Таникова, Елена Сергеевна
| Елена Сергеевна Таникова | |
|---|---|
 | |
|
| |
 Марий Эл Республикын паша да социал аралтыш министрже
 |
|
| 23.06.2025 — кызытсе жап марте | |
|
|
|
| Шочын |
12 идым 1974 (51 ий)
|
| Шинчымаш | |
Елена Сергеевна Таникова (шоч. 12 идым 1974, Йошкар-Ола, РСФСР[d], СССР) — семмастар, российысе кугыжаныш пашаеҥ. 2025 ий 23 июнь гыч — Марий Эл Республикын паша да социал аралтыш министрже[1][2].
Ӱмыргорно
1974 ий 12 сентябрьыште Йошкар-Олаште шочын.
1981 ий гыч 1989 ий марте Йошкар-Оласе 17-ше №-ан кыдалаш шинчымашым пуышо школышто тунемын.
1993 ийыште И. С. Палантай лӱмеш Йошкар-Оласе сем училищын скрипке классшым тунем лектын.
1998 ийыште Петрозаводскышто А. К. Глазунов лӱмеш кугыжаныш консерваторийын финн-угор калык-влак сем кафедрыштыже шинчымашым налын.
2022 ийыште Российысе сымыктыш историй институтысо аспирантурын экстернатшым тунем лектын.
2023 ийыште Юл кундемысе кугыжаныш технологий университетыште «кугыжаныш да муниципал виктарымаш» шотышто магистратурым тунем лектын.
Тоштымарий семӱзгар-влак дене шоктымо сымыктыш нерген 20 утла статьян авторжо[3][4], российысе конкурс-влакын лауреатше[5].
2015-2018 ийлаште Россий Федерацийысе министерствын Касвел сар округысо (ЗВО) Офицер-влакын пӧртын ансамльже дене Сирийысе Араб Республикыште россий сарзе тӱшка-влак ончылно концертлаште шоктен, сарын ветеранже.
2019 ий гыч Российысе сымыктыш историй институтын шанчым шарыме пӧлка вуйлатышыжлан пашам ыштен, тӱвыран федерал тӧнежыштыже шанче-шинчымашым пуымо шотышто мутым кучен.
2022 ий 18 июльышто Марий Эл Вуйлатыше Ю. В. Зайцевын кӱштыкшӧ дене Марий Эл Республикын Санкт-Петербургысо да Ленинград кундемысе тичмаш ӱшанъеҥ семын пашам ыштен. Ӱшанъеҥын паша олмыштыжо Марий Эл Республик, Санкт-Петербург да Ленинград кундем кокласе вашкылын тӱрлӧ йогынжым, Санкт-Петербургысо да Ленинград кундемысе землячестве-влакын пашаштым виктарен, Санкт-Петербург да Ленинград кундемысе медиакумдыкышто Марий Эл Республикым чапландарен. Ты жапыште торгайыме-экономике, тӱвыра, туризм, самырык-влак политике шотышто вашкылым вияҥдыме, марий калыкын югыпогыжым аралыме йодыш-влакым тӧрлымӧ. Ыштыме паша гыч тыгайым палемдаш лиеш: «Невский пятачок» калык-влакын шарнымаш аллей комплексыште Кугу Ачамланде сарыште Марий Эл Республик гыч колышо-влакым шарныктыше стеллым вераҥдымаш (Ленинград кундем, 2024), Кугу Сеҥымашлан 80 ий темме лӱмеш «Сеҥымашын кӱслеже» кундем-влак кокласе тӱвыра-патырлык проектым илышыш шыҥдарымаш (Санкт-Петербург, Ленинград кундем, Марий Эл Республик, 2025).
2025 ий январь гыч Россий Федераций Президент пелен Марий Эл Республикын эре пашам ыштыше представительже Ольга Бадма-Халгаеван алмаштышыже олмым айлен[6].
2025 ий 23 июньышто Марий Эл Республикын паша да социал аралтыш министржылан шогалтыме[7].
2025 ий 11 ноябрьыште паша да социал аралтыш министр Елена Таникова Марий Эл Республикысе Кундемым виктарыше рӱдерын студийыштыже республикыште илыше-влакын йодышыштлан икымше вияш эфирыштыже вашештен[8].
Еш
- Ешан, эргыже уло.
Палемдымаш
- ↑ Кидшер (2025-06-23), Елена Таникова назначена министром труда и социальной защиты Марий Эл, <https://kidsher.ru/ru/news/51802/>. Тергыме: 7 идым 2025.
- ↑ В Марий Эл назначили нового министра труда и соцзащиты (руш.). МариМедиа. Тергыме кече: 7 идым 2025.
- ↑ Вы точно человек? (руш.). КиберЛенинка. Тергыме кече: 7 идым 2025.
- ↑ Елена Таникова. Окопные и рекрутские песни мари и их инструментальные версии (опыт реконструкции) // Музыкальный журнал Европейского Севера № 1, 2015.
- ↑ "Дорогами музыки" - встреча Таниковой Е. С. с учащимися струнного отделения (руш.). Тергыме кече: 7 идым 2025.
- ↑ Постоянный представитель Республики Марий Эл при Президенте Российской Федерации (руш.). Официальный портал Республики Марий Эл. Тергыме кече: 7 идым 2025.
- ↑ Министром социального развития Марий Эл назначена Елена Таникова, <https://www.marpravda.ru/news/sociym/ministrom-sotsialnogo-razvitiya-mariy-el-naznachena-elena-tanikova/>. Тергыме: 7 идым 2025.
- ↑ Министр труда и социальной защиты Марий Эл ответила на вопросы жителей в прямом эфире (руш.). МариМедиа. Тергыме кече: 18 кылме 2025.
Кылвер-влак
- Министр труда и социальной защиты Республики Марий Эл (руш.). Тергыме кече: 7 идым 2025.
 |
|---|
| Вуйлатыше, председатель | | |
|---|---|---|---|
| Икымше алмаштыше-влак | |||
| Алмаштыше-влак |
| ||
| Вуйлатышын администрацийжым вуйлатышыже | |||
| Министр-влак |
| ||