Курмаев, Евгений Евгеньевич
| Евгений Евгеньевич Курмаев | |
|---|---|
 | |
|
| |
 Марий Эл Республикысе правительстве председательын икымше алмаштышыже
 |
|
| 10.10.2024 — кызытсе жап марте | |
| Регионым вуйлатыше | Юрий Викторович Зайцев |
|
|
|
| Шочын |
15 кылме 1980 (45 ий) |
| Шинчымаш | |
| Награде | |
Евгений Евгеньевич Курмаев (шоч. 15 кылме 1980, Нижнекамск[d], Татар Автоном Совет Социалистик Республик) — россий кугыжаныш пашаеҥ. 2024 ий 10 октябрь гыч Марий Эл Республикысе правительстве вуйлатышын икымше алмаштышыже.
Илыш корныжо
1980 ий 15 ноябрьыште Татарстан Республикысе Нижнекамск олаште шочын[1].
Шинчымаш
2002 ийыште Тюменьысе тӱнямбал экономике вуйлатыме да права шотышто кугыжаныш институтым «юриспруденций» специальность дене тунем пытарен[1].
Карьере
2002 ий — следователь, кугурак следователь, Тобольск олан поснак кӱлешан паша шотышто следователь, прокурорын да Россий Федерацийын Тюмень кундемысе Тобольск СУ СК прокуратурышто следствий пӧлкам вуйлатышын алмаштышыже[1].
2019 ий — Калмык Республикысе прокурорын икымше алмаштышыже[1].
2020 ий — Калмыкий Республикын прокуроржо[1].
Марий Эл Республикым вуйлатыше Юрий Зайцев 2022 ий 8 декабрьыште шке кӱштыкше дене правительстве председательын алмаштышыже олмышко Евгений Курманаевым шогалтен.
2024 ий 10 октябрьыште правительстве председательын икымше алмаштышыжлан шогалтыме[2].
Правительстве председательын икымше алмаштышыже олмышто
1. Кугыжаныш политикым шуктымаште тыгай йодашлан вуйын шога:
- Правам пудыртылмашым ончылгоч тӧрлаш, права аралыме шотышто йӧным ыштымаш;
- Пого шотышто йодышым тӧрлаш;
- Акционер обществе-влакын вуйлатыме управленийлаште, кудыштын устав капиталыштышт Марий Эл Республикын пайылже уло, Марий Эл Республикысе шкегудын (представительствын) пашаж дене кылдалтше йодыш-влакым виктарен шогымаш;
- Коррупций ваштареш виктаралтше йодышым тӧрлымаш.
2. Тыгай пашам виктара:
- Марий Эл Республикысе кугыжаныш пого министерствын йодышыжым.
3. Вашкылым шотаҥдара:
- Марий Эл Республикын сомылшуктызо (исполнитель) кучем органже ден кундемысе федерал сомылшуктызо кучем органже-влак коклаште, Марий Эл Республикыште верысе шкевиктем (самоуправлений) орган-влакын правам аралыме шот-радамым шуктымо шотышто.
Кугыжаныш ден ведомствын суаптарже-влак
- Россий Федерацийысе Тӱҥ прокурорын Чапкагазше;
- «Россий Федерацийысе прокуратурышто сайын служитлымылан» оҥеш пижыктыме тамга;
- II степенян «Ачамланде ончылно суаплан» орденын медальже[3].
Палемдымаш
- ↑ 1 2 3 4 5 Прокуратура Республики Калмыкия (руш.). Тергыме кече: 6 идым 2025.
- ↑ Официальный интернет портал Республики Марий Эл (руш.). Тергыме кече: 6 идым 2025.
- ↑ Первый заместитель Председателя Правительства Марий Эл награждён медалью ордена «За заслуги перед Отечеством» II степени (руш.). Марийская правда. Тергыме кече: 6 идым 2025.
Кылвер-влак
- Курмаев Евгений Евгеньевич (руш.). Тергыме кече: 6 идым 2025.
- Официальный интернет портал Республики Марий Эл (руш.). Тергыме кече: 6 идым 2025.
- Прокуратура Республики Калмыкия (руш.). Тергыме кече: 6 идым 2025.
- Бизнес Online (руш.). Тергыме кече: 6 идым 2025.
| Вуйлатыше, председатель | | |
|---|---|---|---|
| Икымше алмаштыше-влак | |||
| Алмаштыше-влак |
| ||
| Вуйлатышын администрацийжым вуйлатышыже | |||
| Министр-влак |
| ||
