Воронцов, Степан Александрович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Воронцов.
Степан Александрович Воронцов
Воронцов С.А.jpeg
Флаг
Марий Эл Республикысе правительстве председательын алмаштышыже
Флаг
21.11.2017 — кызытсе жап марте
Шочын 12 сӱрем 1963(1963-07-12) (63 ий)
Шинчымаш
Награде
II степенян «Марий Эл Республик ончылно суаплан» орден
Званий Генерал-майор[d]

Степан Александрович Воронцов (шоч. 12 сӱрем 1963, Немецродо, Марий Автоном Совет Социализм Республик) — россий кугыжаныш да сарзе деятель. 2017 ий гыч Марий Эл Республикысе правительстве председательын алмаштышыже. Генерал-майор.

Илыш корныжо

1963 ий 12 июльышто Марий АССР-ысе Немычродо ялыште шочын[1][2].

Шинчымаш

Икымше кӱшыл шинчымашым Степан Воронцов Вольскысо кӱшыл сарзе тыл училищыште налын. Тудым 1984 ийыште тунем пытарен. Вара тыл да транспорт сарзе академийыште тунемын. 2006 ийыште Россий Федерацийысе Сарзе Вийын тӱҥ штабын Сарзе академийжын дипломжым налын[1].

Карьере

1984 ийыште Вольскысо кӱшыл сарзе тыл училищым тунем пытарымек, Степан Воронцов Москосо сарзе округышто служитлен: парашют-десант полкын вещевой службын вуйлатышыже, вара артиллерий дивизийын посна зенит-ракет артиллерий дивизийын тыл паша дене вуйлатышын алмаштышыже, юж-десант дивизийын парашют-десант полкын тыл начальникше лийын[2].

1996 ийыште ракете дивизийын материал-технике обеспечений часть вуйлатышын алмаштышыжлан шогалтеныт. 1997 ий гыч ракете дивизийын материал-быт обеспечений базым вуйлатен, вара тыл паша дене ракете дивизий вуйлатышын алмаштышыже лийын[2][3].

2003 ий гыч материал-технике обеспечений шотышто Балтике флот вуйлатышын алмаштышыже лийын, 2006 гыч 2013 ий марте ракете армийын тыл паша дене вуйлатышын алмаштышыже да Касвел сарзе округын ресурс обеспечений виктерын вуйлатышыже лийын[1].

2013 ийыште РФ президентын кӱштыкшӧ дене Воронцовым материал-технике обеспечений шотышто Балтий флотын вуйлатышын алмаштышыжлан шогалтеныт[1][2], тунамак тудлан черетан сарзе званийым пуэныт — генерал-майор[4].

2017 ий 20 ноябрьыште Марий Эл Республикын кӱштыкшӧ дене Степан Воронцов Марий Эл Республикын првительстве председательын алмаштышыжлан тыршаш тӱҥалын[3][1][5][6].

2025 ийысе данный почеш Степан Воронцов шым орден да медаль дене палемдалтын[1][2][3].

Еш

Степан Воронцовын пелашыже да кок ӱдыржӧ уло[3][2].

Суаптар

  • II степенян «Марий Эл Республик ончылно суаплан» орден — Марий Эл Республикын социал-экономике вияҥмыжлан надырым пыштымылан[7].

Палемдымаш

  1. ↑ 1 2 3 4 5 6 Воронцов Степан Александрович, 2022-10-30, <https://kidsher.ru/ru/dossier/39836/>. Тергыме: 7 идым 2025. 
  2. ↑ 1 2 3 4 5 6 Новый заместитель командующего Балтийским флотом по материально-техническому обеспечению принял дела и приступил к исполнению должностных обязанностей. Министерство обороны РФ (27 ага 2013). Тергыме кече: 7 идым 2025.
  3. ↑ 1 2 3 4 Василий Лисицкий (20.11.2017), Степан Воронцов назначен Заместителем Председателя Правительства Марий Эл, <https://www.marpravda.ru/news/sociym/stepan-vorontsov-naznachen-zamestitelem-predsedatelya-pravitelstva-mariy-el/?ysclid=m1g2q1j2yx929621812>. Тергыме: 7 идым 2025. 
  4. ↑ Воронцов Степан Александрович, <https://www.tadviser.ru/index.php/%D0%9F%D0%B5%D1%80%D1%81%D0%BE%D0%BD%D0%B0:%D0%92%D0%BE%D1%80%D0%BE%D0%BD%D1%86%D0%BE%D0%B2_%D0%A1%D1%82%D0%B5%D0%BF%D0%B0%D0%BD_%D0%90%D0%BB%D0%B5%D0%BA%D1%81%D0%B0%D0%BD%D0%B4%D1%80%D0%BE%D0%B2%D0%B8%D1%87>. Тергыме: 7 идым 2025. 
  5. ↑ Воронцов Степан Александрович. Официальный сайт Главы и Правительства Республики Марий Эл. Тергыме кече: 7 идым 2025.
  6. ↑ В Марий Эл состоялось первое официальное представление нового состава Правительства республики (руш.). МариМедиа (27 кылме 2017). Тергыме кече: 7 идым 2025.
  7. ↑ Зампреда Правительства Марий Эл Степана Воронцова наградили орденом «За заслуги перед Марий Эл» II степени, <https://www.marpravda.ru/news/sociym/zampreda-pravitelstva-mariy-el-stepana-vorontsova-nagradili-ordenom-za-zaslugi-pered-mariy-el/>. Тергыме: 7 идым 2025. 

Кылвер-влак

"https://mhr.ruwiki.ru/w/index.php?title=Воронцов,_Степан_Александрович&oldid=1231834" гыч налме