанлан тунем пытарен (квалификаций — экономист, специализаций «Финанс да кредит»)[6].

1980—2000 ийлаште Евстифеев Свердловскысо юридический институтышто (кызыт Уралысе кугыжаныш юридический университет) туныктышо, доцент, граждан права кафедрын профессоржо, следствий факультетын деканже, Уралысе кугыжаныш юридический академийын Юстиций институтшын (кызыт Уралысе кугыжаныш юридический университетын Юстиций институтшо) директоржо лийын. 2000—2002 ийлаште тудо РФ президентын Юл кундемысе федерал йырвелысе тичмаш ӱшанъеҥжын алмаштышыже олмым айлен, тиде олмышто латвич кундемын тӧртыкыштым РФ Конституцийлан да федерал тӧртыклан келыштарен толмо пашам виктарен[6]. 2002 ий январь гыч 2004 ий январь марте Федераций Каҥашыште Ямал-Ненец АО-н администрацийжын ӱшанъеҥже лийын, тыгодымак Права да суд йодыш-влак шотышто комитетын председательже лийын, ФК-н конституций кертежым (полномочийым) шуктымо йӧн шотышто комиссий кышкарыш пурен.

2004—2012 ийлаште Евстифеев уэш шке пашажым шуктен: тудо Моско оласе Арбитраж судын лукмо суд акт-влакым тергыше Индешымше арбитраж апелляций судын председательже, кӱшыл квалификациян судья-влак коллегий председательын алмаштышыже. Саратовысо шке права шотышто кугыжаныш академийын (кызыт — Саратовысо кугыжаныш юридический академий) калык-влак кокласе частный права кафедрын профессоржо[5]. 2014 ий 30 январьыште РФ Президентын кӱштыкше дене Евстифеевым Моско кундемысе Арбитраж судын председательжылан шогалтыме[6].

РФ Президент пеленсе граждан тӧртыкым кодифицироватлыме да уэмдыме шотышто Каҥашын йыжъеҥже лийын[7].

2024 ий 9 сентябрьыште, 66 ияш улмыж годым, ӱмыр лугыч лийын[8].

Еш

Александр Евстифеевын ватыже да кок йочаже кодыныт[5][4].

Марий Эл Республикын вуйлатышыже

Владимир Путин да Александр Евстифеев. Моско, Кремль, 2017 ий 6 апрель

2017 ий 6 апрельыште Российын президентше Владимир Путин Евстифеевым сайлымаш марте Марий Эл Республик вуйлатышын сомылжым шукташ жаплан шогалтен[9]. Тудын деч ончычсо вуйлатыше Леонид Маркелов, латкуд ий вуйлатыме деч вара, отставкыш каен (формально — шке кумылжо почеш).

2017 ий 19 майыште Евстифеев, 10 сентябрьыште эртышаш, Марий Эл Республик вуйлатышым сайлымашке ушнаш кумылжо нерген увертарен[10]. Тудын кандидатурыжым «Икоян Россий» партий деч формально 13 июньышто темленыт[11], тыгодымак коммунист-влак вриом лӱмжым сайлымашке лукмо дене келшеныт[12]. Сайлымашын лектышыже почеш, Евстифеев сайлыше-влакын 88,27 процент йӱкыштым поген, тыге сеҥышыш лектын[13]. 21 сентябрьыште тудо кундем вуйлатышын олмышкыжо шогалын[14]. Тунамак 2017 ий 22 ноябрь гыч 2018 ий 18 июль марте Евстифеев Россий Федерацийысе Кугыжаныш каҥаш президиумын йыжъеҥже лийын[15][16].

Варажым кундем вуйлатышын да верысе коммунист-влакын кыл ушемышт кӱрылтын. 2018 ийыштак КПРФ депутат-влак 2019-ше ийлан виктерын темлыме бюджет проект ваштареш йӱкленыт, да Евстифеев нуным кундемын экономикыжым луштарымаште титаклен[17]. Туге гынат, 2019 ийысе Кугыжаныш Погыныш сайлымаште «Икоян Россий» мандат-влакын 71%-шым поген, тыге шке пеленже утларак еҥ-влакым арален коден. Ты шотышто Евстифеев каласен: «вес партий але депутат-влак дене кутырен келшымашке пураш нимогай кӱлешлык уке».

2022 ий 10 майыште паша гыч колташ йодын[18][19], Российын Президентше В. Путин йодмыж дене келшен[2]. Марий Эл Республикысе Кугыжаныш Погынын депутатше-влак 2022 ий 26 июльышто Марий Элын ончысо вуйлатышыжлан, паша гыч кайымекыже, 2,5 млн теҥге кугытан оксам тӱлаш келшеныт[20].

Парыш

2016 ийысе декларацийыште ончыктымо тӱшка парышын кугытшо 3 млн 817 тӱж. теҥге, ватыжын — 522 тӱж. теҥге.

2017 ийыште 6 млн 161 тӱж. теҥгем, ватыжын — 548 тӱж. теҥгем ончыктымо[5]. 2018 ийыште кундем вуйлатыше 4,4 млн теҥгем ыштен налын[21].

Марий Эл вуйлатыше Александр Евстифеевын 2019 ийысе парышыже 40,2 млн теҥге лийын[22]. Губернаторын 2020 ийысе парышыже 84,7 млн теҥге марте кушкын[23].

2021 ийыште парышыже 5,3 млн теҥге, ватыжын — 1,9 тӱж. теҥге[24].

Суаптар

Класс чинже

  • Икымше квалификаций классан судья.
  • Россий Федераций кугыжанышын 2-шо классан чынле ойпуышыжо (2001)[27].

Шанче паша

Евстифеев 50 утла шанче пашам да книга-влакым савыктен, нунын коклаште «Гражданско-правовое регулирование в сфере технического творчества» (1985) тунемме пособий, «Эволюция категории „предмет гражданско-правового регулирования“» (1992); «Основные категории российского патентного права» (1999)[5].

Палемдымаш

  1. ↑ https://tass.ru/info/4552382
  2. ↑ 1 2 Юрий Зайцев назначен временно исполняющим обязанности главы Республики Марий Эл (руш.). Президент России. Тергыме кече: 11 ага 2022. Архивлыме 10 ага 2022 ий.
  3. ↑ Глава Республики Марий Эл (руш.). РИА Новости (6 вӱдшор 2017). Тергыме кече: 6 вӱдшор 2017. Архивлыме 7 вӱдшор 2017 ий.
  4. ↑ 1 2 Биография главы Республики Марий Эл Александра Евстифеева, <https://tass.ru/info/4552382>. Тергыме: 10 шыжа 2025. 
  5. ↑ 1 2 3 4 5 6 7 Сведения о доходах главы Республики Марий Эл Александра Евстифеева. mari-el.gov.ru. Официальный сайт Главы Республики Марий Эл. Архивлыме 24 кылме 2018 ий.
  6. ↑ 1 2 3 Евстифеев Александр Александрович. Арбитражный суд Московской области. Тергыме кече: 6 вӱдшор 2017. Архивировано из оригинала 6 вӱдшор 2017 ий.
  7. ↑ Советы при Президенте. Совет по кодификации и совершенствованию гражданского законодательства. Президент России (29 сӱрем 2014). Тергыме кече: 6 вӱдшор 2017. Архивлыме 7 вӱдшор 2017 ий.
  8. ↑ 9 сентября умер бывший Глава Марий Эл Александр Евстифеев, <https://www.marpravda.ru/news/vsja-respyblika/9-sentyabrya-umer-byvshiy-glava-mariy-el-aleksandr-evstifeev/?ysclid=m0us5phctx382975482>. Тергыме: 9 идым 2024. 
  9. ↑ Александр Евстифеев назначен врио Главы Республики Марий Эл. Президент России (6 вӱдшор 2017). Тергыме кече: 6 вӱдшор 2017. Архивлыме 7 вӱдшор 2017 ий.
  10. ↑ Врио главы Марий Эл сообщил, что он выдвинет свою кандидатуру на выборы. «Ваш новый день» (19 ага 2017). Тергыме кече: 10 пеледыш 2017. Архивлыме 15 пеледыш 2017 ий.
  11. ↑ «Единая Россия» определила кандидатом на пост главы Марий Эл Евстифеева. Regnum (13 пеледыш 2017). Тергыме кече: 11 идым 2017. Архивлыме 11 идым 2017 ий.
  12. ↑ КПРФ поддержит кандидатуру Евстифеева на выборах главы Марий Эл. Медиапоток (22 пеледыш 2017). Тергыме кече: 11 идым 2017. Архивлыме 11 идым 2017 ий.
  13. ↑ Постановление № 31/262 от 15.09.2017 года О результатах досрочных выборов Главы Республики Марий Эл 10 сентября 2017 года. Центральная избирательная комиссия Республики Марий Эл (15 идым 2017). Тергыме кече: 15 идым 2017. Архивлыме 15 идым 2017 ий.
  14. ↑ Инаугурация Александра Евстифеева. Медиапоток (21 идым 2017). Тергыме кече: 21 идым 2017. Архивлыме 21 идым 2017 ий.
  15. ↑ Распоряжение Президента Российской Федерации от 22.11.2017 г. № 400-рп «О президиуме Государственного совета Российской Федерации». Тергыме кече: 3 вӱдшор 2020. Архивлыме 29 ӱярня 2020 ий.
  16. ↑ Распоряжение Президента Российской Федерации от 18.07.2018 г. № 192-рп «О президиуме Государственного совета Российской Федерации». Тергыме кече: 3 вӱдшор 2020. Архивлыме 25 ӱярня 2020 ий.
  17. ↑ Александр Евстифеев обвинил КПРФ в «развале» Марий Эл, Коммерсант, 2018-11-29, <https://web.archive.org/web/20200723164722/https://www.kommersant.ru/doc/3814512>. Тергыме: 23 сӱрем 2020. 
  18. ↑ Глава Марий Эл подал в отставку. Тергыме кече: 10 ага 2022. Архивлыме 10 ага 2022 ий.
  19. ↑ Врио Главы Республики Марий Эл Зайцев Юрий Викторович (руш.). Тергыме кече: 12 идым 2022.
  20. ↑ «Золотой парашют» упаковали в бюджет (руш.). www.kommersant.ru (27 сӱрем 2022). Тергыме кече: 28 сӱрем 2022. Архивлыме 27 сӱрем 2022 ий.
  21. ↑ Доход главы Марий Эл в 2019 году составил 40,2 млн рублей (руш.). Кидшер (17 сорла 2020). Тергыме кече: 7 ӱярня 2022. Архивлыме 7 ӱярня 2022 ий.
  22. ↑ Доход главы Марий Эл в 2019 году составил 40,2 млн рублей (руш.). Кидшер (17 сорла 2020). Тергыме кече: 7 ӱярня 2022. Архивлыме 7 ӱярня 2022 ий.
  23. ↑ Доходы главы Марий Эл выросли в 2020 году в два раза (руш.). Кидшер (30 вӱдшор 2021). Тергыме кече: 7 ӱярня 2022. Архивлыме 7 ӱярня 2022 ий.
  24. ↑ Доходы главы Марий Эл в 2021 году упали в 16 раз (руш.). Кидшер (6 ага 2022). Тергыме кече: 6 ага 2022. Архивлыме 6 ага 2022 ий.
  25. ↑ Указ Президента Российской Федерации от 04.10.2001 г. № 1189 «О награждении государственными наградами Российской Федерации». Президент России (4 шыжа 2001). Тергыме кече: 6 вӱдшор 2017. Архивлыме 28 сорла 2016 ий.
  26. ↑ Указ Президента Российской Федерации «О награждении государственными наградами Российской Федерации» (17 теле 2007). Тергыме кече: 6 вӱдшор 2017. Архивлыме 7 вӱдшор 2017 ий.
  27. ↑ Указ Президента Российской Федерации от 18.06.2001 г. № 713 «О присвоении квалификационных разрядов федеральным государственным служащим Администрации Президента Российской Федерации». Президент России (18 пеледыш 2001). Тергыме кече: 6 вӱдшор 2017. Архивлыме 7 вӱдшор 2017 ий.

Литератур

  • Мочаев В. А., Колесников А. Ю. Евстифеев, Александр Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 132—133. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Евстифеев,_Александр_Александрович&oldid=1233190" гыч налме