Герасименко, Александр Анатольевич

Александр Анатольевич Герасименко
Марий Эл Республикысе Транспорт да корно озанлык шотышто министр
25.03.2020 — кызытсе жап марте
Регионым вуйлатыше	Юрий Викторович Зайцев
Шочын	22 шорыкйол 1967(1967-01-22) (59 ий) Чернышковский[d], Волгоград область, РСФСР, СССР
Шинчымаш	Угарманысе архитектур-чоҥымаш кугыжаныш университет[d]
Награде	Россий Федерацийысе Транспорт министерствын Чап грамотыжо[d] Угарман областьын илыме-коммунал озанлык министерствын Чап грамотыжо[d]

Александр Анатольевич Герасименко (шоч. 22 шорыкйол 1967, Чернышковский^[d], Волгоград область) — российысе кугыжаныш пашаеҥ. 2020 ий 25 март гыч — Марий Эл Республикын Транспорт да корно озанлык министрже, 2022 ий 7 ноябрьыште уэш тиде должностьыш сайлалтын.

Илыш корныжо

Герасименко Александр Анатольевич 1967 ий 22 январьыште Волгоград областьысе Чернышковский районысо Чернышковский посёлкышто шочын.

1991 ийыште В. П. Чкалов лӱмеш Горькийысе инженер-чоҥышо институтым «автомобиль корно» специальность дене тунем лектын.

1985—1987 — Совет Армий радамыште срочный службым эртен.

1989—1990 — Юлсер автомобиль корнын 1-ше номеран ДРСУ-н корно пашазыже. 1991—1992 — Юлсер автомобиль корнын 1-ше номеран ДРСУ-н мастерже. 1992—1994 — «Мария — З» ТОО-н технический директоржо. 1994—2002 — «Магистраль» ООО-н технический директоржо, генеральный директоржо, президентше. 2002—2003 — «Корпорация Магистраль-Автодор» ЗАО директорын алмаштышыже. 2004—2006 — «Магистраль» ООО-н генеральный директоржын алмаштышыже, генеральный директоржо.

2006 гыч 2013 ий марте Угарман областьысе Автомобиль корнын тӱҥ виктемжым вуйлатен. 2013 ий сентябрь гыч — Угарман областьысе транспорт да автомобиль корно министр, 2017 ий октябрь гыч — Угарман мэрын алмаштышыже. 2018 ий октябрь мучаште Владимир Пановын оласе транспортым да автомобиль корным вияҥдыме стратегиян йодыш-влак шотышто ойпуышыжлан шогалтыме.

2020 ий 25 мартыште Марий Эл Вуйлатыше Александр Евстифеевын Кӱштыкшӧ дене Марий Эл Республикысе транспорт да корно озанлык министрлан шогалтыме. 2022 ий 23 сентябрьыште Марий Эл Республик Вуйлатышын «Марий Эл Республикысе Виктер еҥ-влакын пашам шуктымым чарныме нерген» 147-ше №-ан кӱштыкшӧ дене келшышын, Марий Эл Республикын у Виктержым ыштыме марте Марий Эл Республикысе транспорт да корно озанлык министрын сомылжым шуктен. Марий Эл Республикын Вуйлатышыже Юрий Зайцевын 07.11.2022 ийысе 201-ше №-ан кӱштыкшӧ дене Герасименко Александр Анатольевичым 2022 ий 7 ноябрь гыч уэш Марий Эл Республикын транспорт да корно озанлык министржылан шогалтыме.

Еш

Пелашан, кок ӱдырым ончен кушта.

Кугыжаныш да ведомстве суаптар-влак

• Чап орден;
• «Российын почётан корнызыжо» оҥпале;
• Россий Федерацийысе транспорт министерствын Чап грамотыжо;
• Россий Федерацийын транспорт министржын Таумутшо;
• Юл кундемысе Федерал округышто Россий Федераций Президентын полномочный представительжын Таумут серышыже;
• Угарман областьын законодательный погынжын Таумут серышыже;
• Угарман областьын губернаторжын Таумут серышыже;
• Угарман областьын губернаторжын Почётан дипломжо;
• Угарман областьын илыме-коммунал озанлык министерствын Чап грамотыжо;
• II степенян «Марий Эл ончылно суаплан» орден.

Палемдымаш

Кылвер-влак

• Министр транспорта и дорожного хозяйства Республики Марий Эл (руш.). Тергыме кече: 7 идым 2025.