Батюкова, Лидия Александровна
| Лидия Александровна Батюкова | |
|---|---|
 | |
|
| |
 Марий Эл Республик Вуйлатышын администрацийжым вуйлатышыже
 |
|
| 01.10.2024 — кызытсе жап марте | |
| Регионым вуйлатыше | Юрий Викторович Зайцев |
|
|
|
| Шочын |
19 сорла 1975 (51 ий) |
| Шинчымаш | |
| Награде | |
Лидия Александровна Батюкова (шоч. 19 сорла 1975, Чыкма, Марий Автоном Совет Социализм Республик) — россий кугыжаныш пашаеҥ. 2024 ий 1 октябрь гыч — Марий Эл Республик Вуйлатышын администрацийжым вуйлатышыже.
Илышкорныжо
1975 ий 19 августышто Чыкма олаште шочын.
1996 ийыште Н. К. Крупская лӱмеш Марий кугыжаныш педагогике институтым (МГПИ) «Тӱҥалтыш шинчымашым пуымаште педагогике да методике» специальность дене пытарен.
2004 гыч 2008 ий марте — «Акпарс» илышйӧн-тӱвыра рӱдерын директоржо.
2008 гыч 2017 ий марте — «Чыкма тӱвыра-эртымгорно тоштер кышкарын» муниципал тӧнежын директоржо.
2017 гыч 2022 ий марте — Марий Эл Республикысе самырык тукым политике, спорт да туризм шотышто министрже.
2022 гыч 2024 ий марте — Марий Эл Республикын спорт да туризм шотышто министрже.
2024 ий 1 октябрь гыч Марий Эл Республик Вуйлатышын администрацийжым вуйлатышыжлан шогалтыме[1][2].
Марий Эл Республик Вуйлатышын администрацийжым вуйлатыше Марий Эл Республик Виктерын кышкарышкыже пура. Марий Эл Республик Вуйлатышын администрацийжже лӱм дене Марий Эл Республикын кугыжаныш кучем органлаште, кугыжаныш кучемын федерал органлаште, Марий Эл Республик дене федерал исполнитель кучемын кундемласе органлаште, Марий Элыште верысе шкевиктем органлаште, мер ушемлаште да моло вере мутым куча. Марий Эл Республик Вуйлатышын администраций кышкарысе ужаш-влакын пашаштым вуйлата[3].
Еш
Марлан лекше, эргыже уло[4].
Суаптар
- «Марий Эл ончылно суаплан» орденын медальже — пашаште сеҥымашке шумылан да регионын социал-экономике вияҥмыжлан кугу надырым пыштымылан[5].
Палемдымаш
- ↑ Лидия Батюкова возглавила Администрацию главы Республики Марий Эл (руш.). МариМедиа. Тергыме кече: 7 идым 2025.
- ↑ Лидия Батюкова назначена Руководителем Администрации Главы Республики Марий Эл (руш.). Важные новости дня. Тергыме кече: 7 идым 2025.
- ↑ Правительство Республики Марий Эл (руш.). Официальный интернет-портал Республики Марий Эл. Тергыме кече: 7 идым 2025.
- ↑ Писаренко, Дмитрий, Глубинку спасут музеи? В маленьких городах молодежь отучают пить музейные работники, <https://aif.ru/culture/28018>. Тергыме: 7 идым 2025.
- ↑ Лидия Батюкова удостоена высокой государственной награды (руш.). МариМедиа. Тергыме кече: 7 идым 2025.
Кылвер-влак
- Руководитель Администрации Главы Республики Марий Эл (руш.). Тергыме кече: 7 идым 2025.
 |
|---|
| Вуйлатыше, председатель | | |
|---|---|---|---|
| Икымше алмаштыше-влак | |||
| Алмаштыше-влак |
| ||
| Вуйлатышын администрацийжым вуйлатышыже | |||
| Министр-влак |
| ||