Киселёв, Алексей Николаевич
| Алексей Николаевич Киселёв | |
|---|---|
 | |
|
| |
 Марий Эл Республикысе пӱртӱс поянлык, экологий да йырым-йырысе средам аралыме шотышто министр
 |
|
| 17.06.2019 — кызытсе жап марте | |
| Регионым вуйлатыше | Юрий Викторович Зайцев |
|
|
|
| Шочын |
27 теле 1982 (43 ий)
|
| Шинчымаш | |
Алексей Николаевич Киселёв (шоч. 27 теле 1982, Йошкар-Ола) — российысе кугыжаныш пашаеҥ. 2019 ий 11 апрель гыч — Марий Эл Республикысе пӱртӱс поянлык, экологий да йырым-йырысе средам аралыме шотышто министрын пашажым жаплан шуктышо, 2019 ий 17 июнь гыч — тудын министрже[1][2]. 1-ше классан юрист. Юстицийын ойпуышыжо.
Илыш корныжо
Киселёв Алексей Николаевич 1982 ий 27 декабрьыште Йошкар-Олаште шочын.
2000—2005 — Марий кугыжаныш университетын студентше. Квалификацийже — «юрист», специальностьшо — «юриспруденций»[3].
2005—2007 — пӱртӱсым кучылтмо сферыште эскерымаш шотышто Федерал службын Марий Эл Республикысе Виктемжын информаций-аналитике, юридический, кадр да материально-технический обеспечений пӧлкан тӱҥ специалист-экспертше.
2007—2008 — Юл кундем-влак кокласе пӱртӱс аралыме прокуратурын Шупашкарыште район-влак кокласе пӱртӱс аралыме прокурорын полышкалышыже.
2008—2010 — Юл кундем-влак кокласе пӱртӱс аралыме прокуратурын Шупашкарыште район-влак кокласе пӱртӱс аралыме прокурорын кугурак полышкалышыже.
2010—2011 — Юл кундем-влак кокласе пӱртӱс аралыме прокуратурын Шупашкарысе район-влак кокласе пӱртӱс аралыме прокурорын алмаштышыже.
2011 — Юл кундем-влак кокласе пӱртӱс аралыме прокуратурын Марий кундемысе район-влак кокласе пӱртӱс аралыме прокурорын алмаштышыже.
2011—2019 ий апрель — Юл кундем-влак кокласе пӱртӱс аралыме прокуратурын Марий кундемысе район-влак кокласе пӱртӱс аралыме прокурор[3].
2019 ий 11 апрельыште Марий Эл Республикын пӱртӱс поянлык, экологий да йырым-йырысе средам аралыме шотышто министрын пашажым жаплан шуктышылан шогалтыме.
2019 ий 17 июньышто Марий Эл Республикын Вуйлатышыже Александр Евстифеевын кӱштыкшӧ дене Марий Эл Республикын пӱртӱс поянлык, экологий да йырым-йырысе средам аралыме шотышто министрлан шогалтыме[2]. 2022 ий 23 сентябрь гыч Марий Эл Республик вуйлатышын 147-ше №-ан «Марий Эл Республик Виктерын еҥже-влакын пашам чарныме нерген» кӱштыкшӧ дене келшышын, Марий Эл Республикын у Виктержым ыштыме марте пӱртӱс поянлык, экологий да йырым-йырысе средам аралыме шотышто министрын сомылжым шуктен. 2022 ий 27 декабрь гыч Марий Эл Республик Вуйлатыше Юрий Зайцевын 27.12.2022 ийысе 255-ше №-ан кӱштыкшӧ дене уэш Марий Эл Республикын пӱртӱс поянлык, экологий да йырым-йырысе средам аралыме шотышто министржылан шогалтыме[4].
Палемдымаш
- ↑ Кидшер (2025-06-23), Состав Правительства Республики Марий Эл, <https://kidsher.ru/ru/dossier/23961/>. Тергыме: 7 идым 2025.
- ↑ 1 2 Кидшер (2019-06-17), Алексей Киселёв возглавил министерство природы Марий Эл без приставки и.о., <https://kidsher.ru/ru/news/18569/>. Тергыме: 7 идым 2025.
- ↑ 1 2 Киселёв Алексей Николаевич: общая информация (руш.). Официальный интернет портал Республики Марий Эл. Тергыме кече: 7 идым 2025.
- ↑ Алексей Киселев назначен министром природных ресурсов, экологии и охраны окружающей среды Марий Эл, <http://www.vpgazeta.ru/article/134105>. Тергыме: 7 идым 2025.
Кылвер-влак
- Министерство природных ресурсов, экологии и охраны окружающей среды Республики Марий Эл (руш.). Тергыме кече: 7 идым 2025.
 |
|---|
| Вуйлатыше, председатель | | |
|---|---|---|---|
| Икымше алмаштыше-влак | |||
| Алмаштыше-влак |
| ||
| Вуйлатышын администрацийжым вуйлатышыже | |||
| Министр-влак |
| ||